Best Fridge Cleaning Tips: ఫ్రిజ్ ఇప్పుడు ప్రతి ఇంటికి ఒక ముఖ్యమైన అవసరంగా మారింది. మార్కెట్ నుంచి తెచ్చిన కూరగాయలు వివిధ రకాల ఆహార పదార్థాలను ఎక్కువ రోజులు నిల్వ ఉంచడానికి ఫ్రిజ్ వాడుతుంటాము. ఎన్ని పదార్థాలు పెడుతున్నా కూడా రిఫ్రిజిరేటర్ ఎక్కువసేపు పనిచేయాలంటే, దానిని ఎప్పటికప్పుడు శుభ్రం చేయడం ముఖ్యం. కానీ చాలా మందికి ఫ్రిజ్‌ను శుభ్రపరచడం పెద్ద సవాల్ అనే చెప్పాలి.

చాలా సార్లు, సమయం లేకపోవడంతో ఫ్రిజ్ క్లీనింగ్ వాయిదా పడుతుంది. ఒక్కొక్కరు గంటల తరబడి ఫ్రిజ్ శుభ్రం చేస్తూ ఉంటారు. కానీ సమయం లేనప్పుడు కొన్ని రకాల టిప్స్ పాటించడం ద్వారా ఈజీగా ఫ్రిజ్ క్లీన్ చేసుకోవచ్చు. మరి సులభంగా 15 నిమిషాల్లో ఫ్రిజ్‌ను ఎలా శుభ్రం చేసుకోవాలో ఇప్పుడు తెలుసుకుందాం.

ఫ్రిజ్‌ను ఎలా శుభ్రం చేయాలి ?

అన్ని వస్తువులను తీయండి: ముందుగా, రిఫ్రిజిరేటర్ నుండి అన్ని వస్తువులను తీయండి. చెడిపోయిన ఆహారాన్ని బయటపడేయండి. ఎక్కువ రోజులు ఉంచిన వస్తువులు ఫ్రిజ్‌లో మురికికి కారణం అవుతాయి. అంతే కాకుండా దుర్వాసనను కూడా కలిగిస్తాయి.

బేకింగ్ సోడా ద్రావణాన్ని తయారు చేయండి: ఒక గిన్నెలో గోరువెచ్చని నీటిని తీసుకుని, దానిలో బేకింగ్ సోడా వేసి లిక్విడ్ తయారు చేయండి. ఈ ద్రావణం సహాయంతో ఫ్రిజ్‌ను సులభంగా శుభ్రం చేయవచ్చు.

ఫ్రిజ్ లోపలి భాగాన్ని శుభ్రం చేయండి: ఈ లిక్విడ్ సహాయంతో, ఫ్రిజ్ లోపల ఉన్న అన్ని భాగాలను పూర్తిగా శుభ్రం చేయండి. ముఖ్యంగా అల్మారాలు శుభ్రం చేయండి.

చేరుకోలేని మూలలను శుభ్రం చేయండి: స్పాంజ్ చేరుకోలేని ఫ్రిజ్ మూలలను శుభ్రం చేయడానికి పాత వార్తాపత్రిక లేదా కిచెన్ టవల్‌ను ఈ పేస్ట్‌లో ముంచి క్లీన్ చేయండి.

వెనిగర్ ఉపయోగించండి: ఏవైనా మొండి మరకలు ఉంటే వాటిని తొలగించడానికి వెనిగర్ ఉపయోగించండి. దీన్ని స్ప్రే బాటిల్‌లో నింపి మరకపై స్ప్రే చేసి 5 నిమిషాల తర్వాత శుభ్రమైన గుడ్డతో తుడవండి. వీటి ద్వారా దాదాపు ఫ్రిజ్ లో ఉన్న అన్ని మరకలు పోతాయి.

ఆరబెట్టండి: శుభ్రం చేసిన తర్వాత, రిఫ్రిజిరేటర్‌ను పొడి గుడ్డతో పూర్తిగా తుడవండి.

వస్తువులను తిరిగి ఉంచండి: ఫ్రిజ్ ఆరిన తర్వాత మీవస్తువులను తిరిగి ఫ్రిజ్‌లో ఉంచండి. మీరు ఏ వస్తువులను ఎక్కడ పెట్టారో సులభంగా కనుగొనగలిగేలా వాటిని క్రమ పద్ధతిలో సెట్ చేసుకోండి.

కొన్ని అదనపు చిట్కాలు..

ప్రతి వారం శుభ్రం చేయండి: మీరు ప్రతి వారం రిఫ్రిజిరేటర్‌ను శుభ్రపరుస్తూ ఉంటే, అప్పుడు మురికి పేరుకుపోదు. అంతే కాకుండా ఎక్కువ సేపు శుభ్రం చేయవలసిన అవసరం ఉండదు.

Also Read: కల్తీ నెయ్యిని గుర్తించండిలా ?

ఎక్కువ రోజులు అయిన కూరగాయలు: ఫ్రిజ్ లో ముందు భాగంలో ఎక్కువ రోజులు అయిన కూరగాయలు, ఆహార పదార్ధాలను ఉంచండి: తద్వారా ముందుగా ఏ ఆహారాన్ని తొలగించాలో మీరు సులభంగా తెలుసుకోవచ్చు.

ఫ్రిజ్‌ను ఓవర్‌ఫిల్ చేయవద్దు: ఫ్రిజ్‌లో గాలి ప్రవాహం అవసరం. మీరు రిఫ్రిజిరేటర్‌ను ఓవర్‌ఫిల్ చేస్తే, చల్లటి గాలి సరిగ్గా చేరదు. అంతే కాకుండా ఆహారం చెడిపోయే ప్రమాదం పెరుగుతుంది.

శ్రద్ధ వహించండి..
రిఫ్రిజిరేటర్‌ను శుభ్రపరిచేటప్పుడు తప్పకుండా పవర్ ప్లగ్‌ని తీసివేయండి.
మీరు రిఫ్రిజిరేటర్ యొక్క వెలుపలి భాగాన్ని శుభ్రం చేయడానికి కూడా ప్లగ్ తీసివేయండి.

Share

• 
• 
• 
• 
• 
•