![Pimple Home Remedies](https://www.bigtvlive.com/wp-content/uploads/2024/04/Untitled-design-2024-04-02T190120.981.jpg)
Pimple Home Remedies : మన శరీర భాగాల్లో ముఖం చాలా సెన్సిటివ్ ప్లేస్. ముఖంపై చిన్నపాటి దుమ్ము పడ్డా కూడా ఎఫెక్ట్ అవుతుంది. శరీరంలో ఎటువంటి మార్పులు జరిగిన ముఖంపైనే కనిపిస్తుంది. ఇందులో భాగంగానే ముఖంపై మోటిమలు వస్తాయి. ఇలా మొటిమలు ఏర్పడినప్పుడు చాలా మంది టెన్షన్ పడతారు. ఇటువంటి సందర్భాలో బయటకి వెళ్లాలన్నా అసౌకర్యంగా ఉంటుంది.
చర్మ సంరక్షణ, దినచర్యపై శ్రద్ధ చూపడం, ఆరోగ్యకరమైన ఆహారపు అలవాట్లను అవలంబించడం ద్వారా ముఖాన్ని చాలా వరకు శుభ్రంగా ఉంచుకోవచ్చు. అటువంటి కొన్ని ఫేస్ ప్యాక్ల గురించి ఈ రోజు మనం తెలుసుకుందాం. ఇవి మొటిమలను తొలగించడమే కాకుండా గ్లోను కూడా పెంచుతాయి. వాటిని తయారుచేసే విధానం గురించి తెలుసుకోండి.
Also Read : ఓరినీ.. ఎండిన నిమ్మకాయతో ఇన్ని లాభాలా..?
వేప ఫేస్ ప్యాక్
వేపతో తయారుచేసిన ఫేస్ ప్యాక్ని ఉపయోగించడం ద్వారా అనేక చర్మ సంబంధిత సమస్యలను నివారించవచ్చు. ఇందులో యాంటీ బ్యాక్టీరియల్ ,యాంటీ ఫంగల్ లక్షణాలు ఉన్నాయి. ఇది మొటిమలకు కారణమయ్యే బ్యాక్టీరియాను తొలగిస్తుంది.
దీన్ని ఇలా ఉపయోగించండి
- దీని కోసం వేప ఆకులను మెత్తగా గ్రైండ్ చేయండి
- దానికి రోజ్ వాటర్ చుక్కలు కలపండి
- దీన్ని ముఖానికి పట్టించి ఆరనివ్వాలి.
- దాదాపు 15-20 నిమిషాల తర్వాత ముఖం శుభ్రం చేసుకోవాలి.
- వారానికి 2 నుండి 3 సార్లు ఈ ప్యాక్
ఉపయోగించవచ్చు. - చర్మం మెరుపు పెరుగుతుంది.
కలబంద ఫేస్ ప్యాక్
కలబంద చర్మానికి ఒక వరం. ఇది యాంటీ బాక్టీరియల్ మరియు యాంటీ ఇన్ఫ్లామేటరీ లక్షణాలను కూడా కలిగి ఉంది. దీని సహాయంతో మొటిమల సమస్యను నయం చేయవచ్చు.
దీన్ని ఇలా ఉపయోగించండి
- దీని కోసం అలోవెరా జెల్ తీసుకోండి.
- దానికి చిటికెడు పసుపు వేసి కలపాలి.
- ఇప్పుడు ఈ పేస్ట్ను ముఖానికి పట్టించి ఆరనివ్వాలి.
- సుమారు 15 నిమిషాల తర్వాత, సాధారణ నీటితో ముఖం కడగాలి.
తేనె దాల్చిన చెక్క ఫేస్ ప్యాక్
తేనె మరియు దాల్చినచెక్క కూడా మొటిమలను వదిలించుకోవడంలో చాలా ప్రభావవంతంగా ఉంటాయి. తేనె మీ చర్మాన్ని తేమగా ఉంచడానికి కూడా పని చేస్తుంది.
Also Read : ఓవర్ వెయిట్.. జిమ్లో చేరే ఆలోచనలో ఉన్నారా?
దీన్ని ఇలా ఉపయోగించండి
- ఒక గిన్నెలో తేనె మరియు దాల్చిన చెక్క పొడి కలపండి.
- దీన్ని ముఖానికి పట్టించి 10 నుంచి 15 నిమిషాల పాటు అలాగే ఉంచాలి.
- తర్వాత సాధారణ నీటితో ముఖాన్ని కడుక్కోవాలి.
- ముఖం మెరుస్తుంది మరియు మొటిమలు మరియు మచ్చలు కూడా పోతాయి.
Disclaimer : ఈ కథనాన్ని నిపుణుల సలహాల ఆధారంగా అందిస్తున్నాం . దీనిని అవగాహనగా మాత్రమే భావించండి.