Fire Accident: వరుస అగ్నిప్రమాదాలతో హైదరాబాద్ భగ్గుమంటోంది. సికింద్రాబాద్ డెక్కన్ మాల్ భవన్లో చోటుచేసుకున్న అగ్నిప్రమాదం మరువక ముందే ఇటీవల మళ్లీ సికింద్రాబాద్లో స్వల్నలోక్ కాంప్లెక్స్లో మరో ప్రమాదం జరిగింది. ఈ మంటలు ఇంకా చల్లారక ముందే మళ్లీ ఓ అగ్నిప్రమాదం సంభవించింది. మైలార్ దేవిపల్లి శాస్త్రిపురంలోని ఓ ప్లాస్టిక్ గోదాంలో భారీ అగ్నిప్రమాదం చోటుచేసుకుంది.
క్షణాల్లోనే మంటలు ఎగిసిపడి ఆ ప్రాంతమంతా దట్టమైన పొగలు కమ్మేశాయి. దీంతో స్థానికులు ఉక్కిరిబిక్కిరి అయ్యారు. అగ్నిమాపక సిబ్బంది సంఘటనా స్థలానికి చేరుకొని మంటలను అదుపు చేస్తున్నారు. ఫైరింజన్ల సాయంతో మంటలను ఆర్పుతున్నారు. షార్ట్ సర్క్యూట్ కారణంగానే ఈ ప్రమాదం జరిగినట్లు అధికారులు ప్రాథమికంగా నిర్దారణకు వచ్చారు. అయితే ఈ ప్రమాదంలో ఎటువంటి ప్రాణనష్టం జరగలేదని సమాచారం. ఆస్థినష్టం మాత్రం భారీగా సంభవించినట్లు తెలుస్తోంది. గోదాంలోని విలువైన సామాగ్రితో పాటు రెండు డీసీఎం వాహనాలు దగ్ధమయ్యాయి.
ఇక గురువారం స్వల్పలోక్ కాంప్లెక్స్లోని ఎనిమిదో అంతస్థులో ఒక్కసారిగా మంటలు చెలరేగాయి. క్రమంగా ఆ మంటలు 7, 6, 5 అంతస్థలుకు వ్యాపించాయి. వెంటనే ఫైర్ సిబ్బంది సంఘటనా స్థలానికి చేరుకొని 15 ఫైర్ ఇంజిన్ల సాయంతో మంటలను అదుపు చేశారు. ఈ ప్రమాదంలో ఐదో అంతస్థులో కాల్ సెంటర్లో పనిచేస్తున్న ఆరుగురు దుర్మరణం చెందారు.
Kadamba Tree:ఆంజనేయుడి పుట్టుక వెనుక కదంబ వృక్షం!
Robots:వర్క్ ప్రెజర్ నుండి బయటపడేసే రోబోలు