Trisha Krishan: సూపర్ స్టార్ మహేష్ బాబును, మెగాస్టార్ చిరంజీవిని చూస్తున్నప్పుడు వీరి ఏజ్ పెరుగుతుందా .. ? తరుగుతుందా.. ? అని మాట్లాడుకుంటూ ఉంటారు. ఇక హీరోయిన్స్ విషయానికి వస్తే ఆ చర్చ మొదట త్రిష కృష్ణన్ గురించి చేయాలి.
41 ఏళ్ల వయస్సులో కూడా ఆ అందం చూసి ఫ్యాన్స్ ఫిదా అవుతున్నారు. త్రిష ఏజ్ పెరుగుతుందా.. ? తరుగుతుందా.. ? అని నోళ్లు వెళ్లబెడుతున్నారు.
1999 లో వచ్చిన జోడీ సినిమాలో సిమ్రాన్ కు ఫ్రెండ్ గా త్రిష ఇండస్ట్రీకి పరిచయమైంది. ఆ తరువాత అలాంటి పాత్రలు చేస్తూ హీరోయిన్ గా మారింది. నీ మనసు నాకు తెలుసు అనే బై లింగువల్ సినిమాతో త్రిష తెలుగుకు పరిచయమైంది.
ఇక ప్రభాస్ సరసన వర్షం సినిమాలో సోలో హీరోయిన్ గా నటించి టాలీవుడ్ లో తనకంటూ ఒక స్థానాన్ని సంపాదించుకుంది. స్టార్ హీరోలందరి సరసన నటించి మెప్పించింది.
తెలుగు, తమిళ్, మలయాళం అన్ని భాషల్లో త్రిష స్టార్ హీరోయిన్ గా గుర్తింపు తెచ్చుకుంది. మధ్యలో కొన్నేళ్ళు త్రిష సినిమాలకు గ్యాప్ ఇచ్చింది. ఇక ఎప్పుడైతే 96 సినిమా అన్ని భాషల్లో హిట్ అయ్యిందో అప్పటి నుంచి అమ్మడి దశ తిరిగింది.
స్టార్ హీరోల సరసన హీరోయిన్ గా ఒకపక్క, లేడీ ఓరియెంటెడ్ సినిమాలు ఇంకోపక్క.. ఇలా మంచి మంచి విజయాలను అందుకుంటూ వస్తుంది.
ప్రస్తుతం త్రిష చేతిలో మూడు, నాలుగు సినిమాల వరకు ఉన్నాయి. తెలుగులో చిరంజీవి సరసన విశ్వంభరలో నటిస్తుంది. ఇది కాకుండా తమిళ్ లో అజిత్ సరసన విదాముయార్చిలో నటిస్తోంది.
తాజాగా విదాముయార్చి షూటింగ్ నుంచి త్రిష కొన్ని ఫోటోలను అభిమానులతో పంచుకుంది. కాంజీవరం చీరలో త్రిష అచ్చ తెలుగు ఆడపడుచులా మెరిసిపోతుంది.
త్రిష చీరకట్టుకున్న ఫోటోలను చూసిన అభిమానులు..చీరకే అందం తీసుకురావడం అంటే ఇదేనేమో.. దేవతలా ఉందే అంటూ తెగ పొగిడేస్తున్నారు. మరి ఈ సినిమాలతో త్రిష ఎలాంటి విజయాలను అందుకుంటుందో చూడాలి.
Share
Revanth in Book Fair : రాష్ట్రంలో ఉద్యమ వీరులకు గుర్తింపు దక్కలేదు.. బీఆర్ఎస్ తీరుపై సీఎం రేవంత్ ఆగ్రహం.. చరిత్ర మార్చేయండి
KTR On E-Car Case : డబ్బులు కట్టిన మాట వాస్తవమే.. అసలు విషయాన్ని అంగీకరించిన కేటీఆర్.. ఇక అరెస్టే తరువాయి
