2024 Nissan X-Trail Teased: భారతీయ ఆటోమొబైల్ రంగం స్పీడ్గా దూసుకెళ్తుంది. అంతేకాకుండా వినియోగదారుల అవసరాలను తీర్చడానికి కంపెనీ కొత్త మోడళ్లను మార్కెట్లోకి నిరంతరం పరిచయం చేస్తున్నారు. ఈ క్రమంలోనే తాజాగా నిస్సాన్ తన ఎక్స్-ట్రైల్ SUVని త్వరలో విడుదల చేయబోతోంది. నిస్సాన్ ఎక్స్-ట్రైల్ 8 సంవత్సరాల తర్వాత భారతదేశంలో తిరిగి వస్తోంది. ఈ ఫేమస్ SUV భారతదేశంలో 2005లో మొదటిసారిగా విడుదలైంది. ఇది నాల్గవ తరంలో భారత మార్కెట్లోకి అందుబాటులోకి రానుంది. ఇందులో భాగంగా కొత్త టీజర్ను విడుదల చేసింది.
An SUV that invokes passion, love and admiration around the globe. Coming soon to India. Keep watching this space to know more.#NissanIndia #Nissan #XTrail #NewCar #Comingsoon #Outdo pic.twitter.com/kgLhBG5jVy
— Nissan India (@Nissan_India) July 2, 2024
ఇది కారు డిజైన్పై ఒక గ్లింప్స్ ఇస్తుంది. ఈ కొత్త టీజర్లో కారు ముందు భాగాన్ని చూడొచ్చు. ఇందులో పైన LED డేటైమ్ రన్నింగ్ లైట్లతో స్ప్లిట్ హెడ్ల్యాంప్ సెటప్ను కలిగి ఉంటుంది. గ్రిల్కు క్రోమ్ సరౌండ్తో అధునాతన బ్లాక్అవుట్ ఫినిషింగ్ అందించారు. అల్లాయ్ వీల్ డిజైన్ X-ట్రైల్ టెంకా లేదా టెంకా+ వేరియంట్లా కనిపిస్తుంది.
నిస్సాన్ కొత్త ఫోర్త్ జనరేషన్ కారు ఇది. ఇందులో 2.7 మీటర్ల కంటే ఎక్కువ వీల్బేస్, 205mm గ్రౌండ్ క్లియరెన్స్ కలిగి ఉంటుంది. అలానే కారు లోపల చాలా పెద్ద స్పేస్ ఉంటుంది . ప్రపంచవ్యాప్తంగా X-ట్రైల్ 5-సీటర్, 7-సీటర్ కాన్ఫిగరేషన్లలో అందుబాటులో ఉంటుంది. ఇది కటుంబ ప్రయాణాలకు కూడా అనుకూలంగా ఉంటుంది.
Also Read: దిమాక్ కరాబ్ బైక్స్.. త్వరలో లాంచ్.. క్రేజ్ వేరే లెవల్..!
ప్రపంచవ్యాప్తంగా ప్రారంభించబడిన ఎక్స్-ట్రైల్ పెట్రోల్, హైబ్రిడ్ పవర్ట్రెయిన్లతో వస్తుంది. అయితే, ఇండియా-స్పెక్ మోడల్లో 1.5-లీటర్, 3-సిలిండర్ టర్బోచార్జ్డ్ పెట్రోల్ ఇంజన్ మాత్రమే లభించే అవకాశం ఉందని అంచనా. ఈ ఇంజన్ 201 bhp, 305 Nm టార్క్ ఉత్పత్తి చేస్తుంది.
నిస్సాన్ ఎక్స్-ట్రైల్ను ఫుల్ (CBU) యూనిట్గా దిగుమతి చేస్తుంది. హైబ్రిడ్ వేరియంట్ భారతదేశంలో అందుబాటులో ఉండే అవకాశం లేదు. ట్రాన్స్మిషన్ గురించి మాట్లాడితే CVT గేర్బాక్స్ గేర్బాక్స్ ఇందులో కనిపిస్తుంది. X-ట్రైల్ ఆల్-వీల్-డ్రైవ్ (AWD) ఆప్షన్తో రావచ్చు. టూ-వీల్-డ్రైవ్ (2WD) వేరియంట్ అవైల్బిలిటీని కన్ఫర్మ్ చేయలేదు.
Also Read: మనూరి బండి.. అదరకొట్టిన టీవీఎస్ ఎక్స్ఎల్.. ఏంటయ్యా ఆ క్రేజ్!
నిస్సాన్ గతంలో 2022లో X-ట్రైల్ కొత్త వేరియంట్ను చూపించారు. జూలై 17 తర్వాత ఎప్పుడైనా దీన్ని మార్కెట్లోకి తీసుకురావచ్చు. జ్యూక్, కష్కాయ్ వంటి ఇతర మోడళ్లతో పాటుగా నిస్సాన్ ఎక్స్-ట్రైల్ను మొదటిసారిగా దాదాపు రెండు సంవత్సరాల తర్వాత విడుదల చేయనున్నారు. భారత మార్కెట్లో రానున్న కొత్త కార్లు X-Trail, Toyota Fortuner, MG Gloster వంటి మోడళ్లతో పోటీ పడనున్నాయి. X-Trail అధికారికంగా ప్రారంభించిన తర్వాత మాత్రమే దీని స్పెసిఫికేషన్, ధర వివరాలు వెల్లడి చేయబడతాయి.