Family Drama OTT : రీసెంట్ గా ఒక మూవీ థియేటర్లలో వచ్చింది. అయితే ఈ సినిమా ప్రపంచవ్యాప్తంగా విమర్శకుల ప్రశంసలు అందుకుంది. నైజీరియా దేశంలో 1993లో ఎలక్షన్ల టైమ్ లో సాగే ఈ ఫ్యామిలీ సినిమా ‘మై ఫాదర్స్ షాడో’. ఈ సినిమా దర్శకుడు చిన్నతనంలో తన తండ్రితో గడిపిన జ్ఞాపకాల ఆధారంగా ఈ కథను రాసుకున్నారు. అందుకే ఇందులో ఎమోషన్స్ చాలా సహజంగా ఉంటాయి. అంతేకాకుండా ఈ సినిమాను పాత కాలపు పద్ధతిలో 16mm ఫిలిం మీద షూట్ చేశారు. దీనివల్ల 1990ల నాటి నైజీరియా వాతావరణం, ఆ రంగులు కళ్ళకు కట్టినట్లు కనిపిస్తాయి. అనవసరపు సీన్లు లేకుండా చాలా క్రిస్పీగా, ఎమోషనల్గా సాగుతుంది ఈ సినిమా.
‘మై ఫాదర్స్ షాడో’ (My Father’s Shadow) అకినోలా డేవిస్ జూనియర్ దర్శకత్వం వహించారు. ఇందులో తండ్రి పాత్ర వేసిన సోపే దిరిసు ఇప్పటికే ‘గ్యాంగ్స్ ఆఫ్ లండన్’ సిరీస్తో చాలా ఫేమస్. కానీ ఇందులో పిల్లలుగా నటించిన గాడ్విన్ ఎగ్బో, చిబుయిక్ మార్వెలస్ ఎగ్బో అనే ఇద్దరు అబ్బాయిలు, ఈ సినిమాతోనే వెండితెరకు పరిచయమయ్యారు. వారి నటనకు విమర్శకుల నుంచి భారీ ప్రశంసలు దక్కాయి. ఇది ఫిల్మ్ వన్ ఎంటర్టైన్మెంట్ ద్వారా 19 సెప్టెంబర్ 2025న నైజీరియాలో థియేటర్లలో విడుదలైంది.ఇక దీని గ్లోబల్ స్ట్రీమింగ్ హక్కులను MUBI కొనుగోలు చేసింది. ఏప్రిల్ లో ఈ సినిమా స్ట్రీమింగ్ అయ్యే అవకాశం ఉంది. ఇక ప్రపంచంలోనే అత్యంత ప్రతిష్టాత్మకమైన కేన్స్ ఫిలిం ఫెస్టివల్లో ‘అఫీషియల్ సెలక్షన్’లో నిలిచిన మొట్టమొదటి నైజీరియన్ సినిమా ఇదే కావడం విశేషం.
నైజీరియా దేశంలో 1993లో ఎలక్షన్ల టైమ్ అది. ఊరంతా ఒకటే గొడవలు జరుగుతుంటాయి. ఆ టైమ్లో ఇద్దరు చిన్న పిల్లలు, చాలా కాలంగా దూరంగా ఉంటున్న తమ తండ్రి తో కలిసి, ఒక రోజంతా నగరం చుట్టూ తిరగడానికి బయలుదేరుతారు. ఆ పిల్లలకి బయట ఏం జరుగుతుందో తెలీదు కానీ, వాళ్ల నాన్నతో కలిసి గడపడం అంటే భలే సంబరం. కానీ లోపల ఆ తండ్రికి మాత్రం తన వ్యక్తిగత జీవితంలో, ఆర్థికంగా బోలెడు కష్టాలు ఉంటాయి. ఆ కష్టాలన్నీ తన మొహంలో కనిపించకుండా, పిల్లల ముందు తనే ఒక పెద్ద హీరోలా కనిపించాలని తెగ తాపత్రయపడతాడు.
కానీ ఆ రోజంతా సాగే ప్రయాణంలో పిల్లలకి ఒక విషయం అర్థమవుతుంది. తమ నాన్న వాళ్ళు అనుకున్నంత పెద్ద బలవంతుడేం కాదు. ఆయనకు కూడా భయాలు, బాధలు ఉన్నాయని వాళ్లకి చిన్నగా తెలుస్తుంది. బయట దేశంలో ఎలక్షన్ల వల్ల గొడవలు జరుగుతుంటే, లోపల ఆ తండ్రి తన గౌరవాన్ని కాపాడుకోవడానికి చేసే యుద్ధమే ఈ సినిమా. ఒక తండ్రి తన కొడుకుల కళ్లలో తక్కువైపోకూడదని పడే ఆరాటం, ఆ పిల్లల అమాయకత్వం చుట్టూ ఈ కథ చాలా ఎమోషనల్గా సాగుతుంది.
Read Also : మునుపెన్నడూ చూడని సిక్కు యోధుల వీర గాధ… ఓటీటీలో స్ట్రీమింగ్ షురూ
Share
Actress Laya: కెరీర్ వదిలేసి, 24 ఏళ్లకే పెళ్లి చేసుకోవడానికి కారణం అదే!
Thriller Movie OTT : ఒంటరి కొంపలో అమ్మాయి... హత్యలతో వణికిపోయే ఊరు... బోన్ చిల్లింగ్ థ్రిల్ పక్కా
