Zomato Layoffs:స్విగ్గి.. జోమాటో….ఈ ఫుడ్ సర్వీస్ యాప్స్ ఇవి ఎంత పాపులరో చెప్ప క్కర్లేదు.ముఖ్యంగా మన హైదరాబాదులో ఇపుడు ఎక్కడ,ఎప్పుడు చూసినా రయ్యి రయ్యి మంటూ టూ వీలర్స్ పై పరుగులు తీస్తూ కస్టమర్స్ కి ఫుడ్ అందిస్తూ మంచి పేరు సంపాదించుకున్న ఫుడ్ డెలివరీ ఆప్స్ ఇవి .
అలాంటి వీటిలో ముఖ్యమైన జొమాటో ఇప్పుడు ఒక షాకింగ్ డిసిషన్ తీసుకుందని తెలుస్తుంది.అవును.. తమ సంస్థలో పని చేసే 250 మందికి లేఆఫ్స్ ఇవ్వనుందట జొమాటో .
విషయంలోకి వెళ్తే హైదరాబాదులోని జొమాటో తన కస్టమర్ సపోర్ట్ సెంటర్ ని మూసివేయాలని నిర్ణయించుకుందని తెలుస్తుంది. దీంతో అక్కడ పనిచేస్తున్న దాదాపు 250 మంది ఉద్యోగులు తమ ఉద్యోగాలని కోల్పోబోతున్నారన్న వార్త ఇపుడు సోషల్ మీడియాలో వైరల్ అవుతుంది.అయితే ఇది సంస్థ ఖర్చులు తగ్గించుకునే కాదని,కంపెనీ పునర్వ్యవస్థీకరణలో భాగంగానే ఇలా 250 మందికి మంగళం పాడుతుందట జొమాటో.
ఇక హైదరాబాదులో తమ కస్టమర్ సపోర్ట్ సెంటర్ ని క్లోజ్ చేసినా కానీ తమ సంస్థ కార్యకలాపాలని పూర్తిగా ఆపివేయడం లేదట. ప్రస్తుతం హైదరాబాదులో ఉన్న ఇన్ హౌస్ కస్టమర్ సపోర్ట్ టీం ని హర్యానాలోని గురుగ్రామ్ హెడ్ ఆఫీస్ కి తరలించనుంది.
దీంతో ప్రొడక్ట్, టెక్నాలజీ, అనలిటిక్స్ టీమ్లకు స్టమర్ సపోర్ట్ విభాగాన్ని మరింతగా దగ్గరగా తీసుకురావడమే కంపెనీ ప్రధాన ఉద్దేశం అని తెలుస్తుంది. ఇక ఇందులో భాగంగానే గత ఆరు నెలలుగా తమ కస్టమర్ కేర్ కు సంబంధించిన కొన్ని సేవలను థర్డ్ పార్టీ సంస్థలకు అప్పగించే ప్రక్రియ కూడా పెరిగినట్టు తెలుస్తుంది .
అయితే తమ సంస్థలో తీసుకునే ఈ నిర్ణయం కారణంగా ఇందులో ఉద్యోగాలు కోల్పోయే వారికి జొమాటో మంచి గుడ్ న్యూస్ చెప్పినట్టు తెలుస్తుంది. అవును ఆగస్టు నెల సాలరీతో పాటుగా కాంట్రాక్ట్ నోటీస్ పే,ఎక్స్గ్రేషియా..ఇలామొత్తం కలిపి మొత్తం నాలుగు నెలల వేతనానికి సమానమైన సెవెరెన్స్ ప్యాకేజీ ని కూడా అందించనుందట జొమాటో.
అంతేకాదు ఉద్యోగం నుండి రిలీవైన వారికి మెడికల్ ఇన్సూరెన్స్, కౌన్సెలింగ్ సపోర్ట్ వంటివి 2027 మార్చి 31 వరకు కంటిన్యూ చేసుకునే ఛాన్స్ జొమాటో ఇచ్చినట్టు తెలుస్తుంది.ఏది ఏమైనా ఇలా ఉన్నపళంగా తీసివేయకుండా కంపెనీలో పని చేసిన ఉద్యోగుల బాగు కోరుకుంటూ తీసుకున్న నిర్ణయం మెచ్చుకోతగ్గదే .
అయితే ఈమధ్య ఈ లే ఆఫ్స్ అనేది ఒక జొమాటో కే పరిమితం కాలేదు ఈమధ్య చాలా సంస్థలు తమ ఉద్యోగులను వదిలించుకునే పనిలో పడ్డాయి. ముఖ్యంగా ఏఐ ,చాట్ బాక్స్ ,ఆటోమేషన్ వంట థర్డ్ పార్టీ సర్వీస్ ప్రొవైడర్ల వైపు మొగ్గు చూపుతున్నాయి చాలా సంస్థలు .ఇందులో కస్టమర్ల సాధారణ సమస్యల్ని ఏఐ ఆటోమేషన్ వంటి వాటి ద్వారా పరిష్కరించుకునే పరిస్థితి చాలా చోట్ల కనిపిస్తుంది.
ఏది ఏమైనా ఒకప్పుడు వేలాది ఉద్యోగాలు అవకాశాలు కల్పించిన కస్టమర్ సపోర్ట్ రంగంలోనే ఇప్పుడు ఉద్యోగాల కోసం మొదలైపోయింది .చూడాలి ముందు ముందు ఈ జొమాటో బాటలో ఇంకెన్ని సంస్థలు నడుస్తాయో .
Share
కావ్యతో రిలేషన్ కన్ఫర్మ్ చేసిన కాలభైరవ.. జీవితాంతం ఒకే ఇంట్లో అంటూ!
బీజేపీ ఆఫీస్ ముట్టడి.. ప్రధాని దిష్టిబొమ్మ దహనం.. పోలీసుల వైఫల్యంపై బండి సంజయ్ ఫైర్!
