Brown Sugar for Skin: సహజసిద్ధంగా మీ అందాన్ని మెరిపించుకోవాలి అనుకుంటే.. దాని కోసం ఖరీదైన కాస్మెటిక్స్ అక్కర్లేదు. ఇంట్లో ఉన్న చక్కెర చక్కగా ఉపయోగపడుతుంది. ముఖ సౌందర్యాన్ని రెట్టింపు చేయడంతోపాటు మీ శరీరం కోల్పోయిన తేమను నిలిపి ఉంచడంలో ఎంతగానో సహకరిస్తుంది చక్కెర. వంటింట్లో దొరికే కొన్ని పదార్థాలను చక్కెరతో కలిపి బాడీకి స్క్రబర్స్గా వాడితే.. సహజ నిగారింపు మీ సొంతం అవుతుంది. మరి అదెలాగో ఇప్పుడు చూసేద్దామా..
ముందుగా రెండు టేబుల్ స్పూన్ల బ్రౌన్షుగర్లో సమాన పరిమాణంలో ఆలివ్ ఆయిల్ కలిపి ఒంటికి రాసుకోండి. ఆ తర్వాత చక్కెర కరిగేవరకూ మృదువుగా మసాజ్ చేస్తూనే ఉండాలి. దీంతో మృతకణాలు పోయి చర్మానికి తగిన రక్తప్రసరణ జరిగి కాంతిమంతంగా మెరుస్తుంది. ఈ విధానాన్ని కనీసం వారానికి ఒకసారైనా పాటిస్తేనే మంచి ఫలితం ఉంటుంది.
ఒక బౌల్లో రెండు టేబుల్ స్పూన్ల బ్రౌన్షుగర్ని తీసుకోండి. దీనికి ఒక చెంచా పెసరపిండి, కాసిని పాలు కలిపండి. కాసేపటి తర్వాత ఆ మిశ్రమాన్ని ఒంటికి రాసి స్క్రబ్ చేయండి. ఈ ప్రక్రియ తర్వాత చర్మం ఎంత నిగారింపుగా కనిపిస్తుందో మీకే అర్థమౌతుంది.
అరకప్పు చక్కెరకు రెండు చెంచాల కొబ్బరినూనె, చెంచా తేనె కలిపి చర్మానికి రాసుకోండి. ఆపై 5 నిమిషాల పాటు ఆరనిచ్చి.. చేతులు తడుపుకొంటూ నెమ్మదిగా మర్దన చేయాలి. ఇలా చేస్తే చర్మంపై పేరుకుపోయిన మురికి, మృతకణాలు, సూర్యరశ్మి వల్ల ఏర్పడ్డ టాన్ ఇట్టే తొలగిపోతుంది.
అలాగే చక్కెరలో ఓట్మీల్, ఆలివ్ ఆయిల్ కలిపి స్క్రబ్ వేసుకుంటే.. జిడ్డు చర్మం, మొటిమలను పూర్తిగా నియంత్రించవచ్చు. ఈ స్క్రబ్ చర్మంలో ఉండే అదనపు నూనెను తొలగించడంతో సహాయపడుతుంది. అంతేకాదు దీనిలో ఉండే యాంటిఇన్ఫ్లమేటరీ గుణాలు మొటిమలను తక్షణమే నివారిస్తాయి.
నలుపుదనం పోవాలంటే మోచేతులు, మోకాళ్ల వద్ద కూడా చక్కెర చక్కగా పనిచేస్తుంది. దీని కోసం చక్కెర, ఆలివ్ ఆయిల్తో చేసిన స్క్రబ్ కీలకంగా పనిచేస్తుంది. మృతకణాలను తొలగించడంలో చక్కెర సాయపడితే.. ఆలివ్ నూనె మీ చర్మాన్ని మృదువుగా ఉంచుతుంది. అలాగే చక్కెరకు కాఫీ పొడి, కొబ్బరినూనె కలిపి ముఖం, మెడ, చేతులపై సున్నితంగా రుద్దుతూ మర్దనా చేసినా మంచి ఫలితం ఉంటుంది.
Share
Vastu Remedies: ఇంట్లోని నెగటివ్ ఎనర్జీ పోవాలంటే.. ఇలా చేయండి
Madhavi Latha: సాయిబాబా దేవుడే కాదు.. మాధవీ లత వ్యాఖ్యలపై రాజుకున్న రగడ
