Natural remedies for scalp itchiness: సమ్మర్‌లో పెరిగే ఉష్ణోగ్రతలు, మితిమీరిన చెమట, ధూళి కారణంగా తల చర్మం, దురద పెట్టడం ఒక సాధారణ సమస్య. ఈ దురద కేవలం అసౌకర్యాన్ని కలిగించడమే కాకుండా..చికిత్స చేయకపోతే జుట్టు రాలడం, ఇన్ఫెక్షన్లకు దారితీస్తుంది. ఖరీదైన కెమికల్ షాంపూల జోలికి వెళ్లకుండా.. మన ఇంట్లో అందుబాటులో ఉండే సహజ పదార్థాలతో ఈ సమస్యను సమర్థవంతంగా ఎదుర్కోవచ్చు. వేసవిలో మీ జుట్టును ఆరోగ్యంగా.. ఉంచుకోవడానికి ఉపయోగపడే బెస్ట్ హోమ్ రెమెడీస్ గురించి పూర్తి వివరాలను ఇప్పుడు తెలుసుకుందాం
వేసవిలో తల దురదను తగ్గించే అద్భుతమైన హోం రెమెడీస్:
ఎండల వల్ల తల చర్మంపై తేమ తగ్గిపోవడం లేదా చెమట వల్ల బ్యాక్టీరియా చేరడం వల్ల దురద వస్తుంది. దీనిని వదిలించుకోవడానికి కొన్ని ప్రభావవంతమైన పద్ధతులు ఉన్నాయి.
1. అలోవెరా జెల్:
అలోవెరాలో యాంటీ ఇన్‌ఫ్లమేటరీ , మాయిశ్చరైజింగ్ గుణాలు ఉన్నాయి. ఇది తల చర్మాన్ని చల్లబరుస్తుంది.
ఎలా ఉపయోగించాలి: తాజా కలబంద జెల్‌ను నేరుగా స్కాల్ప్‌కు పట్టించి 20 నిమిషాల పాటు ఉంచండి. ఆపై గోరు వెచ్చని నీటితో కడిగేయండి. ఇది దురదను తక్షణమే తగ్గిస్తుంది.
2. యాపిల్ సైడర్ వెనిగర్ :
దీనిలో ఉండే మాలిక్ యాసిడ్ స్కాల్ప్ యొక్క pH స్థాయిని సమతుల్యం చేస్తుంది. అంతే కాకుండా ఇది ఫంగల్ ఇన్ఫెక్షన్లను నివారిస్తుంది.
ఎలా ఉపయోగించాలి: ఒక కప్పు నీటిలో రెండు స్పూన్ల యాపిల్ సైడర్ వెనిగర్ కలపండి. తలస్నానం చేసిన తర్వాత ఈ మిశ్రమంతో స్కాల్ప్‌ను శుభ్రం చేసుకోండి. 5 నిమిషాల తర్వాత మళ్లీ మామూలు నీటితో కడిగేయండి.
3. వేప నూనె లేదా వేప ఆకులు:
వేప ఒక సహజమైన క్రిమినాశని. వేసవిలో వచ్చే చెమట కాయలు, చిన్న చిన్న కురుపులు, దురదను తగ్గించడంలో ఇది నెంబర్ వన్.
ఎలా ఉపయోగించాలి: వేప ఆకులను నీటిలో వేసి మరిగించి, ఆ నీటితో తల స్నానం చేయండి. లేదా కొబ్బరి నూనెలో కొన్ని చుక్కల వేప నూనె కలిపి మసాజ్ చేయండి.
4. నిమ్మరసం, పెరుగు:
చాలా మందికి చుండ్రు వల్ల కూడా వేసవిలో దురద వస్తుంది. పెరుగు చర్మానికి చలువ చేస్తే, నిమ్మరసం ఇన్ఫెక్షన్లను తగ్గిస్తుంది.
ఎలా ఉపయోగించాలి: అర కప్పు పెరుగులో ఒక స్పూన్ నిమ్మరసం కలిపి తలకు పట్టించండి. 30 నిమిషాల తర్వాత మైల్డ్ షాంపూతో కడిగేయండి.
5. కొబ్బరి నూనె, కర్పూరం:
కర్పూరం చర్మానికి చల్లదనాన్ని ఇస్తుంది. అంతే కాకుండా దురదను కలిగించే బ్యాక్టీరియాను చంపుతుంది.
ఎలా ఉపయోగించాలి: కొద్దిగా కొబ్బరి నూనెను వేడి చేసి అందులో రెండు కర్పూరం బిళ్ళలు వేయండి. ఆ నూనెతో తలకు మసాజ్ చేయడం వల్ల తక్షణ ఉపశమనం లభిస్తుంది.
6. టీ ట్రీ ఆయిల్ :
ఇందులో యాంటీ ఫంగల్ గుణాలు పుష్కలంగా ఉంటాయి. ఇది స్కాల్ప్‌పై పేరుకుపోయిన మురికిని వదిలిస్తుంది.
ఎలా ఉపయోగించాలి: మీరు వాడే రెగ్యులర్ షాంపూలో 2-3 చుక్కల టీ ట్రీ ఆయిల్ కలిపి వాడండి.
వేసవిలో స్కాల్ప్ ఆరోగ్యం కోసం అదనపు జాగ్రత్తలు:
ఎక్కువగా నీరు తాగండి: శరీరం లోపల హైడ్రేటెడ్‌గా ఉంటే చర్మం పొడిబారదు.
స్కార్ఫ్ ధరించండి: ఎండలోకి వెళ్లేటప్పుడు తలకు నేరుగా సూర్యరశ్మి తగలకుండా కాటన్ క్లాత్ తో కప్పుకోండి.
తరచుగా తలస్నానం: వేసవిలో కనీసం వారానికి మూడు సార్లు తలస్నానం చేయడం వల్ల చెమట నిల్వ ఉండదు.
సరైన దువ్వెన:ఇతరుల దువ్వెనలు వాడకండి. మీ దువ్వెనను క్రమంగా శుభ్రం చేయండి.
తల దురద అనేది చిన్న సమస్యగా అనిపించినా.. అది మీ ఏకాగ్రతను దెబ్బతీస్తుంది. పైన పేర్కొన్న సహజ చిట్కాలు పాటించడం ద్వారాఎండలను సమర్థవంతంగా తట్టుకోవచ్చు. ఒకవేళ దురదతో పాటు వాపు లేదా రక్తం వస్తుంటే.. వెంటనే నిపుణులను సంప్రదించడం మంచిది.
Share
సెప్టెంబర్‌లో పెళ్లి పీటలెక్కనున్న జాన్వీ? వెడ్డింగ్‌పై క్లారిటీ వచ్చేసింది!
వలస వెళ్లినా చదువు ఆగదు.. దేశంలోనే తొలిసారిగా కొత్త విద్యా విప్లవం..!
