Stains On Teeth : టీ లేదా కాఫీ తాగడం అనేది మన దైనందిన జీవితంలో ఒక భాగం. అయితే.. వీటిలో ఉండే టానిన్లు, క్రోమోజెన్లు పంటి ఎనామిల్‌పై పేరుకుపోయి, కాలక్రమేణా పసుపు రంగు మరకలకు కారణమవుతాయి. చాలామంది ఈ మరకల వల్ల నవ్వడానికి కూడా ఇబ్బంది పడుతుంటారు. మీ ఫేవరెట్ డ్రింక్స్‌ను వదులు కోకుండానే.. కొన్ని సాధారణ అలవాట్లు, హోం రెమెడీస్, ప్రొఫెషనల్ పద్ధతుల ద్వారా మీ పళ్ళను మళ్ళీ తెల్లగా మార్చు కోవచ్చు. లేటెస్ట్ డెంటల్ అప్‌డేట్స్‌తో కూడిన పూర్తి వివరాలు మీకోసం..
పళ్లపై మరకలు ఎందుకు ఏర్పడతాయి?
బ్లాక్ టీ, కాఫీలలో ‘టానిన్లు’ అధికంగా ఉంటాయి. ఇవి పంటి ఉపరితలంపై ఉండే సూక్ష్మ రంధ్రాలలోకి చేరి మొండి మరకలుగా మారతాయి. సరైన ఓరల్ హైజీన్ లేకపోవడం వల్ల ఈ పిగ్మెంట్లు ఎనామిల్ లోపలికి చొచ్చుకుపోతాయి.
మరకలు పడకుండా తీసుకోవాల్సిన జాగ్రత్తలు:
మరకలను తొలగించడం కంటే.. అవి రాకుండా చూసుకోవడం చాలా సులభం.
వెంటనే నోరు కడగండి: కాఫీ తాగిన వెంటనే మంచి నీటితో నోటిని పుక్కిలించడం వల్ల పిగ్మెంట్లు పళ్ళకు అంటుకోవు. ఇది అత్యంత ప్రభావవంతమైన పద్ధతి.
స్ట్రా ఉపయోగించండి: ఐస్‌డ్ కాఫీ లేదా టీ తాగేటప్పుడు స్ట్రా వాడటం వల్ల పళ్ళకు ఆ ద్రవం తగలకుండా ఉంటుంది.
పాలు కలపండి: టీ లేదా కాఫీలో పాలు కలపడం వల్ల అందులోని ‘కేసిన్’ టానిన్ల ప్రభావాన్ని తగ్గిస్తుంది.
30 నిమిషాల గ్యాప్: కాఫీ తాగిన వెంటనే బ్రష్ చేయకండి. ఎందుకంటే ఆ సమయంలో ఎనామిల్ మెత్తగా ఉంటుంది. 30 నిమిషాల తర్వాతే బ్రష్ చేయండి.
హోం రెమెడీస్:
తక్కువ ఖర్చుతో ఇంట్లోనే మరకలను ఇలా తగ్గించుకోవచ్చు.
బేకింగ్ సోడా: ఇది సహజంగా పళ్ళను పాలిష్ చేస్తుంది. వారానికి 1-2 సార్లు బేకింగ్ సోడా తో సున్నితంగా బ్రష్ చేయడం వల్ల ఉపరితల మరకలు పోతాయి.
హైడ్రోజన్ పెరాక్సైడ్: 3% హైడ్రోజన్ పెరాక్సైడ్ , బేకింగ్ సోడా కలిపి పేస్ట్‌లా చేసి వాడటం వల్ల బ్లీచింగ్ ప్రభావంతో పళ్ళు తెల్ల బడతాయి.
కోకోనట్ ఆయిల్ పుల్లింగ్: రోజుకు 10-15 నిమిషాలు కొబ్బరి నూనెతో ఆయిల్ పుల్లింగ్ చేయడం వల్ల ప్లేక్ తగ్గి, పళ్ళు ప్రకాశ వంతంగా మారుతాయి.
Also Read: రాత్రిపూట ఆకలితో పడుకోవాలా ? డైటీషియన్లు చెబుతున్న షాకింగ్ నిజాలు!
మరకలు ఎక్కువగా ఉంటే ఈ పద్దతులు ఉపయోగించండి:
వైటనింగ్ స్ట్రిప్స్: ఇంట్లోనే వాడుకోగలిగే ఈ స్ట్రిప్స్ 1-2 వారాల్లో మంచి ఫలితాలను ఇస్తాయి.
LED వైటనింగ్ కిట్స్: బ్లూ LED లైట్ సహాయంతో పనిచేసే ఈ కిట్స్ ప్రస్తుతం బాగా ట్రెండింగ్‌లో ఉన్నాయి.
డెంటిస్ట్ క్లీనింగ్ : ప్రతి 6 నెలలకోసారి డెంటిస్ట్‌ను కలిసి ప్రొఫెషనల్ క్లీనింగ్ చేయించుకోవడం వల్ల టార్టార్ తొలగిపోయి పళ్ళు శుభ్రంగా ఉంటాయి.
పళ్ళను తెల్లగా మార్చు కునే క్రమంలో ఎనామిల్‌ను పాడు చేసుకోకూడదు. యాసిడ్ గుణాలున్న నిమ్మరసం, వెనిగర్ వంటివి అతిగా వాడకండి. పళ్ళు జివ్వు మంటే వెంటనే ఆపి వేసి డెంటిస్టును సంప్రదించండి.
Share
Tecno Pova Curve 2: 8000mAh బ్యాటరీ, 256GB స్టోరేజ్‌తో టెక్నో మిడ్ రేంజ్ ఫోన్ ఇండియాలో లాంచ్.. ధర ఎంతంటే?
With Love OTT release date : థియేటర్లలో అదరగొడుతున్న అనస్వర రాజన్ రొమాంటిక్ కామెడీ మూవీ... ఓటీటీలోకి ఎప్పుడంటే ?
