Arjun sarja : పవన్ కళ్యాణ్ పై అర్జున్ సర్జా కామెంట్స్.. కళ్ళు మూసుకుని వెళ్ళొచ్చు అంటూ

Arjun sarja: సినీ నటుడు అర్జున్ సర్జా పరిచయం అవసరం లేని పేరు తెలుగుతోపాటు తమిళ కన్నడ భాషలలో ఎన్నో అద్భుతమైన సినిమాలలో నటించి ఎంతో మంది అభిమానులను సొంతం చేసుకున్నారు. అర్జున్ కేవలం హీరోగా మాత్రమే కాకుండా విలన్ పాత్రలలో కూడా నటించి ప్రేక్షకులను మెప్పించారు. ఇలా ఎన్నో సూపర్ హిట్ సినిమాలలో నటించిన అర్జున్ ప్రస్తుతం దర్శకుడిగా మారిపోయారు. ఈయన దర్శకత్వంలో సీతా పయనం అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా ఫిబ్రవరి 13వ తేదీ ప్రేక్షకుల ముందుకు రాబోతున్న నేపథ్యంలో పెద్ద ఎత్తున ప్రమోషన్ కార్యక్రమాలలో పాల్గొంటున్నారు.

నాయకుడిగా పవన్ అంటే ఇష్టం..

ఈ ప్రమోషన్ కార్యక్రమాలలో భాగంగా అర్జున్ సర్జాకు టాలీవుడ్ ఇండస్ట్రీలో ఉన్న హీరోల గురించి కూడా ప్రస్తావనకు తీసుకురావడంతో ఈయన హీరోలపై చేసిన కామెంట్స్ వైరల్ అవుతున్నాయి. ముఖ్యంగా ఏపీ డిప్యూటీ సీఎం పవన్ కళ్యాణ్ గురించి ప్రశ్నలు ఎదురయ్యాయి. పవన్ కళ్యాణ్ గురించి అర్జున్ సర్జా మాట్లాడుతూ.. పవన్ కళ్యాణ్ చాలా మంచి వ్యక్తి, వడర్ ఫుల్ పర్సన్ అంటూ మాట్లాడారు. ఇక తనని మా ఇంట్లో ప్రతి ఒక్కరు ఎంతో అభిమానిస్తారని హీరోగా మాత్రమే కాకుండా, ఒక లీడర్ గా కూడా పవన్ కళ్యాణ్ అంటే మా అందరికీ చాలా ఇష్టమని తెలిపారు.

పవన్ చాలా నిజాయితీ పరుడు..

ఇప్పటివరకు తాను ఎంతో మంది రాజకీయ నాయకులను చూశాను అయితే పవన్ కళ్యాణ్ చాలా నిజాయితీపరుడని అర్జున్ తెలిపారు. ఏదైనా చేయాలి అనుకుంటే చేసి తీరే పట్టుదల ఉన్న వ్యక్తి పవన్ అని తెలిపారు. ఇక పవన్ కళ్యాణ్ ని చూడగానే వీడ్ని నమ్మొచ్చు మనము, పవన్ కళ్యాణ్ ను కళ్ళు మూసుకుని ఫాలో కావచ్చని అంత ఖచ్చితమైన వ్యక్తి అని అర్జున్ తెలిపారు. ఏదైనా పని విషయంలో పవన్ కళ్యాణ్ ఇంటెన్షన్ చాలా అద్భుతంగా ఉంటుంది అంటూ పవన్ కళ్యాణ్ గురించి ఈయన చేసిన కామెంట్స్ వైరల్ అవుతున్నాయి.

హీరోగా విశ్వక్ సేన్?

మంచి నటుడు మాత్రమే కాకుండా మంచి పొలిటీషియన్ అంటూ అర్జున్ తెలియజేయడంతో పవన్ కళ్యాణ్ అభిమానులు కూడా ఎంతో సంతోషం వ్యక్తం చేస్తున్నారు. ఇకపోతే ఇండస్ట్రీలో చాలామందికి పవన్ కళ్యాణ్ తో మంచి అనుబంధం ఉంది. ఎంతోమంది సెలబ్రిటీలు పవన్ కళ్యాణ్ సినిమాల పరంగా మాత్రమే కాకుండా రాజకీయాల పరంగా కూడా అతనిపై ప్రశంసలు కురిపించిన సంగతి తెలిసిందే. ఇక సీతా పయనం సినిమా విషయానికి వస్తే అర్జున్ దర్శకత్వంలో తెరకెక్కిన ఈ సినిమాలో అర్జున్ కుమార్తె ఐశ్వర్య అర్జున్ హీరోయిన్ గా నటించారు. ఇలా ఈ సినిమా ఎన్నో అంచనాల నడుమ ఫిబ్రవరి 13వ తేదీ విడుదల కాబోతుంది ఇక ఇందులో నిఖిల్ ఐశ్వర్య కు జంటగా నటించారు నిజానికి ఈ సినిమాలో విశ్వక్ సేన్ నటించాల్సి ఉండగా కొన్ని వ్యక్తిగత కారణాలవల్ల ఈ సినిమా నుంచి తప్పుకున్న విషయం తెలిసిందే.

Also Read: Supritha: ఇది మా నాన్న కోరిక..స్టేజ్ పైనే కన్నీళ్లు పెట్టుకున్న సుప్రీత.. ఏం జరిగిందంటే?