Actress Rasi: సౌత్ సినీ ఇండస్ట్రీలో హీరోయిన్ గా పలు సినిమాలలో నటిస్తూ హీరోయిన్ గా గుర్తింపు సంపాదించుకున్న వారిలో సీనియర్ నటి రాశి (Rasi)ఒకరు. ఒకానొక సమయంలో ఈమె తెలుగు తమిళ భాషలలో స్టార్ హీరోలు అందరి సినిమాలలో నటించి వరుస విజయాలను సొంతం చేసుకున్నారు. ఇక ఇటీవల కాలంలో రాసి తన సెకండ్ ఇన్నింగ్స్ ప్రారంభించి పలు సినిమాలు వెబ్ సిరీస్ లలో నటిస్తున్నారు. అదేవిధంగా బుల్లితెర సీరియల్స్ లో కూడా ఈమె నటించిన సంగతి తెలిసిందే. తిరిగి సెకండ్ ఇన్నింగ్స్ లో ఎంతో బిజీగా ఉన్న రాసి తాజాగా ఒక ఇంటర్వ్యూలో పాల్గొన్నారు.
ఈ ఇంటర్వ్యూ సందర్భంగా ఈమె సినిమాలకు సంబంధించిన విషయాలతో పాటు తన వ్యక్తిగత విషయాల గురించి కూడా ప్రస్తావనకు తీసుకువచ్చారు. ఈ నేపథ్యంలోనే పాన్ ఇండియా స్టార్ హీరో ప్రభాస్ సినిమాల గురించి ప్రస్తావనకు వచ్చింది. ప్రభాస్ తనుకు చాలా ఇష్టమైన నటుడని రాశి తెలిపారు. అయితే ఇప్పటివరకు ప్రభాస్ తో సినిమా చేసే అవకాశం తనుకు రాలేదు కనీసం ఒక్క సినిమాలో అయినా ప్రభాస్ తో కలిసి నటించాలని ఉంది అంటూ తన మనసులో కోరికను బయటపెట్టారు. ఇలా ప్రభాస్ సినిమాలో నటించాలని ఉందని చెప్పిన రాశి కండిషన్లు కూడా పెట్టడం గమనార్హం.
తాను ప్రభాస్ సినిమాలో నటించడానికి సిద్ధంగా ఉన్నాను కానీ ఆయనకు తల్లి పాత్రలలో మాత్రం నటించడానికి ఇష్టపడనని అలాంటి పాత్రలు వస్తే సినిమా చేయనని తెలియజేశారు. అలాగే ప్రభాస్ అక్క వదిన పాత్రలలో కూడా నటించనని తెలిపారు.. ప్రభాస్ వయసు నా వయసు దాదాపు ఒకటే ఉంటుంది అలాంటి వ్యక్తికి తాను తల్లిగా అసలు నటించనని, ఈ పాత్రలు కాకుండా ఏదైనా కీలక పాత్రలో చేసే అవకాశం వస్తే కచ్చితంగా ప్రభాస్ సినిమాలో నటిస్తానని రాసి తెలిపారు. తాను ప్రభాస్ సినిమాలను చూడాలి అనుకుంటే కచ్చితంగా థియేటర్ కి వెళ్లి చూస్తానని అలాగే ప్రభాస్ నటించిన మిర్చి సినిమాకు కూడా తాను డబ్బింగ్ చెప్పానని తెలిపారు..
గొప్ప నటుడు అవుతాడని ఊహించాను..
ప్రభాస్ చాలా అద్భుతమైన నటుడు ఆయన నటించడం మొదటి సినిమా ట్రైలర్ చూస్తున్న తర్వాత ఈయన ఎప్పటికైనా గొప్ప నటుడు అవుతారు అనే విషయాన్ని నేను నా తమ్ముడుతో చెప్పానని అప్పటి విషయాలను కూడా ఈ సందర్భంగా గుర్తు చేసుకున్నారు. ఇలా ప్రభాస్ అంటే ఎంతో ఇష్టమైనప్పటికీ ఇంతవరకు తనని నేరుగా కలిసే అవకాశం మాత్రం రాలేదని రాశి ఈ సందర్భంగా ప్రభాస్ సినిమాల గురించి చేసిన కామెంట్స్ ప్రస్తుతం వైరల్ అవుతున్నాయి.మరి ప్రభాస్ గురించి, ఆయన సినిమాలలో నటించే విషయాల గురించి రాసి తన మనసులో కోరికను బయటపెట్టారు ఇప్పుడైనా ఈమెకు ప్రభాస్ సినిమాలో నటించే అవకాశం వస్తుందా? లేదా? అనేది తెలియాల్సి ఉంది.
Also Read: Ram Charan: రామ్ చరణ్ ప్రమాదం పై స్పందించిన టీమ్.. నాలుగు కుట్లు పడ్డాయంటూ!
Share
Araku Murder: అరకులో దారుణం.. రిసార్ట్స్లో వ్యక్తి దారుణ హత్య.. ఉలిక్కిపడ్డ పర్యాటక ప్రాంతం
Telangana Assembly: ఇందిరమ్మ ఇళ్లపై మంత్రి పొంగులేటి కీలక వ్యాఖ్యలు, వివరాలన్నీ బయటకు
