క్యాస్టింగ్ కౌచ్ పై ప్రముఖ నటి షాకింగ్ కామెంట్!

Tollywood:సినిమా ఇండస్ట్రీలో సెలబ్రిటీలు ఎప్పటినుంచో కాస్టింగ్ కౌచ్ ఇబ్బందులను ఎదుర్కొంటున్న విషయం తెలిసిందే. అందులో కొంతమంది ధైర్యంగా తమ సమస్యలను సోషల్ మీడియా ద్వారా అభిమానులతో పంచుకుంటుంటే.. మరికొంతమంది చూసి చూడనట్టు వెళ్ళిపోతున్నారు. అందులో భాగంగానే కొంతమంది ధైర్యంగా మీడియా ముందు కాస్టింగ్ కౌచ్ గురించి ప్రస్తావిస్తూ అందరిని ఆశ్చర్యపరుస్తున్న విషయం తెలిసిందే. ఈ క్రమంలోనే సినిమా ఇండస్ట్రీలో అవకాశం రావాలి అంటే లొంగిపోవాల్సిందే అనే కామెంట్లు ఎక్కువగా సీనియర్ నటీమణుల నుంచి వెలువడడంతో ఇండస్ట్రీ కూడా ఆశ్చర్యం వ్యక్తం చేస్తోంది. ఈ క్రమంలోనే ఒక ప్రముఖ నటి చేసిన కామెంట్లు అందరినీ ఆశ్చర్యపరుస్తున్నాయి.

ఇండస్ట్రీ అంతర్గత విషయాలను బట్టబయలు చేసిన ప్రముఖ నటి..

ఆమె ఎవరో కాదు ప్రముఖ సీనియర్ నటి సత్య కృష్ణ (Satya Krishna) తెలుగు ఇండస్ట్రీలో క్యారెక్టర్ ఆర్టిస్ట్ గా తనకంటూ ఒక ప్రత్యేకమైన ముద్ర వేసుకున్న ఈమె.. బొమ్మరిల్లు , దేవదాస్ , వినాయకుడు, మోస్ట్ ఎలిజిబుల్ బ్యాచిలర్, మెంటల్ కృష్ణ వంటి చిత్రాలలో గుర్తుండిపోయే పాత్రలు పోషించి అందరిని ఆకట్టుకుంది. వాస్తవానికి హోటల్ మేనేజ్మెంట్ చదివిన ఈమె తాజ్ గ్రూప్లో ఉద్యోగం చేస్తూ యాదృచ్ఛికంగా నటిగా మారింది. ఇక అలా సినిమాలు చేస్తూ ప్రేక్షకులను మెప్పించిన సత్యా కృష్ణ తాజాగా ఒక ఇంటర్వ్యూలో పాల్గొని ఇండస్ట్రీ అంతర్గత విషయాలపై ఆసక్తికర కామెంట్లు చేసింది.

కాస్టింగ్ కౌచ్ పై సత్యకృష్ణ ఊహించని కామెంట్స్..

ఈ నేపథ్యంలోనే కాస్టింగ్ కౌచ్ పై నటి సత్యకృష్ణ మాట్లాడుతూ.. “సాధారణంగా ప్రతి సినిమా ఇండస్ట్రీలో కూడా కాస్టింగ్ కౌచ్ ఉందని అంటారు. కానీ నిజానికి ప్రతి రంగంలో కూడా ఈ సమస్య ఉంది. సినిమా రంగం ఓపెన్ ప్లాట్ఫారం కాబట్టే ఇక్కడి విషయాలు త్వరగా అందరికీ తెలిసిపోతాయి. అందంగా ఉండే మహిళల పట్ల ఆకర్షణ కలగడం అనేది సహజమే. కానీ అవతలి వ్యక్తి లిమిట్స్ దాటుతున్నప్పుడు వెంటనే నో అని చెప్పగలిగే ధైర్యం కూడా మనకు ఉండాలి. ముఖ్యంగా నా వ్యక్తిగతంగా ఇలాంటి అనుభవాలు ఇప్పటివరకు ఎదురు కాకపోయినా.. తోటి మహిళలు పడుతున్న ఇబ్బందులను నేను చూశాను. ముఖ్యంగా అవకాశాల కోసం కొంతమంది కాదనలేక లొంగిపోతున్నారు కూడా.. అది సరైన పద్ధతి కానేకాదు. సినిమా కాకపోతే లైఫ్ లేదు అని అనుకునే వాళ్ళు ఇలాంటి వలలోనే పడుతున్నారు.

ALSO READ:నా కెరియర్లో హాటెస్ట్ క్యారెక్టర్ అదే.. ప్రభాస్ బ్యూటీ సంచలన కామెంట్లు!

టాలెంట్ ఉంటే అవకాశాలు వాటంతటవే వస్తాయి..

ముఖ్యంగా మనకు టాలెంట్ ఉంటే అవకాశాలు బోలెడు వస్తాయి. అయితే ఆ అవకాశాలు లేక కొంతమంది అవకాశాల కోసం కమిట్మెంట్ కి ఒప్పుకొని ఆ తర్వాత దాన్ని రచ్చ చేయడం కూడా మనం చూస్తున్నాం.. ఏది ఏమైనా మన ప్రవర్తనను బట్టి ఎదుటివారు మనతో ప్రవర్తిస్తారు. బలవంతం చేసే సాహసం ఎవరు చేయరు. ఒకవేళ చేసినా ఎదురు తిరిగే శక్తి మనకు ఉండాలి అంటూ సత్యా కృష్ణ తన అభిప్రాయంగా చెప్పుకొచ్చింది. ఇక ప్రస్తుతం సత్యా కృష్ణ చేసిన ఈ కామెంట్లు సోషల్ మీడియాలో వైరల్ గా మారుతున్నాయి.