MSVPG Audiance talk: ‘వాల్తేరు వీరయ్య’ సినిమాతో పాజిటివ్ టాక్ సొంతం చేసుకున్న చిరంజీవి (Chiranjeevi).. ఆ తర్వాత ‘భోళాశంకర్’ సినిమా చేసి డిజాస్టర్ ను చవిచూశారు. ఆ తర్వాత ‘విశ్వంభర’ సినిమా చేశారు చిరంజీవి. ఈ సినిమా ఎప్పుడో విడుదల కావాల్సి ఉంది. కానీ వీఎఫ్ఎక్స్ కారణంగా వాయిదా పడుతూనే వస్తోంది. ఈ ఏడాది సమ్మర్ స్పెషల్ గా ప్రేక్షకుల ముందుకు రానున్న నేపథ్యంలో.. మరోవైపు ‘మన శంకర వరప్రసాద్ గారు’ సినిమా చేసి ప్రేక్షకుల ముందుకు వచ్చారు చిరంజీవి. అనిల్ రావిపూడి దర్శకత్వంలో వచ్చిన ఈ సినిమా ఫ్యామిలీ అండ్ కామెడీ ఎంటర్టైనర్ గా సంక్రాంతి సందర్భంగా నేడు థియేటర్లలోకి వచ్చింది..
వాస్తవానికి నిన్ననే ఈ సినిమాకి ప్రీమియర్ షోలు పడ్డాయి. భారీ అంచనాల మధ్య వచ్చిన ఈ సినిమాను చూసిన ఆడియన్స్ తమ అభిప్రాయాలను ఏ విధంగా వ్యక్తపరుస్తున్నారు. అసలు పాజిటివ్ టాక్ తెచ్చుకున్న ఈ సినిమాపై ఆడియన్స్ ఫీలింగ్ ఏంటి? అనే విషయం ఇప్పుడు చూద్దాం..
థియేటర్ నుంచి ఆడియన్స్ సంతోషంగా బయటకు రావడం చూసి సినిమాపై మరింత పాజిటివిటీ పెరిగిందనే కోణంలో నెటిజన్స్ తమ అభిప్రాయాలు వ్యక్తపరుస్తున్నారు. ఇకపోతే సినిమా చూసిన ఆడియన్స్ కి ఈ సినిమాపై కలిగిన ఫీలింగ్స్ ఏంటి? వారు తమ అభిప్రాయాలను ఏ విధంగా పంచుకుంటున్నారు? అనే విషయానికి వస్తే.. ముఖ్యంగా ఈ సినిమా చాలా బాగుందని, బ్లాక్ బాస్టర్ అని కొంతమంది కామెంట్లు చేస్తుంటే.. మరికొంతమంది “సంక్రాంతికి అసలైన ఫ్యామిలీ అండ్ కామెడీ ఎంటర్టైన్మెంట్ మూవీ ఇది. ప్రతి ఒక్కరు ఫ్యామిలీతో కలిసి వచ్చి చూడాల్సిన సినిమా” అని కామెంట్ చేస్తున్నారు.
ఇంకొంతమంది ఈ వయసులో కూడా చిరంజీవి ఆ రేంజ్ లో పర్ఫామెన్స్ ఇచ్చారు అంటే ఆయన ఎనర్జిటిక్ లెవెల్స్ కి ఫిదా అవ్వాల్సిందే. ఈ సినిమాలో వింటేజ్ చిరంజీవిని చూపించారు. అంటూ కామెంట్లు చేస్తున్నారు. చిరంజీవి నటన పైనే కాకుండా డైరెక్టర్ అనిల్ రావిపూడి దర్శకత్వ విలువలపై కూడా ప్రశంసలు కురిపిస్తున్నారు. సినిమా మొత్తం హైలెట్. చిరంజీవి ఎప్పుడూ వింటేజ్. ఆయన ఎప్పటికీ మా హృదయాల్లోనే ఉంటారు. సినిమా స్క్రీన్ ప్లే, స్టోరీ , నేరేషన్ ఎలా తీయాలి అనేది మిగతా డైరెక్టర్లు అనిల్ రావిపూడి ని చూసి నేర్చుకోవాలి. బడ్జెట్ ఒకటే కాదు అన్ని రకాలుగా కూడా సినిమాను అద్భుతంగా తెరకెక్కించారు.
చిరంజీవి మరో వందేళ్లయినా అలాగే ఉండాలి. నయనతార, వెంకటేష్ అందరూ కూడా సినిమాకి మరింత ప్లస్ గా నిలిచారు. చాలా రోజులయింది. ఇలాంటి సినిమా చూసి.. అసలైన సంక్రాంతి పండక్కి మంచి విందు భోజనం లాంటి సినిమా ఇచ్చాడు అంటూ తమ అభిప్రాయాలను వ్యక్తపరుస్తున్నారు.
ఘరానా మొగుడు చిరంజీవిని మళ్ళీ తెరపై చూపించారు. అనిల్ రావిపూడికి ప్రత్యేక ధన్యవాదాలు అంటూ చెబుతున్నారు.. ఇక మేల్ అభిమానులే కాదు ఫిమేల్ అభిమానులు కూడా ఈ సినిమాపై తమ అభిప్రాయాలను పంచుకున్నారు. పైగా “నో మాస్.. నో క్లాస్.. ఓన్లీ బాస్.. వింటేజ్ చిరంజీవి ఈజ్ బ్యాక్” అంటూ డైలాగ్స్ కూడా విసురుతున్నారు. మొత్తానికైతే ఆడియన్స్ మొత్తం ఫుల్ ఖుషి అవుతున్నారు అని చెప్పాలి. చాలా రోజుల తర్వాత చిరంజీవి ఖాతాలో మరో బలమైన సక్సెస్ పడిందని అభిమానులు తమ అభిప్రాయంగా చెబుతున్నారు
ALSO READ: Anil ravipudi: విజయ్తో సినిమా.. భయపడి వదిలేసా – డైరెక్టర్ అనిల్ రావిపూడి!
Share
Vivo Y500i: 7200mAh బ్యాటరీ, 50MP కెమెరా.. మిడ్రేంజ్లో వివో కొత్త ఫోన్ లాంచ్
Ravi Naidu on Roja: రాష్ట్రానికి పట్టిన దరిద్రం.. రోజా, కొడాలి నాని, పేర్ని నాని’
