Deepika – Ranaveer : కొత్త ఇంట్లోకి బాలీవుడ్ స్టార్ కపుల్.. ఎన్ని కోట్లో తెలుసా..?

Deepika – Ranaveer : బాలీవుడ్ స్టార్ కపుల్స్ లో దీపికా పదుకొనే రణవీర్ సింగ్ ఒకరు.. వీళ్ళ గురించి ఎంత చెప్పుకున్నా తక్కువే అవుతుంది.. బాలీవుడ్ ఇండస్ట్రీలో స్టార్ ఇమేజ్ ని సొంతం చేసుకున్న ఈ జంట ప్రస్తుతం వరుసగా సినిమాలు చేస్తూ హ్యాట్రిక్ విజయాలను సొంతం చేసుకుంటున్నారు. ఈమధ్య సోషల్ మీడియాలో కూడా హైపర్ యాక్టివ్ గా ఉంటున్న ఈ జంట తమ సినిమాల గురించి అభిమానులతో పంచుకుంటూ వస్తున్నారు.. ఇదిలా ఉండగా ఈ జంట కొత్తగా ఇంటిని కొనుగోలు చేసినట్లు తెలుస్తుంది. అంతే కాదు ఆ ఇంట్లోకి గృహప్రవేశం కూడా చేశారట.. ప్రస్తుతం దీని గురించి సోషల్ మీడియాలో ఓ వార్త వైరల్ అవుతుంది. మరి ఆ ఇంటి ఖరీదు ఎన్ని కోట్లు? ఎక్కడ ఆ ఇల్లు కొన్నారు అన్నది కాస్త వివరాల్లోకి వెళ్లి తెలుసుకుందాం..

కొత్తింట్లోకి స్టార్ కపుల్ గృహప్రవేశం..

బాలీవుడ్ ఇండస్ట్రీలోని మోస్ట్ వాంటెడ్ కపుల్స్ లలో రణవీర్ సింగ్ – దీపికా పదుకొనే ముంబైలోని అత్యంత ఖరీదైన ప్రాంతమైన బాంద్రా బ్యాండ్‌స్టాండ్‌లో ఖరీదైన ఇంటిని కొనుగోలు చేసినట్లు వార్తలు వినిపిస్తున్నాయి. దాదాపు రూ. 119 కోట్ల భారీ ఖరీదుతో కొనుగోలు చేసిన ఈ విలాసవంతమైన మాన్షన్ ఇప్పుడు దేశవ్యాప్తంగా చర్చనీయాంశమైంది. అన్ని కోట్లు పెట్టి కొనడం అనేది మామూలు విషయం కాదు అని ఆ జంట అభిమానులు సోషల్ మీడియా వేదికగా కామెంట్లు పెడుతూ వస్తున్నారు.. ఈ జంట ఎప్పుడూ హుందాగా ఉండాలి అని అనుకుంటూ ఉంటారు. దానికి తగ్గట్లుగానే తమ అభిరుచిని పెంచుకుంటూ అందరిలో ప్రత్యేకంగా నిలుస్తూ వస్తుంటారు. ప్రస్తుతం ఈ ఇంటి గురించి బాలీవుడ్ మీడియాలో పలు రకాల వార్తలు వినిపిస్తూనే ఉన్నాయి..

Also Read : మాధవ్ ను మోసం చేసిన గాయత్రి.. తాయారు ప్లాన్ సక్సెస్.. మాధవ్ పరిస్థితి దారుణం..

కొత్తింటి ప్రత్యేకతలు ఏంటంటే..?

బాలీవుడ్ స్టార్ కపుల్ దీపిక పదుకొనే – రణవీర్ సింగ్ కొనుగోలు చేసిన ఆ ఇంటి ప్రత్యేకతల విషయానికొస్తే.. బాలీవుడ్ బాద్‌షా షారుఖ్ ఖాన్ నివాసమైన `మన్నత్` కు దీపిక కొత్త ఇల్లు చాలా దగ్గరగా ఉంది. ఇకపోతే బాంద్రాలోని`సాగర్ రేష్మ్`. ఇక అపార్ట్‌మెంట్‌లో 16, 17, 18 , 19వ అంతస్తులలో ఇది ఉంటుంది. నిజానికి ముంబై రియల్ ఎస్టేట్ చరిత్రలోనే అత్యంత ఖరీదైన డీల్స్ లో ఒకటిగా మారడం విశేషం.. సముద్రం అద్భుతమైన దృశ్యాలు కనిపిస్తాయి.. అతి త్వరలోనే ఈ జంట ఈ ఇంట్లోకి అడుగు పెట్టబోతున్నారని సమాచారం.. ఇక సినిమాల విషయానికొస్తే.. దీపికా పదుకొనే అల్లు అర్జున్ నటిస్తున్న సినిమాలో హీరోయిన్ గా నటిస్తుంది.. ఇక బాలీవుడ్ స్టార్ హీరో రణవీర్ సింగ్ మాత్రం రీసెంట్గా దురంధర్ 2 మూవీతో ప్రేక్షకుల ను పలకరించాడు. ఆ మూవీ బాక్స్ ఆఫీస్ వద్ద భారీ విజయాన్ని సొంతం చేస్తుంది. ప్రస్తుతం మరో రెండు ప్రాజెక్టులలో నటించబోతున్నట్లు సమాచారం.. వీరిద్దరు కూడా బాలీవుడ్ లో వరుసగా సినిమాలు చేస్తూ బిజీగా ఉన్నారు.