Film industry: క్యాన్సర్ తో ప్రముఖ సినీనటి మృతి.. ఎవరంటే?

Film industry:గత కొంతకాలంగా చిత్ర పరిశ్రమలో ఒకవైపు శుభవార్తలు.. మరొకవైపు అశుభ వార్తలు అభిమానులను అతలాకుతలం చేస్తున్నాయి. ఈ క్రమంలోనే కొంతమంది వైవాహిక జీవితంలోకి అడుగుపెడుతూ కొత్త జీవితాన్ని ఆస్వాదిస్తుంటే.. మరికొంతమంది వివిధ అనారోగ్య సమస్యలతో తుది శ్వాస విడుస్తూ ఇండస్ట్రీకి తీరని లోటును మిగులుస్తున్నారు. ఈ క్రమంలోనే సినీ సెలబ్రిటీలను వెంటాడుతున్న మహమ్మారి క్యాన్సర్ గురించి ప్రత్యేకంగా చెప్పాల్సిన పనిలేదు.. తెరపై అందంతో, నటనతో ఉర్రూతలూగించే ఈ సెలబ్రిటీలు తెర వెనుక ఇలాంటి మహమ్మారి బారినపడి ఇబ్బందులు ఎదుర్కొంటున్న విషయం తెలిసిందే.. అయితే ఈ క్యాన్సర్ బారిన పడిన చాలామంది ఈ మహమ్మారిని జయించి మళ్లీ తెరపై సందడి చేస్తుంటే.. మరికొంతమంది పోరాడలేక తుది శ్వాస విడుస్తున్నారు. ఈ క్రమంలోనే మరొక నటి క్యాన్సర్ తో పోరాడి చివరికి తుదిశ్వాస విడిచింది.

క్యాన్సర్ తో ప్రముఖ నటి మృతి..

ఆమె ఎవరో కాదు ప్రముఖ హాలీవుడ్ నటి డీ ఫ్రీమాన్. ప్రస్తుతం ఈమె వయసు 66 సంవత్సరాలు. గత కొంతకాలంగా క్యాన్సర్ తో పోరాడిన ఈమె ఎట్టకేలకు చికిత్స పొందుతూ ఈ మహమ్మారిని జయించలేక తుదిశ్వాస విడిచింది. స్టేజ్ ఫోర్ ఊపిరితిత్తుల క్యాన్సర్ తో పోరాడుతూ మరణించినట్లు కుటుంబ సభ్యులు ధ్రువీకరించారు. డీ ఫ్రీమాన్ మహమ్మారి బారినపడి మరణించడంతో అభిమానులు, సినీ ఇండస్ట్రీ ఒక్కసారిగా శోకసంద్రంలో మునిగిపోయింది . ఈమె ఆత్మకు శాంతి చేకూరాలని కోరుకుంటున్నారు. అలాగే ఈమె కుటుంబానికి ప్రగాఢ సానుభూతిని సోషల్ మీడియా ద్వారా తెలియజేస్తున్నారు.

నటనలోకి రాకముందు ఏం చేసేవారంటే?

ఇకపోతే డీ ఫ్రీమాన్ సినిమా ఇండస్ట్రీలోకి నటిగా అడుగు పెట్టకు ముందు అమెరికా మెరైన్ కార్ప్స్ లో దాదాపు ఆరు సంవత్సరాల పాటు పనిచేసింది. అలా సైన్యంలో పనిచేసే తనకంటూ ఒక ప్రత్యేకమైన హోదాని కూడా అనుభవించారు.

ALSO READ:Raakasa Collections: నిహారిక రాకాస మూవీ ఫస్ట్ డే కలెక్షన్స్.. హిట్టా? ఫట్టా?

రేడియో డీజే నుండి ప్రముఖ నటి వరకూ..

ఆ తరువాత ఇండస్ట్రీలోకి రావాలనుకున్న ఈమె మొదట జపాన్లో రేడియో డీజే గా కూడా రాణించారు. ఆ తర్వాత సీన్ ఫెల్ట్ , డెక్స్టర్ వంటి పాపులర్ వెబ్ సిరీస్ లలో కూడా నటించింది. అంతేకాదు ది యంగ్ అండ్ ది రెస్ట్ లెస్, సిస్టాస్ వంటి సుదీర్ సీరియల్స్ ఈమెకు మంచి పేరును తీసుకొచ్చాయి. ఇకపోతే అటు టెలివిజన్ రంగంలో ఈమె చేసిన కృషికి గాను పలువురు ఈమెపై ప్రశంసలు కురిపిస్తున్నారు. ఇక అలాంటి ఈమె నేడు మన మధ్య లేకపోవడం నిజంగా బాధాకరం అనే చెప్పాలి.