Mrunal Thakur: రూమర్లే ఫ్రీ పబ్లిసిటీ.. ట్రోలర్స్ కి మరోసారి కౌంటర్!

Mrunal Thakur:’సీతారామం’ సినిమాతో తెలుగు ప్రేక్షకుల గుండెల్లో చిరస్థాయిగా నిలిచిన మృణాల్ ఠాకూర్ (Mrunal Thakur) గత కొద్ది రోజులుగా సినిమాల కంటే కూడా ఎఫైర్ రూమర్స్ తో వార్తల్లో నిలుస్తున్న విషయం తెలిసిందే. ముఖ్యంగా కోలీవుడ్ స్టార్ హీరో ధనుష్ (Dhanush ) తో ప్రేమలో ఉందని.. ఈ ఫిబ్రవరి 14వ తేదీన వివాహం కూడా చేసుకోబోతోంది అంటూ గత రెండు నెలలుగా వార్తలు ఏ రేంజ్ లో వినిపించాయో ప్రత్యేకంగా చెప్పాల్సిన అవసరం లేదు. ముఖ్యంగా సినిమాలు లేకపోయినా మృణాల్ కి ఈ రూమర్సే ఊహించని పాపులారిటీని అందించి పెట్టాయని చెప్పవచ్చు. అయితే ఈ రూమర్లపై ఎప్పటికప్పుడు స్పందించిన ఈమె ఇప్పుడు తనకు ఫ్రీ పబ్లిసిటీ లభిస్తోంది అంటూ కామెంట్లు చేసి అందరిని ఆశ్చర్యపరిచింది. మరి అసలు విషయం ఏమిటో ఇప్పుడు చూద్దాం.

సినిమా ప్రమోషన్స్ లో బిజీగా మృణాల్..

ప్రస్తుతం మృణాల్ ఠాకూర్ తెలుగులో అడివి శేష్ (Adivi shesh) హీరోగా నటిస్తున్న ‘డెకాయిట్’ సినిమాలో హీరోయిన్గా నటిస్తోంది. అలాగే మరొకవైపు హిందీలో సిద్ధాంత్ చతుర్వేదితో కలిసి ‘ధో దీవానే షెహర్ మే’ అనే సినిమాలో నటిస్తోంది. ఈ సినిమా ఫిబ్రవరి 20వ తేదీన థియేటర్లలో విడుదల కానున్న నేపథ్యంలో ప్రమోషనల్ కార్యక్రమాలు చేపట్టిన ఈ ముద్దుగుమ్మ.. అందులో భాగంగానే తనపై వస్తున్న రూమర్స్ గురించి స్పందించి అందరిని ఆశ్చర్యపరిచింది.

రూమర్సే నాకు ఫ్రీ పబ్లిసిటీ తెచ్చిపెడుతున్నాయి..

తాజాగా ఈ రూమర్స్ పై మృణాల్ మాట్లాడుతూ..” నా వ్యక్తిగత జీవితంపై జరుగుతున్న ప్రచారం చూసి నేను అసలు విసుగు చెందడం లేదు. ఎందుకంటే నేను పీఆర్ టీం ను కోట్ల రూపాయలు ఖర్చుపెట్టి పెట్టుకున్న సరే నాకు ఇంత పాపులారిటీ, పబ్లిసిటీ వచ్చేది కాదు. అందుకే నా గురించి తప్పుడు వార్తలు ప్రచారం చేస్తున్న వారందరికీ కూడా నేను పెద్ద థ్యాంక్స్ చెబుతున్నాను” అంటూ చమత్కరించింది మృణాల్ ఠాకూర్ . మొత్తానికైతే కోట్లు ఖర్చుపెట్టి పీఆర్ టీమ్స్ పెట్టుకొని పబ్లిసిటీ చేసుకుంటున్న ఎంతోమంది సెలబ్రిటీలకు , అలాగే తనపై తప్పుడు కథనాలు వల్లిస్తున్న ట్రోలర్స్ కి ఇన్డైరెక్టుగా మరోసారి కౌంటర్ ఇచ్చింది ఈ ముద్దుగుమ్మ. ఏది ఏమైనా తనకు మాత్రం ఇలాంటి పిఆర్ టీంలు లేకపోయినా తనపై సృష్టించే తప్పుడు వార్తలే తనకు ఊహించని పాపులారిటీని తెచ్చి పెడతాయని చెప్పుకొచ్చింది.

also read:Ustaad Bhagat Singh: “ఆరా ఆఫ్ ఉస్తాద్”.. సెకండ్ సింగిల్ పై అదిరిపోయే అప్డేట్!

పెళ్లిపై క్లారిటీ ఇచ్చిన మృణాల్ ఠాకూర్..

ఇకపోతే ధనుష్ తో పెళ్లి అంటూ వస్తున్న వార్తలను ఆమె కొట్టిపారేసింది. ” ఫిబ్రవరి 14వ తేదీని చూస్తుంటే నాకు ఏప్రిల్ ఒకటిలా అనిపిస్తోంది. ఎందుకంటే ఆ రోజు ఫూల్స్ డే కాబట్టి ధనుష్ తో పెళ్లి అంటూ వస్తున్న వార్తలు పూర్తిగా అవాస్తవం. ఒకవేళ నేను పెళ్లి చేసుకోవాలి అనుకుంటే ఆ సమాచారాన్ని మీకు చేరవేసే మొదటి వ్యక్తిని కూడా నేనే అవుతాను. నాకు పెళ్లి నిశ్చయమైతే కచ్చితంగా మీతో ఆ విషయాన్ని పంచుకుంటాను” అంటూ అప్పటివరకు వచ్చే రూమర్లను ఎవరు నమ్మకండి అంటూ క్లారిటీ ఇచ్చింది. మొత్తానికి అయితే మృణాల్ ఠాకూర్ చేసిన ఈ కామెంట్లు సోషల్ మీడియాలో వైరల్ గా మారుతున్నాయి.