Jananayagan Film: విజయ్ జననాయగన్ కు మరో దెబ్బ.. ఈ సినిమాపై ఆశలు వదులుకోవాల్సిందేనా?

Jananayagan Film: కోలీవుడ్ ఇండస్ట్రీలో స్టార్ హీరోగా కొనసాగుతూ ఎంతో మంది అభిమానులను సొంతం చేసుకున్న నటుడు విజయ్ థళపతి (Vijay Thalapathy)జననాయగన్(Jananayagan) అనే సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఈ సినిమా సంక్రాంతి పండుగ సందర్భంగా జనవరి 9వ తేదీనే విడుదల కావాల్సి ఉండగా సెన్సార్ సమస్యల కారణంగా ఈ సినిమా వాయిదా పడుతూ వస్తోంది. ఇక ఈ సినిమా విడుదల గురించి చిత్ర నిర్మాతలు కోర్టుకు వెళ్లిన పెద్దగా ప్రయోజనం లేకుండా పోయింది. ఈ సినిమా విడుదలకు ఆటంకాలు ఎదురవుతూనే ఉన్నాయి. ఈ నేపథ్యంలోనే ఈ సినిమా విడుదల అవుతుందా? లేదా అనే సందిగ్ధంలో అభిమానులు కూడా ఉన్నారు.

రూ. 120 కోట్ల అమెజాన్ డీల్ ..

ఇదిలా ఉండగా తాజాగా ఈ సినిమాకు మరో ఊహించని షాక్ తగిలింది. ఈ సినిమా యధావిధిగా విడుదలవుతుందన్న నేపథ్యంలో జన నాయగన్ ఓటీటీ హక్కులను ప్రముఖ సమస్థ అమెజాన్ ప్రైమ్ (Amazon Prime)ఏకంగా 120 కోట్ల రూపాయలకు డీల్ కుదుర్చుకున్నారు. అయితే సెన్సార్ సమస్యల కారణంగా ఈ సినిమా విడుదలకు ఆటంకాలు ఎదురవుతున్న నేపథ్యంలో అమెజాన్ ప్రైమ్ ఈ డీల్ క్యాన్సిల్ చేసుకున్నట్టు ఇండస్ట్రీ సమాచారం. ముందుగా అనుకున్న సమయానికి ఈ సినిమా విడుదల కానీ నేపథ్యంలోనే అమెజాన్ ఈ విధమైనటువంటి నిర్ణయం తీసుకున్నారంటూ వార్తలు వస్తున్నాయి.

ఓటీటీ డీల్ క్యాన్సిల్ చేసిన అమెజాన్..

విజయ్ సినిమా గురించి వస్తున్న ఈ వార్తలలో ఎంత వరకు నిజం ఉందనేది తెలియాలి అంటే అమెజాన్ ప్రైమ్ లేదా కెవిన్ ప్రొడక్షన్స్ స్పందించాల్సి ఉంది. ఇక ఈ సినిమా విజయ్ సినీ కెరియర్ లోనే ఎంతో కీలకంగా మారిన సినిమా అని చెప్పాలి హెచ్ వినోద్ దర్శకత్వంలో విజయ్ పూజా హెగ్డే హీరో హీరోయిన్లుగా నటించిన ఈ సినిమా విజయ్ ఆఖరి సినిమా కావటం విశేషం. ఈ సినిమా తర్వాత ఈయన పూర్తిగా రాజకీయాలపై దృష్టి పెట్టబోతున్న నేపథ్యంలో సినిమాలకు గుడ్ బై చెప్పేసారు. ఇలా విజయ్ ఆఖరి సినిమా కోసం అభిమానులు ఎంతో ఆత్రుతగా ఎదురు చూశారు.

విడాకుల వివాదంలో విజయ్..

ఈ సినిమా విడుదల విషయంలో ఎదురవుతున్న ఆటంకాలను చూస్తుంటే అభిమానులు ఈ సినిమాపై ఆశలు వదులుకోవాల్సిందేనా అంటూ కామెంట్లు వ్యక్తం అవుతున్నాయి. ఇకపోతే ఈ సినిమా విజయ్ పుట్టినరోజు సందర్భంగా ప్రేక్షకుల ముందుకు రాబోతోంది అంటూ వార్తలు వస్తున్నాయి. ఈ వార్తలకు అనుగుణంగానే ఎదురవుతున్న ఆటంకాలను దాటుకొని విడుదల అయ్యేనా? లేదా అనేది తెలియాల్సి ఉంది. ఇక ప్రస్తుతం విజయ్ ఈ సినిమాని పూర్తిగా పక్కనపెట్టి తన రాజకీయ కార్యకలాపాలపై దృష్టి సారించారు ఈయన టీవీకే పార్టీని స్థాపించిన సంగతి తెలిసిందే .ప్రస్తుతం ఈ పార్టీ ప్రచార కార్యక్రమాలలో బిజీ బిజీగా ఉన్నారు. మరోవైపు తన భార్య సంగీత విడాకులు కావాలంటూ కోర్టును ఆశ్రయించడంతో విజయ్ పెద్ద ఎత్తున విమర్శలను కూడా ఎదుర్కొంటున్నారు.

Also Read: Monalisa Bhosle: నా పెళ్లి లవ్ జిహాద్ కాదు.. పెళ్లి పై మోనాలిసా షాకింగ్ రియాక్షన్ ..