Comedy Web Series OTT : 25 ఏళ్లుగా క్రైమ్ అంటే ఏంటో తెలియని గ్రామం… బైక్‌ మిససవ్వడంతో గడబిడ… కడుపుబ్బా నవ్వించే కామెడీ ఎంటర్టైనర్

Comedy Web Series OTT : ఓటీటీలో వెబ్ సిరీస్ ల హవా కొనసాగుతూనే ఉంది. రక రకాల కథలతో ఆడియన్స్ ని మెప్పించడానికి తమ వంతు ప్రయత్నాలు చేస్తున్నారు మేకర్స్. ఆ ప్రయత్నంలో భాగంగా ఒక కామెడీ వెబ్ సిరీస్ గత ఏడాది హల్చల్ చేసింది. ప్రశాంతమైన గ్రామం నేపథ్యంలో సాగే ఈ సిరీస్‌లో మోటార్‌బైక్ దొంగతనంతో గందరగోళం మొదలవుతుంది. అసలు ఆ బైక్ ఏంటి ? ఆ గందరగోళం ఎలా ఉంటుంది ? ఈ సిరీస్ పేరు ఏమిటి ? అనే విషయాలపై ఓ లుక్ వేద్దాం పదండి.

అమెజాన్ ప్రైమ్ వీడియోలో స్ట్రీమింగ్

బీహార్‌లోని ధడక్‌పూర్ అనే ఒక గ్రామం నేపథ్యంలో సాగే ఈ కామెడీ వెబ్ సిరీస్ పేరు ‘దుపహియా’ (Dupahiya). దీనిని అవినాష్ ద్వివేది, చిరాగ్ గార్గ్, సలోనా బైన్స్ జోషి, శుభ్ శివదాసాని రూపొందించారు. ఈ హిందీ కామెడీ టెలివిజన్ సిరీస్లో గజరాజ్ రావు, రేణుకా షహానే, స్పర్ష్ శ్రీవాస్తవ, శివాని రఘువంశీ, భువన్ అరోరా ముఖ్య పాత్రల్లో నటించారు. ఇది అమెజాన్ ప్రైమ్ వీడియోలో 2025 మార్చి 7 నుంచి స్ట్రీమింగ్ అవుతోంది. మొదటి సీజన్ హిట్ అవ్వడంతో రెండవ సీజన్ పై కూడా దృష్టి పెట్టారు మేకర్స్.

కథ ఏమిటంటే

ధడక్‌పూర్ అనే గ్రామానికి ఒక ప్రత్యేకత ఉంది. గత 25 ఏళ్లుగా అక్కడ ఒక్క నేరం కూడా నమోదు కాలేదు. ఆ ఊరిని నేర రహిత గ్రామంగా అందరూ పిలుచుకుంటారు. అయితే బన్వారీ ఝా అనే వ్యక్తి తన కుమార్తె రోష్ని పెళ్లి కోసం సిద్ధమవుతున్నప్పుడు ఈ ప్రశాంతత చెదిరిపోతుంది. రోష్నిని పెళ్లి చేసుకోబోయే కుబేర్ అనే వ్యక్తి, కట్నంగా ఒక ఖరీదైన బైక్ కావాలని డిమాండ్ చేస్తాడు. బన్వారీ ఝా ఎంతో కష్టపడి ఆ బైక్‌ను కొంటాడు. అయితే ఇక్కడే ట్విస్ట్ వస్తుంది. పెళ్లికి కేవలం ఎనిమిది రోజుల ముందు, ఆ బైక్ అనూహ్యంగా దొంగతనానికి గురవుతుంది.

ఇక ఆ బైక్‌ను వెతికే బాధ్యతను రోష్ని తమ్ముడు భూగోల్, రోష్ని మాజీ ప్రేమికుడు అమావాస్ తీసుకుంటారు. ఒక పక్క బైక్ దొంగను వెతకడం, మరోపక్క పెళ్లి ఏర్పాట్లు చేయడం మధ్య జరిగే కామెడీ సంఘటనలతో ఈ సిరీస్ నడుస్తుంది. చివరకు ఆ బైక్ ను ఎవరు దొంగిలించారు? రోష్ని పెళ్లి జరిగిందా? ఆమె తన మాజీ ప్రేమికుడితో కలిసిందా? అనేది క్లైమాక్స్‌లో తెలుస్తుంది.