Dhurandhar 2: సాధారణంగా ఒక సినిమా థియేటర్లలోకి వచ్చింది అంటే కచ్చితంగా ఆ సినిమా మళ్లీ బుల్లితెర ఆడియన్స్ ను మెప్పించడానికి ఓటీటీలోకి రావాల్సిందే. అయితే అన్ని సినిమాలు తక్కువ సమయంలోనే ఓటీటీలోకి వస్తాయా అంటే ఆయా సినిమాల ఫలితాలను బట్టి వచ్చే సమయం కూడా మారుతూ ఉంటుంది.. ఒకవేళ థియేటర్లలో వచ్చిన సినిమా బాక్సాఫీస్ వద్ద బ్లాక్ బాస్టర్ గా నిలిచింది అంటే.. 8 వారాలలో ఆ సినిమా ఓటీటీలోకి వస్తుంది. ఒకవేళ థియేటర్లలో వచ్చిన సినిమా డిజాస్టర్ గా నిలిచిందంటే మాత్రం నెలలోపే ఓటీటీలోకి వచ్చిన సందర్భాలు కూడా ఉన్నాయి. ఇకపోతే బాక్సాఫీస్ వద్ద సంచలనం సృష్టిస్తూ పాత సినిమాల రికార్డులను కొల్లగొడుతూ ఇప్పుడు ప్రపంచవ్యాప్తంగా భారీ విజయాన్ని సొంతం చేస్తున్న రణవీర్ సింగ్ ధురంధర్ సినిమా గురించి ప్రత్యేకంగా చెప్పుకోవాలి.
ప్రముఖ దర్శకుడు ఆదిత్యధర్ దర్శకత్వంలో.. రణవీర్ సింగ్ హీరోగా , సారా అర్జున్ హీరోయిన్ గా తెరకెక్కిన చిత్రం ధురంధర్. గత ఏడాది డిసెంబర్ 5న ప్రేక్షకుల ముందుకు వచ్చిన ఈ సినిమా రూ.1350 కోట్ల కలెక్షన్స్ వసూలు చేసి రికార్డు సృష్టించింది.. ఈ సినిమాకు సీక్వెల్ గా ధురంధర్2: ది రివేంజ్ పేరిట మార్చి 19వ తేదీన ఈ సినిమా ప్రేక్షకులు ముందుకు రాగా.. ఇది కూడా బాక్స్ ఆఫీస్ వద్ద సంచలనం సృష్టిస్తూ దూసుకుపోతోంది. ఈ క్రమంలోనే ఈ సినిమా ఓటీటీ డీల్ కి సంబంధించిన ఒక వార్త సోషల్ మీడియాలో వైరల్ గా మారుతుంది. ప్రముఖ ఓటీటీ దిగ్గజ ప్లాట్ఫామ్ నెట్ ఫ్లిక్స్ ఈ సినిమా డిజిటల్ హక్కులను భారీ ధరకు సొంతం చేసుకున్నట్లు సమాచారం.
ALSO READ:Kriti Sanon: పెళ్లిపై అలాంటి కామెంట్స్ చేసిన ప్రభాస్ బ్యూటీ.. ఎదురు చూడక తప్పదా?
ప్రస్తుతం ధురంధర్ 2 సినిమా రికార్డు స్థాయి వసూళ్లతో దూసుకుపోతున్న నేపథ్యంలో డిజిటల్ ప్రీమియర్ ఎప్పుడు ఉంటుంది అనే విషయం సోషల్ మీడియాలో హాట్ టాపిక్ గా మారింది. ఇక ముందుగానే నెట్ ఫ్లిక్స్ తో చేసుకున్న ఒప్పందం ప్రకారం థియేటర్స్ లో విడుదలైన సరిగ్గా 50 రోజులకు ఈ సినిమాను ఓటీటీలో స్ట్రీమింగ్ కి తీసుకురాబోతున్నారట .ఇక ఈ లెక్కన చూసుకుంటే మార్చి 19న ఈ సినిమా థియేటర్లలోకి వచ్చేసింది. కాబట్టి మే ఒకటి లేదా ఏడవ తేదీన ఈ సినిమా ఓటీటీలోకి వచ్చే అవకాశం ఉన్నట్లు తెలుస్తోంది. త్వరలోనే దీనికి సంబంధించిన అధికారిక ప్రకటనతో పాటు స్ట్రీమింగ్ డేట్ పై కూడా నెట్ ఫ్లిక్స్ నుంచి అధికారిక ప్రకటన రానుంది. ఏది ఏమైనా థియేటర్లలో వరుస కలెక్షన్లను వసూలు చేస్తూ పుష్ప , బాహుబలి, ఆర్ఆర్ఆర్ రికార్డులను కూడా బ్రేక్ చేస్తున్న ఈ సినిమా ఇటు ఓటీటీ లలో ఎలాంటి రికార్డులు క్రియేట్ చేస్తుందో చూడాలి.
Share
టయోటా To నిస్సాన్.. ఏప్రిల్ లో లాంచ్ కాబోయే ఎలక్ట్రిక్ కార్లు ఇవే!
మాధురి కోసం దువ్వాడ ఆత్మహత్యాయత్నం.. ఆ పని చేశారంటూ మాధురి ఎమోషనల్
