Adobe Photoshop: ప్రత్యేకంగా పరిచయం అక్కర్లేని ఫొటో ఎడిటింగ్‌ టూల్‌ అడోబ్ ఫొటోషాప్. రోజురోజుకు మారుతున్న నేటి ఆధునిక యుగంలో అనేక కొత్త టూల్స్‌ అందుబాటులోకి వస్తున్నాయి. అయినా కూడా అడోబ్ ఫొటోషాప్‌కు ఉన్నంత ఆదరణ ఏమాత్రం తగ్గడం లేదు. అయితే ఇప్పుడీ ఫొటోషాప్ ఆన్‌లైన్‌లోనూ అందుబాటులోకి వచ్చింది. గూగుల్ క్రోమ్‌ ఎక్స్‌టెన్షన్‌ రూపంలో లభిస్తున్న ఈ టూల్‌ను డబ్బులు కట్టకుండానే ఉపయోగించుకోవచ్చు. అంతేకాదు.. దీని కోసం ఫొటోషాప్ సాఫ్ట్‌వేర్‌ను ప్రత్యేకంగా డౌన్లోడ్ చేయాల్సిన అవసరం కూడా లేదు. అడోబ్ ఫొటోషాప్ ముఖ్యమైన ఎడిటింగ్‌ ఫీచర్లన్నీ ఈ ఎక్స్‌టెన్షన్‌ ద్వారా లభిస్తుంది. మరి ఏడాదిపాటు అడోబ్ ఫొటోషాప్‌ను ఉచితంగా ఎలా పొందాలో ఈ ఆర్టికల్ ద్వారా తెలుసుకుందామా..
ఉచిత సర్వీసులను వాడుకోవాలంటే.. ముందుగా గూగుల్ క్రోమ్‌ ఫొటోషాప్ ఎక్స్‌టెన్షన్‌ను డౌన్లోడ్ చేసుకోవాల్సి ఉంటుంది. దీనిని ఒకసారి డౌన్లోడ్ చేసుకున్నాక నేరుగా బ్రౌజర్‌లోనే ఫొటోషాప్‌ను వినియోగించుకోవచ్చు. అయితే, 2025 డిసెంబరు 8వ తేదీలోపు ఈ ఎక్స్‌టెన్షన్‌ను డౌన్లోడ్ చేసుకున్న వారికి 12 నెలల పాటు ఉచిత యాక్సెస్‌ను అడోబ్ కంపెనీ అందిస్తోంది. అలాగే ఈ టూల్‌ను ఎప్పటికప్పుడు అప్‌డేట్స్‌ ద్వారా మరింత మెరుగుపరుస్తామని, కొత్త ఫీచర్లను జోడిస్తామని సంస్థ తెలిపింది. డబ్బులు కట్టకుండా ఆన్లైన్లో లైట్‌ వెయిట్‌ ఎడిటింగ్‌ టూల్స్‌ కోసం చూసేవాళ్లు ఇలాంటి అవకాశాన్ని సద్వినియోగం చేసుకోవాలని చెబుతోంది.
గూగుల్ క్రోమ్‌ బ్రౌజర్‌లో photoshop chrome extension అని సెర్చ్‌ చేసి ఎక్స్‌టెన్షన్‌ సేవలను పొందవచ్చు. లేదా క్రోమ్‌ వెబ్‌స్టోర్‌లోకి వెళ్లి ఫొటోషాప్ ఎక్స్‌టెన్షన్‌ను మీ బ్రౌజర్‌కు జోడించుకునే అవకాశం కూడా ఉంది. మరో విశేషం ఏమిటంటే.. ఈ టూల్‌లో బ్యాగ్రౌండ్‌ రిమూవల్‌, కలర్‌ అండ్‌ ఎక్స్‌పోజర్‌ అడ్జెస్ట్‌మెంట్, ఇన్‌స్టాగ్రామ్, ఫేస్బుక్, యూట్యూబ్‌ వంటి ప్లాట్‌ఫామ్‌లకు అనుగుణంగా మనకు కావాల్సిన డైమెన్షన్లలో ఇమేజ్‌లను క్రాప్‌ చేసుకునే సదుపాయాన్ని అడోబ్ ఫొటోషాప్ అందిస్తోంది.
Share
Goa Night Club Fire: గోవా నైట్ క్లబ్ ఘటనలో.. షాకింగ్ విషయాలు, నిప్పు మొదలైన వీడియో ఇదిగో
Sankranthiki Vastunnam 2: సీక్వెల్ కు సిద్ధమైన సంక్రాంతికి వస్తున్నాం.. రంగంలోకి మరో హీరోయిన్?
