నీళ్లు లేకుండా కూలర్ వాడితే మోటార్ కాలిపోతుందా? అసలు నిజం ఇదే!

Cooler Hacks: భగభగలాడే ఎండల నుంచి ఉపశమనం పొందడానికి మన ఇంట్లో ఉండే బెస్ట్ ఫ్రెండ్ ‘ఎయిర్ కూలర్’. అయితే చాలా మంది కూలర్ వాడేటప్పుడు ఒక చిన్న లాజిక్ మిస్ అవుతుంటారు. రాత్రి పూట నిద్రలో కూలర్‌లో నీళ్లు అయిపోయినా సరే.. అలాగే నడిపిస్తుంటారు. మరి నీళ్లు లేకుండా కూలర్ నడపడం వల్ల మోటారు నిజంగానే పాడవుతుందా? లేదా అది కేవలం అపోహేనా? ఈ సమ్మర్‌లో మీ కూలర్ లైఫ్ పెరగాలంటే ఎలాంటి జాగ్రత్తలు తీసుకోవాలో ఇప్పుడు తెలుసుకుందాం.

నీళ్లు లేకపోతే కూలర్ మోటార్ కాలిపోతుందా?
ఈ ప్రశ్నకు సమాధానం తెలుసుకోవాలంటే.. ముందుగా కూలర్‌లో ఉండే రెండు రకాల మోటార్ల గురించి అర్థం చేసుకోవాలి. కూలర్‌లో ప్రధానంగా ఒకటి ఫ్యాన్ మోటార్, రెండోది వాటర్ పంప్ మోటార్ ఉంటాయి. మీరు కూలర్‌లో నీళ్లు పోయకుండా కేవలం ఫ్యాన్ మోటార్ మాత్రమే ఆన్ చేస్తే (అంటే పంప్ స్విచ్ ఆఫ్ చేసి ఉంచితే), మోటారుకు ఎలాంటి ప్రమాదం జరగదు. ఇది కేవలం నార్మల్ టేబుల్ ఫ్యాన్ లాగా గాలిని మాత్రమే ఇస్తుంది. కానీ, ఒకవేళ మీరు పంప్ స్విచ్ ఆన్ చేసి.. కూలర్‌లో నీళ్లు లేకపోతే మాత్రం కచ్చితంగా వాటర్ పంప్ మోటార్ కాలిపోయే ప్రమాదం ఉంది.

వాటర్ పంప్ ఎలా పాడవుతుంది?
కూలర్లలో వాడే వాటర్ పంపులు సాధారణంగా ‘సబ్‌మెర్సిబుల్’రకానికి చెందినవి. అంటే ఇవి నీటిలో మునిగి ఉన్నప్పుడు మాత్రమే సరిగ్గా పని చేస్తాయి. నీళ్లే ఈ పంప్ మోటారును చల్ల బరుస్తాయి. కూలర్‌లో నీళ్లు లేనప్పుడు పంప్ ఆన్ చేస్తే, అది ఖాళీగా తిరుగుతుంది. దీని వల్ల మోటార్ విపరీతంగా వేడెక్కిపోయి కేవలం కొన్ని గంటల్లోనే కాలిపోతుంది.వాటర్ పంప్ కాలిపోతే కూలర్ నుంచి చల్లటి గాలి రావడం ఆగిపోతుంది. మళ్లీ కొత్త పంప్ కొనడానికి మీ జేబు ఖాళీ అవడం ఖాయం.

కూలర్ ప్యాడ్స్ :
నీళ్లు లేకుండా కూలర్ పంప్‌ను రన్ చేయడం వల్ల కేవలం మోటార్ మాత్రమే కాదు. కూలర్ వెనుక ఉండే హనీకోంబ్ లేదా గడ్డి ప్యాడ్స్ కూడా పాడవుతాయి. ఎండిపోయిన ప్యాడ్స్‌పై వేడి గాలి పడటం వల్ల అవి త్వరగా విరిగిపోతాయి లేదా వాటి లైఫ్ తగ్గిపోతుంది.

ఈ సమ్మర్‌లో మీ కూలర్ సేఫ్‌గా ఉండాలంటే ఈ టిప్స్ పాటించండి:
ఆటో-కటాఫ్ ఫీచర్: వీలైతే ‘ఇన్‌బిల్ట్ ఆటో-కటాఫ్’ లేదా ‘లో-వాటర్ అలారం’ ఫీచర్ ఉన్న ఆధునిక కూలర్లను ఎంచుకోండి. ఇవి నీళ్లు అయిపోగానే పంప్‌ను ఆటోమేటిక్‌గా ఆఫ్ చేస్తాయి.

పడుకునే ముందు చెక్ చేసుకోండి: రాత్రి పడుకునే ముందు కూలర్ ట్యాంక్ ఫుల్‌గా ఉందో లేదో ఒకసారి చూసుకోవడం బెస్ట్ హాబిట్.

డ్రై మోడ్ వాడకం: మీకు చల్లదనం వద్దు, కేవలం గాలి మాత్రమే కావాలనుకుంటే.. పంప్ స్విచ్ ఆఫ్ చేసి కేవలం ‘ఫ్యాన్’ మోడ్‌ను మాత్రమే ఆన్ చేయండి.

క్లీనింగ్ ముఖ్యం: వారానికి ఒకసారి కూలర్ ట్యాంక్‌ను క్లీన్ చేయండి. ట్యాంక్‌లో పేరుకుపోయే మురికి పంప్‌లోకి వెళ్తే కూడా మోటార్ జామ్ అయి పాడవుతుంది.

బాటమ్ లైన్: స్మార్ట్‌గా ఆలోచించండి.. మీ కూలర్‌ను కాపాడుకోండి. నీళ్లు లేనప్పుడు పంప్ స్విచ్‌ను అస్సలు ఆన్ చేయకండి. ఈ చిన్న చిట్కా మీ కూలర్ లైఫ్‌ను డబుల్ చేస్తుంది!

Share

• 
• 
• 
• 
• 
•