Philips Headphones Soundbars: ప్రముఖ ఎలక్ట్రానిక్స్ సంస్థ ఫిలిప్స్ ఆడియో ప్రియుల కోసం ఇండియన్ మార్కెట్లోకి ఒకేసారి ఐదు రకాల కొత్త ప్రొడక్ట్స్ను తీసుకొచ్చింది. ఇందులో సౌండ్బార్స్, బ్లూటూత్ స్పీకర్లు, హెడ్ఫోన్స్ ఇలా అన్నీ ఉన్నాయి. మీరు మ్యూజిక్ లవర్ అయినా లేదా జిమ్లో వర్కవుట్స్ చేస్తూ పాటలు వినాలనుకునే వారైనా.. అందరినీ ఆకట్టుకునేలా వీటిని డిజైన్ చేశారు. మరి ఆ ప్రొడక్ట్స్ మీద ఓ లుక్కేద్దామా..
ప్రతి ఒక్కరి బడ్జెట్కు తగ్గట్టుగా ధరలను నిర్ణయించింది ఫిలిప్స్. TAA1009 స్పోర్ట్స్ హెడ్ఫోన్స్ కేవలం రూ.899 నుంచే స్టార్ట్ అవుతున్నాయి. ఇక ప్రీమియం క్వాలిటీ కోరుకునే వారి కోసం SHP9500 హెడ్ఫోన్స్ను రూ.12,999కి అందిస్తున్నారు. సౌండ్బార్ల విషయానికి వస్తే.. TAB4230 మోడల్ ధర రూ.19,999గా ఉంది. అలాగే పోర్టబుల్ స్పీకర్ TAS4400 ధర రూ.5,999 కాగా, మినీ సౌండ్బార్ TAB4120ని రూ.3,999కే సొంతం చేసుకోవచ్చు. వీటిని అమెజాన్, ఫ్లిప్కార్ట్, దగ్గర్లోని ఆఫ్లైన్ స్టోర్లలో కొనుగోలు చేయొచ్చు.
Also Read: ఏసీ కొనాలని ప్లాన్ చేస్తున్నారా? ఈ తేడాలు తెలుసుకోకుండా కొంటే నష్టపోతారు!
ముఖ్యంగా స్పోర్ట్స్ లవర్స్ కోసం తెచ్చిన TAA1009 ఇయర్ ఫోన్స్ వాడితే.. చెవిలో నుంచి అస్సలు జారిపోవు. దీనికి ఉన్న వింగ్ టిప్స్ అంత పట్టునిస్తాయి. పైగా వర్కవుట్ చేసేటప్పుడు చెమట పట్టినా పాడవకుండా IPX4 రెసిస్టెన్స్ను ఇచ్చారు. ఇక మ్యూజిక్ను ఇష్టపడే వారి కోసం SHP9500 మోడల్ ఉంది. ఇది ఓపెన్ బ్యాక్ డిజైన్తో వస్తుంది. దీనిలో ఉన్న 50 MM డ్రైవర్లు సరికొత్త ఆడియో అనుభూతిని అందిస్తాయి. దీని కుషన్లు చాలా మెత్తగా ఉండంటతో ఎంతసేపు వాడుకున్నా చెవులు నొప్పి రాదు.
ఇంట్లోనే సినిమా థియేటర్ ఫీల్ కావాలనుకుంటే.. 300 వాట్ల అవుట్పుట్ ఇచ్చే TAB4230 సౌండ్బార్ ఉత్తమం. ఇది డాల్బీ డిజిటల్ సౌండ్ను సపోర్ట్ చేస్తుంది. ఇక TAS4400 బ్లూటూత్ స్పీకర్ అయితే చాలా వెరైటీగా ఉంటుంది. దీనికి మ్యాగ్నెటిక్ అటాచ్మెంట్ సిస్టమ్ ఉంది. పైగా ఒక్కసారి ఛార్జ్ చేస్తే 8 గంటల పాటు పాటలు వినొచ్చు. చిన్న గదుల కోసం రూపొందించిన మినీ సౌండ్బార్ TAB4120 లో RGB లైటింగ్ కూడా సెటప్ ఉంటుంది.
తక్కువ ధరలో బేసిక్ ఇయర్ ఫోన్స్ కావాలనుకునే వారి దగ్గరి నుంచి, ప్రొఫెషనల్ క్వాలిటీ కోరుకునే వారి వరకు అందరినీ దృష్టిలో పెట్టుకుని ఫిలిప్స్ ఈ ఉత్పత్తులను తెచ్చింది. మీరు టీవీ సౌండ్ను పెంచాలనుకున్నా లేదా ప్రయాణాల్లో హాయిగా మ్యూజిక్ ఎంజాయ్ చేయాలనుకున్నా ఈ కొత్త ప్రొడక్ట్స్ మీకు ఖచ్చితంగా నచ్చుతాయి.
Also Read: ఈ తప్పులు చేస్తున్నారా? జాగ్రత్త, ఫ్రిడ్జ్ పేలిపోతుంది!
Share
Redmi Note Pro+: 50MP ట్రిపుల్ కెమెరా, 6200mAh బ్యాటరీ గల రెడ్మి ఫోన్పై రూ.10500 డిస్కౌంట్.. ఫ్లిప్కార్ట్లో బెస్ట్ డీల్
Rakul Preet Singh: ప్రిన్సెస్ మూడ్ లో రకుల్ ప్రీత్ సింగ్.. అవుట్ ఫిట్ తో అదరగొట్టేస్తూ!
