Deveillance Spectre I: నేటి డిజిటల్ యుగంలో సెలబ్రెటీల నుంచి సామాన్యుల వరకు ప్రైవసీ అనేది పెద్ద ప్రశ్నగా మారింది. మనం ఏం మాట్లాడుకుంటున్నామో స్మార్ట్‌ఫోన్‌లు, స్మార్ట్ స్పీకర్లు వింటున్నాయనే భయం అందరిలోనూ ఉంటుంది. ఈ సమస్యకు పరిష్కారంగా శాన్ ఫ్రాన్సిస్కోకు చెందిన డెవిలెన్స్ అనే స్టార్టప్ ‘Specter I’ పేరుతో అద్భుతమైన పరికరాన్ని పరిచయం చేస్తోంది. ఇది కేవలం గాడ్జెట్ మాత్రమే కాదు.. మన వ్యక్తిగత సంభాషణలకు రక్షణ కవచంలా పనిచేస్తుంది.
ఇప్పటికే ఆడియో జామింగ్ పరికరాలు మార్కెట్లో ఉన్నప్పటికీ.. ఈ స్పెక్టర్ I వాటన్నింటికంటే భిన్నమైంది. ఇది ఆర్టిఫిషియల్ ఇంటెలిజెన్స్‌ను ఉపయోగించి పని చేసే తొలి స్మార్ట్ యాంటీ సర్వైలెన్స్ డివైజ్. ఈ పరికరం తన చుట్టుపక్కల ఉన్న మైక్రోఫోన్‌లను ఇట్టే గుర్తించి, అవి ఆడియో రికార్డ్ చేయకుండా అడ్డుకుంటుంది. దీని కోసం కంపెనీ అత్యాధునిక ఏఐ, సిగ్నల్ ప్రాసెసింగ్ టెక్నాలజీని వాడుతోంది.
టేబుల్ టాప్ డిజైన్‌తో వచ్చే ఈ పోర్టబుల్ పరికరం 2 మీటర్ల పరిధిలో అద్భుతంగా పనిచేస్తుంది. ఈ డివైజ్ మనిషి చెవులకు వినిపించని కొన్ని ప్రత్యేకమైన ఓమ్నిడైరెక్షనల్ సిగ్నల్స్‌ను విడుదల చేస్తుంది. తద్వారా సమీపంలోని ఏ మైక్రోఫోన్ కూడా స్పష్టమైన సౌండ్‌ని రికార్డ్ చేయదు. కేవలం జామింగ్ మాత్రమే కాకుండా, దగ్గరలో ఎన్ని మైక్రోఫోన్లు యాక్టివ్‌గా ఉన్నాయనే డేటాను కూడా ఇది యూజర్లకు అందిస్తుంది.
ఈ పరికరం అల్ట్రాసౌండ్ ఫ్రీక్వెన్సీలను ఉపయోగించి రికార్డింగ్‌లను వక్రీకరిస్తుంది. డిక్టాఫోన్‌లు లేదా ఎయిర్‌ప్లేన్ మోడ్‌లో ఉన్న ఫోన్‌ల విషయంలో ఇదెలా స్పందిస్తుందనే దానిపై పూర్తి స్పష్టత లేనప్పటికీ, ప్రస్తుతానికి ఇది అత్యుత్తమ ప్రైవసీ టూల్‌గా కనిపిస్తోంది. ప్రస్తుతం ప్రీ ఆర్డర్ దశలో ఉన్న స్పెక్టర్ I, ఈ ఏడాది చివర్లో మార్కెట్లోకి రానుంది. మన సంభాషణలు రహస్యంగా ఉండాలంటే ఇలాంటి టెక్నాలజీ అవసరం ఎంతో ఉంది.
Share
Vi Annual Plans 2026: వీఐ వార్షిక ప్లాన్స్.. రోజుకి 2GB డేటా, ఫ్రీ ఓటీటీ.. ఇవి చాలా చీప్ గురు!
Alekhya Tarakaratna: పొలిటికల్ ఎంట్రీ పై అలేఖ్య తారకరత్న కామెంట్స్..ఏ పార్టీకి మద్దతంటే?
