Hyderabad Major Fire: ఎండకాలం రావడంతో అగ్నిప్రమాదాలు జోరందుకున్నాయి. హైదరాబాద్ సిటీలో వారానికి రెండు లేదా మూడు అగ్నిప్రమాదాలు చోటు చేసుకుంటున్నాయి. తాజాగా హైదరాబాద్లోని మియాపూర్ ఏరియాలో భారీ అగ్నిప్రమాదం చోటు చేసుకుంది. ఈ ఘటనలో ఓ ఫర్నీచర్ షాపు తగలబడింది. చందానగర్ జాతీయ రహదారిపై ఉన్న అను ఫర్నిచర్ షోరూమ్లో ఈ ఘటన జరిగింది. ఘటన గురించి సమాచారం అందుకున్న వెంటనే ఫైర్ సిబ్బంది అక్కడికి చేరుకున్నారు. దాదాపు నాలుగు గంటల తర్వాత మంటలను అదుపులోకి తీసుకొచ్చారు. అసలేం జరిగింది?
అర్ధరాత్రి మియాపూర్లో భారీ అగ్నిప్రమాదం
హైదరాబాద్లోని మియాపూర్ ఏరియాలో అర్ధరాత్రి భారీ అగ్నిప్రమాదం చోటు చేసుకుంది. ఏం జరిగిందో తెలీదుగానీ అను ఫర్నీచర్ షాపుని మంటలు చుట్టేశాయి. అర్ధరాత్రి ఘటన జరగడంతో అప్పటికే షాపులో మూసి వుంది. ఐదు అంతస్తులను మంటలు చుట్టుముట్టాయి. దట్టమైన పొగలు పరిసర ప్రాంతాలను కమ్మేశాయి.
ప్రమాదం గురించి ఓనర్కి తెలియగానే ఆయన అగ్నిమాపక సిబ్బందికి సమాచారం ఇచ్చారు. సిబ్బంది వచ్చేసరికి మంటలు షాపును చుట్టేశాయి. ఆరు ఫైర్ ఇంజన్లు ఘటనా స్థలానికి చేరుకుని మంటలను అదుపు చేశారు. ఈ ప్రమాదంలో షోరూమ్లోని ఫర్నిచర్ అంతా కాలి బుడిదైంది. భారీ స్థాయిలో ఆస్తి నష్టం సంభవించినట్లు సమాచారం.
తగలబడిన అను ఫర్నిచర్ షాపు.. భారీగా ఆస్తి నష్టం
షోరూమ్ జాతీయ రహదారిపై పక్కనే ఉండటంతో వాహనాల రాకపోకలకు తీవ్ర అంతరాయం ఏర్పడింది. ట్రాఫిక్ను క్లియర్ చేయడానికి పోలీసులు నానా ఇబ్బంది పడ్డారు. ఈ ఘటనపై బాలానగర్ ఏసీపీ నరేష్ రెడ్డి మాట్లాడారు. అగ్నిప్రమాదం గురించి సమాచారం రాగానే వెంటనే ఫైర్ సిబ్బందిని అలర్ట్ చేశామన్నారు. వారు ఘటన జరిగిన ప్రాంతానికి చేరుకున్నారని సహాయక చర్యలు చేపట్టారని తెలిపారు.
చుట్టు ప్రక్కల ప్రాంతాల ప్రజలను అలర్ట్ చేశామన్నారు. ఎలాంటి ప్రాణ నష్టం జరగలేదని తెలిపారు. ప్రాపర్టీ డ్యామేజ్ బాగానే జరిగిందన్నారు షాపు ఓనర్. వేరే భవనాలకు డ్యామేజ్ కాకుండా చర్యలు చేసినట్టు తెలిపారు. ఈ ఘటన గురించి మరింత సమాచారం తెలియాల్సివుంది.
ALSO READ: ఫిరాయింపుల చరిత్ర మీ నాయన సృష్టించిందే.. కేటీఆర్పై ఎంపీ చామల ఫైర్
భారీ అగ్నిప్రమాదం.. ఫర్నిచర్ షోరూమ్లో ఎగసిపడుతున్న మంటలు!
హైదరాబాద్ చందానగర్ పరిధిలోని ప్రముఖ 'అను ఫర్నిచర్' షోరూమ్లో భారీ అగ్నిప్రమాదం సంభవించింది. షోరూమ్ లోపల ఒక్కసారిగా మంటలు చెలరేగడంతో పరిసర ప్రాంతాల ప్రజలు తీవ్ర భయాందోళనకు గురయ్యారు. సమాచారం అందుకున్న అగ్నిమాపక సిబ్బంది… pic.twitter.com/7BsghiEGdn
— ChotaNews App (@ChotaNewsApp) March 12, 2026
Share
Romantic Movie OTT: ప్రేమ జంటకు అదిరిపోయే షాక్ ...ఒక్క రాత్రిలో ఇద్దరికి కడుపు... ఔరా అనిపించే విచిత్రం
Ban On SRH: SRHపై 5 ఏళ్ల పాటు నిషేధం..? షాక్ లో కావ్య పాప
