Mallanna: తీన్మార్ మల్లన్న. తెలంగాణలో ఈ పేరు తెలీని వారు ఉండరు. గతంలో పలు ఛానెల్స్లో పని చేసి.. ఇప్పుడు సొంతంగా Q-న్యూస్ యూట్యూబ్ ఛానెల్ పెట్టుకున్నారు. రోజూ ఆయనకు ఒకటే పని. కేసీఆర్ సర్కారును కుమ్మేయడమే ఆయన డ్యూటీ. ఉదయాన్నే న్యూస్ పేపర్ల అనాలసిస్తో షో స్టార్ట్ అవుతుంది. అందులో, యాంటీ కేసీఆర్ ఐటమ్స్పై తనదైన స్టైల్లో స్పైసీ కామెంట్లు చేస్తూ.. ప్రభుత్వాన్ని కుళ్లబొడుస్తుంటారు. ఆయన మాటలు, వాడే పదాలకు జనాల్లో మంచి పాపులారిటీ ఉంది. వ్యూస్ కూడా బాగా వస్తుంటాయి. జర్నలిస్ట్గా ఉంటూనే.. రాజకీయాల్లో యాక్టివ్గా ఉంటారు. ఎమ్మెల్యేగా, ఎమ్మెల్సీగా పోటీ చేసి ఓడిపోయారు. ఆ తర్వాత బీజేపీలో చేరారు. ఎందుకోగానీ ఆ పార్టీకి దూరంగా ఉంటున్నారు.
రోజూ కల్వకుంట్ల ఫ్యామిలీని తిడుతూ ఉంటే.. సర్కారు చూస్తు ఊరుకుంటుందా? మల్లన్న నోరు మూయించేందుకు పలుమార్లు క్యూ-న్యూస్ కార్యాలయంపై పోలీసులు దాడి చేశారు. కంప్యూటర్లు స్వాధీనం చేసుకున్నారు. కేసులు పెట్టి మల్లన్నను జైల్లో పెట్టారు. ఎన్ని కేసులు పెట్టినా.. ఎంతగా బెదిరింపులకు పాల్పడినా.. తీన్మార్ మల్లన్న అలియాస్ చింతపండు నవీన్ అదరలేదు, బెదరలేదు.
లేటెస్ట్గా హైదరాబాద్లోని Q-న్యూస్ కార్యాలయంపై గుర్తు తెలియని వ్యక్తులు దాడి చేశారు. ఆదివారం కావడంతో ఆఫీసులో సిబ్బంది తక్కువగా ఉన్నారు. కొందరు దుండగులు గుంపుగా కార్యాలయంలోకి ప్రవేశించి ఫర్నిచర్, కంప్యూటర్లను ధ్వంసం చేశారు. పని ముగించుకుని వెంటనే అక్కడి నుంచి పారిపోయారు. ఆ సమయంలో తీన్మార్ మల్లన్న ఆఫీసులో లేరు.
దాడి అనంతరం సిబ్బంది, మల్లన్న అనుచరులు రోడ్డుపైకి వచ్చి ఆందోళనకు దిగారు. పోలీసులు ఘటనా స్థలానికి చేరుకుని ఆందోళన చేస్తున్న వారిని అదుపులోకి తీసుకున్నారు. కార్యాలయాన్ని పరిశీలించారు. నిందితులను గుర్తించే పనిలో ఉన్నారు. దాడికి గల కారణాలు తెలియాల్సి ఉంది.
క్యూ న్యూస్లో రెగ్యులర్గా అనేక మందిపై విమర్శలు, ఆరోపణలు చేస్తుంటారు చింతపండు నవీన్. అందులో మెజార్టీ విమర్శలు బీఆర్ఎస్ నేతలపైనే ఉంటాయి. వారిలో ఎవరికో కోపం వచ్చినట్టుంది. ఇలా ఆఫీసుపై పడి దాడి చేశారని అంటున్నారు.
Share
IND vs AUS: ఆసీస్ అదుర్స్.. భారత్ బెదుర్స్.. విశాఖ వన్డేలో ఘోర పరాజయం
Kavitha: ఈడీ విచారణకు వేళాయే.. కవిత వెళ్తారా? అరెస్ట్ చేస్తారా?
