Ex Minister Srinivas Goud : మాజీ మంత్రి శ్రీనివాస్‌ గౌడ్ తమ్ముడు శ్రీకాంత్‌గౌడ్‌కు షాక్‌ తగిలింది. ఎన్నికల సమయంలో కాంగ్రెస్‌ నేత రాజేందర్‌రెడ్డి ఇంటిపై దాడికి దిగడంతో పలు సెక్షన్ల కింద కేసు నమోదు చేశారు పోలీసులు. ఈ ఘటనలో ప్రధాన నిందితులుగా ఉన్న మహేష్‌గౌడ్‌, రమేష్‌గౌడ్‌లను పోలీసులు అదుపులోకి తీసుకోగా.. పరారీలో ఉన్న శ్రీకాంత్‌గౌడ్‌ కోసం గాలిస్తున్నారు.
ఇటీవల జరిగిన తెలంగాణ అసెంబ్లీ పోలింగ్ ముగిసిన తర్వాత.. ఈ నెల 2వ తేదీన కాంగ్రెస్‌ నేత రాజేందర్‌రెడ్డి ఇంటిపై దాడి చేశారు. 20 మంది అనుచరులతో వీరంగం సృష్టించారు. రాజేందర్‌రెడ్డి ఇంట్లో లేకపోవడంతో.. మరో కాంగ్రెస్‌ నేత వెంకట్‌రెడ్డి, వాచ్‌మెన్‌ సచిన్‌పై దాడికి పాల్పడ్డారు. సీసీ ఫుటేజ్‌తోపాటు ఇంట్లో ఉన్న వస్తువులను ధ్వంసం చేశారు.
ఈ ఘటనపై రూరల్‌ పోలీస్‌స్టేషన్‌లో ఫిర్యాదు చేయగా.. శ్రీకాంత్‌ గౌడ్ సహా అతడి అనుచరులపై పోలీసులు కేసు నమోదు చేశారు. ఐపీసీ 448, 324, 427, 504, 506, 379 సెక్షన్ల కింద కేసు నమోదు చేసి.. ప్రధాన నిందితులుగా ఉన్న A3 మహేష్ గౌడ్, A6 రమేశ్ గౌడ్‌ను అదుపులోకి తీసుకున్నారు. దాడి సమయంలో ఇంట్లో కనిపించకుండా పోయిన హార్డ్‌ డిస్క్‌లను బైపాస్‌ రోడ్డు వద్ద స్వాధీనం తీసుకున్నారు. పరారీలో ఉన్న శ్రీకాంత్‌ గౌడ్‌ను పట్టుకునే పనిలో పడ్డారు పోలీసులు.
Share
Jagityal: కొడుకు అప్పులు.. ఆగిన తండ్రి అంత్యక్రియలు.. చివరికి ?
YS Jagan : వైసీపీ ఎన్నికల వ్యూహాలు.. టిక్కెట్స్ రేసులో ఆ బడానేతల వారసులు..
