సోలో ట్రిప్ ప్లాన్ చేస్తున్నారా? ఇండియాలో ఒంటరిగా తిరగడానికి బెస్ట్ ప్లేసెస్ ఇవే!

Solo Travel Destinations: ప్రతి ఒక్కరూ తమ జీవితంలో కనీసం ఒక్కసారైనా సోలో ట్రిప్ వెళ్లాలి అనుకుంటారు. స్నేహితులు లేదా కుటుంబ సభ్యులతో వెళ్లడం ఒకెత్తయితే.. ఒంటరిగా కొత్త ప్రదేశాలను అన్వేషించడం మరో ఎత్తు. ఇది మీలో ఆత్మవిశ్వాసాన్ని పెంచుతుంది. అయితే.. భారత్ వంటి దేశంలో సోలో ట్రిప్ అనగానే భద్రత, వసతి వంటి భయాలు కలగడం సహజం. కానీ.. మన దేశంలో ఒంటరి ప్రయాణికులకు అత్యంత సురక్షితమైన, ఆకర్షణీయమైన ప్రదేశాలు చాలానే ఉన్నాయి. హిమాలయాల మంచు శిఖరాల నుంచి కేరళ బ్యాక్ వాటర్స్ వరకు, మీ సోలో ట్రిప్ కోసం బెస్ట్ ప్లేసెస్ ఏమిటో ఇప్పుడు చూద్దాం.

ఇండియాలో సోలో ట్రిప్ కోసం బెస్ట్ ప్లేసెస్:

ఒంటరి ప్రయాణికుల కోసం మన దేశంలో ఎన్నో అద్భుతమైన ఆప్షన్లు ఉన్నాయి. ప్రకృతి ప్రేమికులైనా, ఆధ్యాత్మికతను ఇష్టపడేవారైనా లేదా అడ్వెంచర్ కోరుకునే వారైనా.. అందరికీ సరిపోయే టాప్ 5 ప్లేసెస్ ఇవే..

1. రిషికేశ్, ఉత్తరాఖండ్ :
గంగా నది తీరాన ఉన్న రిషికేశ్ సోలో ట్రావెలర్స్ కి మొదటి ఛాయిస్. ఇక్కడ ఆధ్యాత్మికతతో పాటు అడ్వెంచర్ కూడా దొరుకుతుంది.

ఎందుకు వెళ్లాలి?: యోగా సెంటర్లు, గంగా హారతి, రివర్ రాఫ్టింగ్ , బంజీ జంపింగ్ వంటివి ఇక్కడ ప్రత్యేకం.

భద్రత: ఇక్కడ ప్రజలు చాలా స్నేహపూర్వకంగా ఉంటారు. హోస్టల్స్ తక్కువ ధరకు లభిస్తాయి. కాబట్టి ఇతర దేశాల నుంచి వచ్చే సోలో ట్రావెలర్స్‌తో కూడా మీరు స్నేహం చేయవచ్చు.

2. పాండిచ్చేరి :
మీకు విదేశాలకు వెళ్లిన ఫీలింగ్ కలగాలంటే.. పాండిచ్చేరి బెస్ట్. ఇక్కడ ఉన్న ఫ్రెంచ్ కాలనీలు, రంగు రంగుల గోడలు, ప్రశాంతమైన బీచ్‌లు మిమ్మల్ని ఆకట్టుకుంటాయి.

ప్రత్యేకత: ఇక్కడ సైకిల్ మీద తిరగడం ఒక సరదా అనుభవం. ఆరోవిల్ వంటి ప్రదేశాలు మనశ్శాంతిని ఇస్తాయి.

భద్రత: మహిళా సోలో ట్రావెలర్లకు ఇది అత్యంత సురక్షితమైన ప్రాంతం.

3. హంపి, కర్ణాటక :
చరిత్ర అంటే.. ఇష్టపడే వారికి హంపి ఒక స్వర్గం. శిథిలావస్థలో ఉన్న ఆలయాలు, అద్భుతమైన శిల్పకళా చాతుర్యం మిమ్మల్ని వేరే లోకానికి తీసుకెళ్తాయి.

ఏం చూడాలి?: తుంగభద్ర నది తీరాన సూర్యాస్తమయాన్ని చూడటం మర్చిపోవద్దు. కోరకిల్ (బుట్ట పడవ) ప్రయాణం గొప్ప అనుభూతిని ఇస్తుంది.

బడ్జెట్: ఇక్కడ హోమ్ స్టేలు చాలా చౌకగా దొరుకుతాయి.

4. జైసల్మేర్, రాజస్థాన్ :
ఎడారి ఇసుక తిన్నెల్లో క్యాంపింగ్ చేయాలని ఉందా ? అయితే రాజస్థాన్‌లోని ‘గోల్డెన్ సిటీ’ జైసల్మేర్ వెళ్లాల్సిందే.

అనుభవం: ఒంటె సవారీ చేస్తూ ఎడారిలో రాత్రి పూట నక్షత్రాలను చూడటం వర్ణనాతీతం. ఇక్కడి కోటలు, రాజస్థానీ జానపద కళలు మిమ్మల్ని మంత్రముగ్ధులను చేస్తాయి.

టిప్: ఇక్కడ స్థానిక వంటకాలను (లాల్ మాస్, కేర్ సంగ్రి) తప్పక ట్రై చేయండి.

5. వర్కల, కేరళ :
సముద్రం అంచున కొండలు ఉండే ఏకైక ప్రాంతం వర్కల. గోవా లాంటి రద్దీ లేకుండా ప్రశాంతంగా బీచ్‌ను ఆస్వాదించాలనుకునే వారికి ఇది పర్ఫెక్ట్ ప్లేస్.

ప్రత్యేకత: సముద్రం వెంబడి ఉన్న కెఫేలలో కూర్చుని బుక్స్ చదువుకుంటూ సోలో ట్రిప్‌ను ఎంజాయ్ చేయవచ్చు. ఇక్కడ ఆయుర్వేద మసాజ్ కూడా చాలా ఫేమస్.

సోలో ట్రిప్ చేసేటప్పుడు తీసుకోవాల్సిన జాగ్రత్తలు :
పక్కా ప్లానింగ్: వెళ్లే ప్రదేశం గురించి ముందే రీసెర్చ్ చేయండి. హోటల్స్ రివ్యూలు చెక్ చేసుకోండి.

అప్డేట్స్ ఇవ్వండి: మీరు ఎక్కడ ఉన్నారో మీ కుటుంబ సభ్యులకు లేదా స్నేహితులకు ఎప్పటికప్పుడు తెలియజేస్తూ ఉండండి.

స్థానిక సంస్కృతిని గౌరవించండి: వెళ్ళిన చోట అక్కడి పద్ధతులకు అనుగుణంగా ప్రవర్తించడం వల్ల ఇబ్బందులు కలగవు.

తక్కువ లగేజీ: సోలో ట్రిప్‌లో లగేజీ తక్కువగా ఉంటేనే.. మీరు ఫ్రీగా తిరగగలరు.

ముఖ్యమైన డాక్యుమెంట్స్: ఆధార్ కార్డు, అత్యవసర ఫోన్ నంబర్లు, కొంత నగదును ఎప్పుడూ అందుబాటులో ఉంచుకోండి.

సోలో ట్రిప్ అంటే కేవలం ప్రయాణం మాత్రమే కాదు.. అది మిమ్మల్ని మీరు తెలుసుకునే ఒక ప్రయాణం. పైన చెప్పిన ప్రదేశాలన్నీ కూడా ఒంటరిగా తిరగడానికి ఎంతో అనువైనవి. భయపడటం మానేసి, ఒక్కసారి బ్యాగ్ సర్దుకుని బయలుదేరండి.. ఆ అనుభవం మీకు జీవితాంతం గుర్తుండిపోతుంది.

Share

• 
• 
• 
• 
• 
•