సంక్రాంతి వేడుకల సందర్భంగా.. పశ్చిమగోదావరి జిల్లా భీమవరం ఎస్ఆర్కేఆర్ ఇంజనీరింగ్ కాలేజీలో సంబరాలు నిర్వహించారు. భోగిమంటలు వెలిగించి వేడుకలను ప్రారంభించారు డిప్యూటీ స్పీకర్ రఘురామ కృష్ణరాజు. ఈ సందర్భంగా విద్యార్ధులతో కలిసి కోలాటమాడారు సింగర్లు స్మిత, నోయెల్. ఈ కార్యక్రమానికి కలెక్టర్ చదలవాడ నాగవాణి హాజరయ్యారు.
ప్రత్యేకంగా రూపొందించిన భీమవరం బీట్ సాంగ్ను ఈ వేడుకల్లో లాంచ్ చేశారు. స్మిత నటించిన భీమవరం బీట్ సాంగ్లో రఘురామ గెస్ట్ రోల్ చేశారు. భీమవరం బీట్ సాంగ్ సూపర్ హిట్ కావాలని ఆకాంక్షించారు రఘురామ కృష్ణరాజు.
కాగా సంక్రాంతి పండుగను పురస్కరించుకుని ఈ భీమవరం బీట్ సాంగ్ను రూపొందించారు. స్మిత, నోయల్ షాన్ కలిసి ఈ పాటకు సాహిత్యం, సంగీతం సమకూర్చి ఆలపించారు. పండగ వాతావరణం, హై ఎనర్జీ బీట్స్తో సాగే ఈ గ్రూవీ డ్యాన్స్ నంబర్ ప్రేక్షకులను భలే ఆకట్టుకుంటోంది. ఇందులో ఆర్ఆర్ఆర్ మూవీలోని పాపులర్ స్టెప్పులను కూడా చేర్చడం విశేషం.
విజయ్ బిన్నీ దర్శకత్వం వహించిన ఈ వీడియో సాంగ్లో స్మిత, నోయల్ డ్యాన్సులు.. ఎంతో ఉత్సాహభరితంగా ఉన్నాయి. వీరితో పాటు రఘురామకృష్ణరాజు కూడా స్టెప్పులేయడంతో ఈ సాంగ్కు మరింత క్రేజ్ వచ్చింది.
Also Read: రాయలసీమ లిఫ్ట్ ఇరిగేషన్ ప్రాజెక్టు.. సీఎం రేవంత్ వ్యాఖ్యలపై ఏపీ ప్రభుత్వం రిప్లై
ఇక విడుదలైన కొద్ది గంటల్లోనే ఈ సాంగ్కు యూట్యూబ్లో ట్రెండింగ్గా నిలిచింది. లక్షల్లో వ్యూస్ వచ్చాయి. మొత్తం మీద, ఈ సంక్రాంతి పండుగకు యువతను అలరించేందుకు, మంచి ఊపునిచ్చే భీమవరం బీట్ సాంగ్.. పక్కా ఎంటర్టైన్మెంట్ ప్యాకేజీగా మారనుంది. అందులో ఏపీ డిప్యూటీ స్పీకర్ పాటలో నటించడంతో ప్రేక్షకుల్లో మరింత ఆసక్తి నెలకొంది.
Share
How to cure acne: ఏవేవో క్రీములు వాడాల్సిన అవసరమే లేదు.. వీటితో క్షణాల్లోనే మొటిమలు మాయం
Naga Vamshi: హడావిడి కాదు.. కంటెంట్ మాట్లాడాలి…అఖిల్ లెనిన్ గురించి నిర్మాత కీలక వ్యాఖ్యలు..!
