AP EDCET 2024 Results: ఏపీ ఎడ్యుకేషన్ కామన్ ఎంట్రెన్స్ టెస్ట్ ఫలితాలు విడుదలయ్యాయి. గురువారం ఉన్నతాధికారులు ఫలితాలను విడుదల చేశారు. రాష్ట్రంలో టీచర్స్ ట్రైనింగ్ కోర్సులు బీఈడీ, స్పెషల్ బీఈడీ కోర్సుల్లో ప్రవేశాల కోసం ఈ పరీక్షను నిర్వహించారు. ఏపీ రాష్ట్ర ఉన్నత విద్యా మండలి తరుపున విశాఖ ఆంధ్ర యూనివర్సిటీ ఆధ్వర్యంలో ఎడ్సెట్ నోటిఫికేషన్ ఏప్రిల్ 16న విడుదల చేశారు.
ఏప్రిల్ 18 నుంచి మే 15 వరకు రిజిస్ట్రేషన్ ప్రక్రియ కొనసాగింది. ఏపీ ఎడ్సెట్ పరీక్ష జూన్ 8న నిర్వహించగా గురువారం ఫలితాలు విడుదల చేశారు. అభ్యర్థులు ఫలితాల కోసం https://cets.apsche.ap.gov.in/EDCET/Edect/EDCET-Get Result.aspx లో చెక్ చేసుకోవచ్చు.
ఏపీ ఎడ్సెట్ పరీక్ష జూన్ 8న జరిగింది. మొత్తం 9,365 మంది అభ్యర్థులు పరీక్షకు హాజరయ్యారు.ఈ పరీక్షకు సంబంధించిన ప్రిలిమినరీ కీ జూన్ 15న విడుదల చేశారు. ఆన్సర్ కీ డౌన్లోడ్ చేసుకున్నఅభ్యర్థులు తమ అభ్యంతరాలను తెలిపేందుకు 3 రోజుల సమయం ఇచ్చారు. జూన్ 18 వరకు అభ్యంతరాలు తెలిపేందుకు గడువు ఇచ్చారు. ఏపీ ఎడ్సెట్కు సంబంధించిన ఫలితాలను ఆంధ్ర యూనివర్సిటీ ప్రకటించింది. ఎడ్సెట్ ఫలితాలు, స్కోర్ కార్డును అధికారిక వెబ్సైట్ నుంచి డౌన్లోడ్ చేసుకోవచ్చు.
Also Read: ఏపీ ఇంటర్ ఫస్టియర్ సప్లిమెంటరీ ఫలితాలు విడుదల.. ఇలా చెక్ చేసుకోండి!
ఫలితాలను ఎలా చూడాలి..?
అభ్యర్థులు ముందుగా అధికారిక వెబ్సైట్ డైరెక్ట్ లింక్ను క్లిక్ చేయాలి. ఆ తర్వాత రిజిస్ట్రేషన్ నంబర్, ఎడ్సెట్ హాల్ టికెట్ నెంబర్ ఎంటర్ చేయాలి. ఆ తర్వాత వ్యూ రిజల్స్ట్ పై క్లిక్ చేస్తే ఫలితాలు చూసుకోవచ్చు.
Share
Honor 200 Pro Launch: ఉఫ్.. చెమటలు పట్టిస్తున్న హానర్ కొత్త స్మార్ట్ఫోన్.. మరే ఫోన్లు వద్దంటారేమో!
CS Neerabh Kumar Prasad: సీఎస్ నీరభ్ కుమార్ పదవీకాలం పొడిగింపు.. డీఓపీటీ ఉత్తర్వులు జారీ..!
