Gemstone: ఏ రాశి జాతకులు ఏ జాతి రత్నాన్ని ధరించాలో తెలుసా..? ఏ మెటల్లో కలిపి రింగ్ చేయించుకోవాలో తెలుసా..? ఏ వేలికి రింగ్ తొడిగితే అదృష్టం వరిస్తుందో తెలుసా..? అసలు జ్యోతిష్య నిపుణులు ఏం చెప్తున్నారు లాంటి ఆసక్తికరమైన విషయాలు ఇప్పుడు ఈ కథనంలో తెలుసుకుందాం.
జ్యోతిష్య శాస్త్రం ప్రకారం మనుషుల డెస్టినీ మారాలంటే జాతి రత్నాలను ధరిస్తుంటారు. ఈ జాతి రత్నాలను రింగులో పొదిగించుకుని ధరించడం ఒక్క హిందూ సంప్రదాయంలోనే కాదు.. ప్రతి కమ్యూనిటీలోనూ ఉంటుంది. దేశ కాల పరిస్థితులను బట్టి రత్నాలు ధరించే పద్దతులు మారుతుంటాయి కానీ ధరించడం మాత్రం పక్కాగా ఉంటుంది. అయితే జ్యోతిష్య శాస్త్రం ప్రకారం పుట్టిన రాశిని బట్టి ఆయా వ్యక్తులు ఏఏ జాతి రత్నాలు ధరించాలి. ఏ మెటల్లో పొదిగించి రింగ్ చేయించుకోవాలి. ఏ వేలికి ధరించాలి అనే విషయాలు ఇప్పుడు తెలుసుకుందాం.
మేష రాశి (Aries): ఈ రాశి జాతకులు ధరించవలసిన స్టోన్ పగడము (Red Coral), ఈ పగడాన్ఇన బంగారంతో కలిపి రింగ్ చేయించుకుని కుడి చేతి అనామిక వేలు ( ఉంగరపు వేలు) కు ధరించాలని పండితులు సూచిస్తున్నారు.
వృషభ రాశి (Taurus): ఈ రాశి జాతకులు ధరించవలసిన స్టోన్ వజ్రం (Diamond), వజ్రాన్ని ప్లాటినం లేదా వెండి తో కలిపి రింగ్ చేయించుకుని మధ్య వేళికి ధరించాలని జ్యోతిష్యులు సూచిస్తున్నారు.
మిథున రాశి (Gemini): ఈ రాశిలో పుట్టిన వ్యక్తులు పచ్చ రాయి (Emerald) ధరించాలని సూచిస్తున్నారు. అది కూడా బంగారం లేదా వెండి లోహంతో ఉంగరం చేయించుకుని చిటికెన (Little Finger) వేలికి ధరించాలట.
కర్కాటక రాశి (Cancer): ఈ రాశి జాతకులు ముత్యం (Pearl) ధరించాలని అది కూడా వెండితో చేయించిన ఉంగరంలో పొదిగించి చిటికెన (Little Finger) వేలికి ధరించాలని సూచిస్తున్నారు.
సింహ రాశి (Leo): ఈ రాశిలో పుట్టినవారు ధరించాల్సిన రత్నం మాణిక్యం (Ruby / Manikyam) ఇది బంగారంతో చేయించిన ఉంగరంలో పొదిగించి అనామిక వేలు ( ఉంగరపు వేళు)కు ధరించాలట.
కన్య రాశి (Virgo): ఈ రాశి జాతకులు పచ్చ రాయి (Emerald) ధరించాలని పండితులు సూచిస్తున్నారు. అది కూడా వెండితో చేసిన రింగ్లో పొదిగించి చిటికెన (Little Finger) వేలికి ధరించాలట.
తులా రాశి (Libra): ఈ రాశిలో పుట్టిన వ్యక్తులు ఓపాల్ (Opal) లేదా వజ్రం (Diamond) వెండితో చేసిన రింగులో పొదిగించి అనామిక వేలు (ఉంగరపు వేళు)కు ధరించాలట.
వృశ్చిక రాశి (Scorpio): ఈ రాశి జాతకులు పగడము (Red Coral) రాగితో కానీ బంగారంతో కానీ చేసిన ఉంగరంలో పొదిగించి ఉంగరపు వేలుకు ధరించాలని పండితులు సూచిస్తున్నారు.
ధనుస్సు రాశి (Sagittarius): ఈ రాశిలో పుట్టిన వ్యక్తులు కనక పుష్యరాగం బంగారంతో చేయించిన ఉంగరంలో పొదిగించి చూపుడు వేలుకు ధరించాలని జ్యోతిష్యులు సూచిస్తున్నారు.
మకర రాశి (Capricorn): ఈ రాశి జాతకులు ధరించాల్సిన రత్నం నీలం (Blue Sapphire / Neelam). ఈ నీలాన్ని వెండితో చేయించిన ఉంగరంలో పొదిగించి మధ్య వేలికి ధరించాలట.
కుంభ రాశి (Aquarius): ఈ రాశిలో పుట్టిన వ్యక్తులు నీలం (Blue Sapphire) ధరించాలని.. అది వెండితో చేయించిన ఉంగరంలో పొదిగించి మధ్య వేలికి ధరించాలని సూచిస్తున్నారు పండితులు.
మీన రాశి (Pisces): ఈ రాశి జాతకులు కనక పుష్యరాగం, బంగారంతో చేయించిన ఉంగరంలో పొదిగించి చూపుడు వేలికి ధరించాలని పండితులు సూచిస్తున్నారు.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Grok Imagine 1.0: వీడియో జెనెరేషన్ టూల్ సూపర్ అడ్వాన్స్ వెర్షన్ తీసుకొచ్చిన మస్క్.. ఫ్రీగా ఎలా ఉపయోగించాలంటే?
Biker Glimpse: రాజశేఖర్ బైకర్ గ్లింప్స్..బుల్లర్ సునీల్ పాత్రతో సర్ప్రైజ్
