అసలు ప్రపంచమే ఆగిపోతుందా అన్నట్టుగా ప్రతీ పల్లెకి విస్తరించిన ఈ క్యూఆర్ కోడ్ లో మూడు మూలలకి ఉన్న మూడు బాక్సులు ఎదో ..డిజైన్ బాగుండడానికో,లేదా ఏమీ పాలుపోక అలా పెట్టినవో అనుకుంటే మీరు స్కాన్ లో కాలేసినట్టే.ఎందుకంటే ఆ మూడు బాక్సులే మనం స్కాన్ చేసేక్యూ ఆర్ కోడ్ కి అసలైన హార్ట్ బీట్.
ఎలా రీడ్ చేస్తుందంటే
అవును …మనం మాములుగా ఎక్కువ శాతం ఎదురుగా నిలబడే స్కాన్ చేస్తాం.కానీ ఆ క్యూ ఆర్ కోడ్ కి ఎవరైనా ఎదురుగా ఉన్నా, లేక మనకి అందంత దూరంగా ఉన్నా కాస్త సైడ్ నుండో,లేక ఫోన్ ని పైకి పట్టుకునో స్కాన్ చేస్తాం. అదిగో అలా ఫోన్ ని వంకర పెట్టినా,లేక తిప్పి రివర్స్ లో పెట్టి స్కాన్ చేసినా ఫోన్ ఏ మాత్రం కన్ఫ్యూజ్ అవ్వకుండా టకీ మనీ స్కాన్ అయిపోయి పేమెంట్ కి పర్మిషన్ ఇస్తుంది .అలా ఎలా పెట్టినా ఫోన్ కోడ్ ని చేస్తుందంటే ఇదిగో మూడు మూలల్లో ఉన్న ఈ బాక్సుల వల్లే.వీటినే సాంకేతిక బాషలో ఫైండర్ ప్యాటర్న్స్ అంటారు.
మనం కెమెరా ని ఆ కోడ్ మీద పెట్టగానే కోడ్ మీదున్న మూడు బాక్సులని వెంటనే గుర్తుపట్టేస్తుంది.అవి ఏ యాంగిల్ ఉన్నాయో చూసి క్యూఆర్ కోడ్ ఏ వైపు ఎలా తిరిగి ఉందొ సరిగ్గా లేక్కలేసుకుని అలా లోపల ఉన్న మ్యాటర్ ని చదివేస్తుంది.
ఇక్కడే మాథ్స్ లో ఉన్న ఒక లాజిక్
అయితే ముచ్చటగా మూడే ఎందుకు, ఆ నాలుగో మూల ఏం పాపం చేసిందని అనుకుంటున్నారా.అక్కడే మీరు మళ్ళీ కోడ్ లో కాలేశారు.ఎందుకంటే మీకు ఇక్కడే మాథ్స్ లో ఉన్న ఒక లాజిక్ తెలియాలి.అదేంటంటే ఒక వస్తువు ఏ దిశలో ఉందో చెప్పడానికి మూడు పాయింట్లు ఉంటే చాలు.ఆ నాలుగో మూలను ఖాళీగా వదిలేయడం వల్లే కెమెరాకు కోడ్ ఏ వైపు పైకి ఉందో, ఏ వైపు కిందకు ఉందో ఈజీగా అర్థమైపోతుందన్న మాట.
అలా కాకుండా మీరనుకున్నట్టుగా నాలుగో మూలలో కూడా బాక్స్ పెట్టారనుకోండి.కెమెరాకి ఏది పై భాగమో,ఏది కింది భాగమో తెలీక కన్ఫ్యూజన్ లో పడిపోతుంది.ఎందుకంటే ఎటు చూసినా సేమ్ ఉంటాయి కాబట్టి.సో మూడు బాక్సులే పెట్టడానికి కారణం అదన్న మాట.
ఈ టెక్నాలజీని ఎవరు కనిపెట్టారో తెలుసా ..?
ఇక మనలో అంతర్లీనమైన ఈ టెక్నాలజీని ఎవరు కనిపెట్టారో తెలుసా ..? జపాన్కు చెందిన మసహిరో హారా అనే ఇంజనీర్ దీన్ని కనిపెట్టారు.అది కూడా 1994లోనే .అవును .. డెన్సో వేవ్ అనే కంపెనీలో కార్ల స్పేర్ పార్ట్స్ను వేగంగా ట్రాక్ చేయడానికి పాత బార్కోడ్లు సరిపోకపోయేసరికి ఈ క్యూఆర్ (క్విక్ రెస్పాన్స్) కోడ్ను డిజైన్ చేశాడట మసహిరో హారా.
అయితే ఇందులో ఇంకో ఆసక్తికరమైన విషయం ఏంటో తెలుసా ?దీని మీద మరకలు పడ్డా,కోడ్ కాసింత చిరిగిపోయినా, అంతెందుకు ఒక ముప్పై శాతం పాడైనా ..ఏం ప్రాబ్లం లేదంటూ టకీ మని పేమెంట్ కి పర్మిషన్ ఇచ్చేస్తుంది.దీన్నే ఎర్రర్ కరెక్షన్ అంటారు
also read:కుంభమేళా వైరల్ గర్ల్ మోనాలిసా లైఫ్లో బిగ్ ట్విస్ట్.. తండ్రిపై సంచలన ఆరోపణలు
అలా అని విచ్చలవిడిగా వాడేసి మూడు మూలల ఉన్న మూడు బాక్సులని కనిపించకుండా చేస్తే మాత్రం చచ్చినా పేమెంట్ కి పర్మిషన్ ఇవ్వదు.ఎందుకంటే మొదట్లోనే చెప్పుకున్నాం ..ఈ మూడు బాక్సులే కోడ్ కి హార్ట్ బీట్ అని.
క్యూ ఆర్ కోడ్ ల వెనుకున్న అసలు కథ !
కాబట్టి ఇకపై మీరు స్కాన్ చేసే ప్రతిసారీ ఆ మూడు బాక్స్లు కనిపిస్తే, “అబ్బో! స్కానింగ్ ఇంత స్పీడ్గా అవ్వడానికి అసలైన కారణం వీళ్లేనా” అని ఒకసారి గుర్తుచేసుకోండే..ఓకే నా ! ఇదండీ క్యూ ఆర్ కోడ్ ల వెనుకున్న అసలు కథ !
Share
శబరిమల కొండల్లో కొడుకు మిస్సింగ్... ఎమోషనల్ తమిళ ఫ్యామిలీ డ్రామా
నీట్ అక్రమాలపై పార్లమెంట్లో చర్చ జరగాల్సిందే.. బీజేపీపై ఎంపీ చామల ఫైర్!
