Bajaj Freedom 125 Low Price Variant: ప్రముఖ వాహన తయారీ సంస్థ బజాజ్ ఆటో ఇటీవలే ‘ఫ్రీడమ్ 125’ పేరుతో ప్రపంచంలో తొలి సీఎన్‌జీ బైక్‌ను లాంచ్ చేసింది. ఈ బైక్ కోసం ఎంతో మంది వాహన ప్రియులు కళ్లు కాయలు కాచేలా ఎదురుచూశారు. మొత్తంగా ఈ సీఎన్‌జీ బైక్ జూలై 5న గ్రాండ్ లెవెల్లో రిలీజ్ అయింది. ఈ బైక్ అదిరిపోయే లుక్ అండ్ డిజైన్, కళ్లుచెదిరే ఫీచర్లతో మొత్తం డ్రమ్, డ్రమ్ ఎల్‌ఈడీ, డిస్క్ ఎల్‌ఈడీ అనే మూడు వేరియంట్లలో అందుబాటులోకి వచ్చింది. కంపెనీ ఈ బైక్‌ను రెండు ఆప్షన్లలో మార్కెట్‌లో రిలీజ్ చేసింది. అందులో ఒకటి సీఎన్‌జీ కాగా మరొకటి పెట్రోల్. ఈ రెండూ కలిపి మొత్తం 330 కి.మీ కంటే ఎక్కువ మైలేజీ ఇస్తుందని కంపెనీ తెలిపింది. ఇప్పుడు ఈ మూడు వేరియంట్లలో ఏది తక్కువ ధరకు లభిస్తుంది. ఏది ఎంత మైలేజీ ఇస్తుందో ఇప్పుడు తెలుసుకుందాం.
Bajaj Freedom 125 CNG drum variant
బజాజ్ లాంచ్ చేసిన ఫ్రీడమ్ 125 సీఎన్‌జీ బైక్‌లో మొదటిది డ్రమ్ వేరియంట్. ఇది ఎంట్రీ లెవెల్ వేరియంట్. ఈ వేరియంట్ కేవలం రూ.95,000 ఎక్స్ షోరూమ్ ధరతో లాంచ్ అయింది. ఇందులో స్మార్ట్‌ఫోన్ కనెక్టివిటీ కోసం బ్లూటూత్ ఆప్షన్ ఇవ్వబడలేదు. ఈ వేరియంట్‌లో ముందువైపు 130 మిమీ CBS (కంబైన్డ్ బ్రేకింగ్ సిస్టమ్), అలాగే 110 మిమీ రియర్ డ్రమ్ బ్రేకింగ్ సిస్టమ్‌తో రూపొందించిబడింది. ఇది 17 ఇంచుల ఫ్రంట్, 16 ఇంచుల రియర్ అల్లాయ్ వీల్స్‌ను పొందుతుంది. ఈ వేరియంట్ ప్యూటర్ గ్రే/ఎల్లో అండ్ ఎబోనీ బ్లాక్ / రెడ్‌తో మొత్తం రెండు కలర్ ఆప్షన్లలో అందుబాటులో ఉంది. ఇందులో ఫుల్ ఎల్‌సీడీ కన్సోల్, హలోజన్ హెడ్‌లైట్‌ వంటివి ఉన్నాయి.
Also Read: అసలు ఊహించలేదు.. బజాజ్ CNG అదిరింది.. లుక్ చూస్తే పిచ్చెక్కిపోద్ది..!
Bajaj Freedom 125 CNG Drum LED variant
బజాజ్ ఫ్రీడమ్ 125 సీఎన్‌జీ డ్రమ్ ఎల్‌ఈడీ మిడ్ రేంజ్ వేరియంట్. ఈ వేరియంట్ మార్కెట్‌లోకి రూ.1,05,000 ఎక్స్ షోరూమ్ ధరతో అందుబాటులోకి వచ్చింది. ఇందులో కూడా ఎంట్రీ లెవెల్ వేరియంట్ మాదిరిగానే బ్లూటూత్ కనెక్టివిటీ లేదు. కాగా ఇందులో 130 మిమీ రియర్ డ్రమ్ బ్రేకింగ్ సిస్టమ్ ఉంది. ఎల్‌ఈడీ డీఆర్‌ఎల్ (డే టైమ్ లైటింగ్), ఎల్‌ఈడీ హెడ్‌లైట్‌, ట్యాంక్ కవర్ ప్లాప్‌ను కలిగి ఉంది. ఈ వేరియంట్ ఎబోనీ బ్లాక్/ గ్రే, కరేబియన్ బ్లూ, ప్యూటర్ గ్రే/ బ్లాక్, రేసింగ్ రెడ్, సబర్ వైట్ వంటి మొత్తం ఐదు కలర్ ఆప్షన్లలో అందుబాటులోకి వచ్చింది.
Bajaj Freedom 125 CNG Disc LED variant
బజాజ్ ఫ్రీడమ్ 125 సీఎన్‌జీ డిస్క్ ఎల్‌ఈడీ టాప్ వేరియంట్. ఈ వేరియంట్ ఎంట్రీ లెవెల్ అండ్ మిడ్ లెవెల్ వేరియంట్లలో ఉన్న అన్నీ ఫీచర్లను పొందుతుంది. ఇది రూ.1,10,000 ఎక్స్ షోరూమ్ ధరతో రిలీజ్ అయింది. ఇందులో మిస్డ్ కాల్ ఇండికేషన్, కాల్ వార్నింగ్ కోసం బ్లూటూల్ ద్వారా మొబైల్ కనెక్టివిటీతో వస్తుంది. అంతేకాకుండా 240 మిమీ ఫ్రంట్ డిస్క్, 130 మిమీ రియర్ డ్రమ్ బ్రేక్ సిస్టమ్‌తో వస్తుంది. 17 ఇంచుల ఫ్రంట్ అల్లాయ్ వీల్స్‌ను కలిగి ఉంటుంది. అందువల్ల మంచి ఫీచర్లు కలిగిన ఈ బైక్‌ను మీకు ఇష్టమైన ధరలో కొనుక్కోవచ్చు.
Share
July 11th Lucky Zodiac: నేటి నుండి ఈ రాశుల జీవితాల్లో పెను మార్పులు..
PM Modi Arrives In Delhi| రష్యా, ఆస్ట్రియా పర్యటన విజయవంతం.. ఢిల్లీ విమానాశ్రయానికి చేరుకున్న ప్రధాని మోదీ
