Bank Holidays April 2026: సాధారణంగా ప్రతినెలా బ్యాంకులు పనిచేసే తేదీలను రిజర్వ్ బ్యాంక్ ఆఫ్ ఇండియా (RBI) విడుదల చేస్తుంటుంది. నేటి నుంచి (1వ తేదీ) ఏప్రిల్ నెలలో అడుగుపెట్టిన నేపథ్యంలో ఈ నెలకు సంబందించిన హాలీడేస్ జాబితాను ఆర్బీఐ రిలీజ్ చేసింది. బ్యాంకుల వార్షిక ముగింపు, పండుగలు, వారంతపు సెలవులు కలిపి దేశవ్యాప్తంగా వివిధ రాష్ట్రాల్లో పనిచేసే బ్యాంకులు.. ఈ నెలలో ఏకంగా 14 రోజులు మూసి ఉండనున్నాయి. ఏపీ, తెలంగాణతో పాటు ఇతర రాష్ట్రాల్లోని బ్యాంకుల సెలవుల జాబితా ఇప్పుడు చూద్దాం.
తెలుగు రాష్ట్రాల బ్యాంకుల విషయానికి వస్తే.. రెండో శనివారం, ఆదివారం కాకుండా నాలుగు రోజుల సెలవులను ఆర్బీఐ ప్రకటించింది. ఏప్రిల్ 1 (వార్షిక ముగింపు), ఏప్రిల్ 3 (గుడ్ ఫ్రైడే), ఏప్రిల్ 5 (జగ్జీవన్ రామ్ జయంతి), ఏప్రిల్ 14 (అంబేద్కర్ జయంతి) తేదీల్లో బ్యాంకులు మూసివేయనున్నారు. వారంతపు సెలవులు కూడా కలుపుకుంటే (2వ, 4వ శనివారం, 4 ఆదివారాలు) మెుత్తం 9 రోజులు బ్యాంకులకు హాలీడేస్ లభించనున్నాయి. అయితే జగ్జీవన్ రామ్ జయంతి ఆదివారం రావడం గమనార్హం.
ముఖ్యగమనిక: రాష్ట్రాల వారీగా స్థానిక పండుగలను బట్టి సెలవుల్లో స్వల్ప మార్పులు ఉండవచ్చు. కాబట్టి మీ స్థానిక బ్యాంక్ శాఖను సంప్రదించి సెలవులపై స్పష్టత తెచ్చుకోవడం మంచిది.
Share
వామ్మో.. వందే భారత్ ఫుడ్ అంత డేంజరా? లేడీ ప్యాసింజర్ షాకింగ్ కామెంట్స్!
ఇండియన్ నేవీలో అగ్నివీర్ కొలువులు.. మంచి భవిష్యత్తు, ఇంకెందుకు ఆలస్యం
