Home Insurance: జీవితంలో ఇల్లు ఒక్కసారే కట్టుకోగలం.. మరి అలాంటి పెట్టుబడికి ధీమా ఉండాలి కదా! అంటున్నారు ఎక్స్ ఫర్ట్స్. హోమ్ లోన్ తీసుకునేటప్పుడు దానికి అనుబంధంగా టర్మ్ పాలసీని తీసుకుంటారు. లోన్ తీసుకున్న వారికి ఏదైనా జరిగితే కుటుంబంపై భారం పడకుండా టర్మ్ పాలసీతో ఆ మొత్తం చెల్లించవచ్చు. కానీ ఇంటి నిర్మాణానికి, ఇంట్లోని వస్తువులకి ఏదైనా నష్టం జరిగితే.. టర్మ్ పాలసీతో కవర్ కాదు. అందుకే ఇలాంటి నష్టాలకు ప్రత్యేకంగా హోమ్ ఇన్సూరెన్స్ తీసుకోవడం మంచిదని ఎక్స్ ఫర్ట్స్ సూచిస్తున్నారు.
ఇల్లు, అందులోని వస్తువులకు ఏదైనా నష్టం జరిగితే ఆ నష్టాన్ని గృహ బీమా భర్తీ చేస్తుంది. హోమ్ ఇన్సూరెన్స్ లో రెండు రకాలున్నాయి.
కంటెంట్‌ ఇన్సూరెన్స్: ఇంట్లోని గృహోపకరణాలు, ఫర్నిచర్, ఆభరణాలు వంటి వాటికి ఇది ప్రొటెక్షన్ కల్పిస్తుంది.
స్ట్రక్చర్‌ ఇన్సూరెన్స్: ప్రకృతి వైపరీత్యాల వల్ల ఇంటికి తీవ్ర నష్టం జరిగితే పరిహారం పొందవచ్చు.
హోం లోన్ తీసుకునేటప్పుడు ఈ పాలసీలను తీసుకోవడం తప్పనిసరేం కాదు. కానీ కొన్ని బ్యాంకులు ఈ పాలసీలు తీసుకోవాలని మెలిక పెడుతుంటాయి. ఇల్లు కట్టుకున్న ప్రాంతాన్ని బట్టి ఈ పాలసీలు తీసుకోవాలి. వరదలు, భూకంపాలు వచ్చే ప్రాంతాల్లో ఇల్లు ఉంటే.. స్ట్రక్చరల్‌ హోం ఇన్సూరెన్స్ తీసుకోవాలి. ఇలాంటి ఇబ్బందులు లేనప్పుడు కంటెంట్‌ ఇన్సూరెన్స్ బెస్ట్ ఆప్షన్. ఏ రకం పాలసీ తీసుకున్నా.. ముందుగా క్లెయిమ్ రేషియో, ప్రీమియం, మినహాయింపులు, వివిధ ప్రయోజనాలు చెక్ చేసుకోవాలి.
ఎంత అమౌంట్ కు పాలసీ తీసుకోవాలో నిర్ణయించుకునే ముందు.. ఇంటి వ్యాల్యూ లెక్కగట్టాలి. కంటెంట్‌ ఇన్సూరెన్స్ తీసుకోవాలని అనుకుంటుంటే.. ఇంట్లోని ఫర్నీచర్, విలువైన వస్తువుల లిస్ట్ రూపొందించి, వాటి విలువను లెక్కగట్టాలి. ఆ వస్తువు దెబ్బతిన్నా లేదా పోయినా దాని వల్ల మీకు కలిగే ఆర్థిక నష్టాన్ని అంచనా వేయాలి. తరుగు తర్వాత వస్తువు వ్యాల్యూ లేదా వస్తువును కొనుగోలు చేయడానికి అవసరమైన మొత్తం.. ఈ రెండింటిలో ఏది కావాలన్నదీ డిసైడ్ చేసుకోవాలి. ఇంటి వ్యాల్యూ ప్రతి ఏడాది మారుతూ ఉంటుంది. కొత్త వస్తువులు కొంటుంటాం, పాత వస్తువుల విలువ తగ్గుతుంటుంది. కాబట్టి, ఏటా ఈ పాలసీని రివ్యూ చేసుకుని, హోమ్ ఇన్సూరెన్స్ తీసుకోవాలి.
Also Read: పంట నష్టం జరిగితే ఏం చేయాలి?.. 72 గంటల రూల్ తెలుసా?
హోమ్ ఇన్సూరెన్స్ తీసుకునేటప్పుడు ఇన్సూరెన్స్ సంస్థకు ఎలాంటి రాంగ్ ఇన్ఫర్మేషన్ ఇవ్వకండి. ఇంటి నిర్మాణానికి సంబంధించిన పూర్తి వివరాలు తెలియజేయాలి. బిల్స్ ఆధారంగా వస్తువుల గురించి పూర్తి సమాచారం అందించాలి. మీ అవసరాలను బట్టి, గృహబీమాకు పలు అనుబంధ పాలసీలనూ తీసుకోవచ్చు.
Share
Bandla Ganesh: మాట్లాడకు.. నా స్పీచ్ విను! వివి వినాయక్పై షాకింగ్ కామెంట్స్!
Shahid Afridi : ఐపీఎల్ను బహిష్కరించి, బీసీసీఐ పొగరు దించండి.. షాహిద్ ఆఫ్రీది సంచలనం
