Imran Khan: పాకిస్థాన్ మాజీ ప్రధాని, తెహ్రీకే ఇన్సాఫ్ అధినేత ఇమ్రాన్ఖాన్ సంచలన వ్యాఖ్యలు చేశారు. ఉగ్రవాదులతో తనను హత్య చేయించడానికి మాజీ అధ్యక్షుడు ఆసిఫ్ అలీ జర్దారీ కుట్ర పన్నుతున్నాడని ఆరోపించారు. గతంలో కూడా తనను చంపడానికి ప్రయత్నించి విఫలమయ్యారని.. ఇప్పుడు ప్లాన్ సి అమలు చేస్తున్నారని తెలిపారు.
ఆసిఫ్ అలీ జర్దారీ వద్ద లెక్కలేనంత అవినీతి సొమ్ము ఉందని ఆరోపించారు. ఆ డబ్బుతో తనను హత్య చేయించడానికి ప్రయత్నాలు చేస్తున్నాడని మండిపడ్డారు. ఈ కుట్ర వెనుక ప్రభుత్వ ఏజెన్సీల పాత్ర కూడా ఉందని అన్నారు.
పోయిన ఏడాది నవంబర్లో ఇమ్రాన్ఖాన్పై హత్యాయత్నం జరిగిన విషయం తెలిసిందే. పాకిస్థాన్లోని అధికార షాబాజ్ షరీఫ్ ప్రభుత్వానికి వ్యతిరేకంగా వజీరాబాద్లో ర్యాలీ నిర్వహిస్తున్న అతడిపై దుండగులు కాల్పులు జరిపారు. ఈ ఘటనలో ఇమ్రాన్ ఖాన్తో సహా మరో నలుగురికి గాయాలయ్యాయి. ఇమ్రాన్ కాలికి తీవ్ర గాయం కావడంతో ఆసుపత్రికి తరలించి చికిత్స అందించారు.
Share
Street Foods: మగ్గిన మాంసంతో బర్గర్లు.. తేల్చిన పరిశోధనలు..
Tamannaah: తమన్నా - విజయ్ వర్మ మ్యారేజ్ డేట్ ఫిక్స్ అయ్యిందా!
