Dangerous Bacteria: సాధారణంగా ఇంటికి సరుకులు కావాలన్నా.. ఇంకేం అవసరం ఉన్నా 90 శాతం మంది సూపర్ మార్కెట్లకే వెళ్తుంటారు. ఎందుకంటే.. అక్కడే అన్నీ ఒకేచోట దొరుకుతాయనే భరోసాతో. అయితే సూపర్ మార్కెట్‌కు వెళ్లగానే అందరూ చేసే పెద్ద పొరపాటు ఏమిటంటే.. ప్రతి చిన్నదానికీ అక్కడున్న ట్రాలీలను వాడటం. తాజాగా ఈ ట్రాలీలపై అమెరికాలో ఓ స్టడీ నిర్వహించారు. 85 సూపర్ మార్కెట్ల నుంచి కొన్ని ట్రాలీలను సెలెక్ట్ చేసి, వాటి మీద అధ్యయనం చేశారు. దాంట్లో తేలింది ఏమిటంటే.. మనం పట్టుకున్న ట్రాలీ హ్యాండిల్ మీద చాలా పెద్ద సంఖ్యలో బ్యాక్టీరియా నిల్వ ఉంటుందట.
సూపర్ మార్కెట్ ట్రాలీల హ్యాండిల్స్ మీద ఈ. కోలి (E. coli-Escherichia coli) అనే ప్రమాదకరమైన బ్యాక్టీరియా అధిక సంఖ్యలో నిల్వ ఉంటుందట. సాధారణంగా ఈ. కోలి బ్యాక్టీరియా టాయిలెట్ కమోడ్ మీద అధికంగా ఉంటుంది. ముఖ్యంగా పబ్లిక్ టాయిలెట్స్‌లో బీభత్సంగా ఉంటుంది. అలాగే మనం ప్రతిరోజూ గిన్నెలు తోముకునే పీచు, స్క్రాచ్ బైట్ ఇట్లాంటివి వాటి మీద కూడా ఈ బ్యాక్టీరియా అధిక సంఖ్యలో నిల్వ ఉంటుందట. అలాంటి బ్యాక్టీరియాను సూపర్ మార్కెట్లో ప్రతి ఒక్కరూ వాడే ట్రాలీ హ్యాండిల్ మీద గుర్తించారు. అది కూడా కొన్ని వందల రెట్ల సంఖ్యలో.
ఈ నేపథ్యంలో ట్రాలీని పట్టుకున్న చేతులను మన ముఖం మీద పెట్టినప్పుడు లేదా నోటి దగ్గర చేయి పెట్టినప్పుడు చేతి ద్వారా ఆ బ్యాక్టీరియా మన కడుపులోకి వెళ్లిపోతుంది. ఇలా మన పొట్టలోకి వెళ్లిన ఈ. కోలి బ్యాక్టీరియా మన గట్ హెల్త్‌ను విపరీంగా దెబ్బ తీస్తుందని చెబుతున్నారు నిపుణులు. దీని ద్వారా విరేచనాలు, వాంతులు వైరల్ ఫీవర్ ఇలా.. రకరకాల ఇన్‌ఫెక్షన్ల బారీన మనల్ని పడేస్తుంది.
అంతేకాదు.. సూపర్ మార్కెట్‌కు వెళ్లే ప్రతి తల్లిదండ్రులు చేసే పొరపాటు ఏమిటంటే.. పిల్లల్ని తీసుకెళ్లి ఆ ట్రాలీ మీద కూర్చుబెట్టడం. పిల్లలు కూడా ఆ ట్రాలీని పట్టుకుని ఆడుకుంటుంటారు. ఆ తర్వాత చేతులను ముఖం, నోటి దగ్గర పెడుతుంటారు. ముఖ్యంగా ఈ. కోలి బ్యాక్టీరియా అనేది పిల్లలకు ఇంకా ప్రమాదకరమని వైద్యులు హెచ్చరిస్తున్నారు.
ఒకవేళ తప్పని పరిస్థితుల్లో సూపర్ మార్కెట్‌కు వెళ్లాల్సి వచ్చినప్పుడు ట్రాలీ తీసుకోవాల్సిందే అనుకుంటే.. ఒక శానిటర్ తీసుకుని ముందుగా ట్రాలీ హ్యాండిల్ మీద స్ప్రే చేసి, దాన్ని వైబ్ చేసి అప్పుడు దానిని పట్టుకోండి. అలాగే మీ షాపింగ్ అయిపోయిన తర్వాత కూడా మళ్లీ శానిటేజర్‌తో మీ చేతుల్ని శుభ్రం చేసుకోండి. అలాగే పిల్లల్ని ఆ ట్రాలీ మీద కూర్చోపెట్టకపోవడమే ఉత్తమం అంటున్నారు నిపుణులు. దీంతోపాటు మార్కెట్‌కు వెళ్లినప్పుడు సాధ్యమైనంత వరకు ట్రాలీ వాడకాన్ని కూడా తగ్గించాలని సూచిస్తున్నారు.
Share
Top 20 News Today: పంజాబ్లో ఆమ్ ఆద్మీ పార్టీ నేత హత్య.. విమాన సర్వీసులకు తీవ్ర అంతరాయం
Samsung Under Rs10000: శాంసంగ్ బడ్జెట్ ఫోన్స్.. రూ.10000లోపు ధరలో బెస్ట్ ఇవే
