కిచెన్‌లో వంట చేసే సమయంలో మండిపోతోందా? ఈ టిప్స్‌తో వేడికి చెక్

వేసవి వేడిలో వంట చేయడం చాలా కష్టంగా, అసౌకర్యంగా ఉంటుంది. గ్యాస్ స్టవ్, వంటల వేడి వల్ల కిచెన్ ఉష్ణోగ్రత పెరిగిపోతుంది. వేసవి పీక్స్ సమయంలో ఉష్ణోగ్రతలు మరింత పెరుగుతాయి. వంట చేసేటప్పుడు చల్లగా ఉండటం ఆరోగ్యం, సౌకర్యం కోసం చాలా ముఖ్యం. కొన్ని సులభ అలవాట్లు, తెలివైన పద్ధతులు వేడిని తగ్గించేందుకు సహాయపడతాయి.

వంటింట్లో వేడి ఎందుకు పెరిగిపోతుంది?

వంట స్టవ్ నిరంతరం వేడిని ఉత్పత్తి చేస్తుంది. గాలి ప్రసరణ లేకపోతే వేడి ఇంట్లోనే నిలిచిపోతుంది. ఇది అలసట, డీహైడ్రేషన్‌ను పెంచుతుంది.

కిటికీలు, ఎగ్జాస్ట్ ఫ్యాన్ తెరిచి ఉంచండి

సరైన వెంటిలేషన్, ఎగ్జాస్ట్ ఫ్యాన్.. వేడి, పొగను బయటకు పంపుతుంది. కిటికీలు తెరిచి ఉంచడం వల్ల తాజా గాలి వస్తుంది. ఇది వంటింటిని చల్లగా ఉంచుతుంది.

తగినంత నీళ్లు తాగండి

వేసవిలో ఎక్కువ నీళ్లు తాగడం చాలా అవసరం. వంట చేసేటప్పుడు చెమట పట్టి డీహైడ్రేషన్ అవుతుంది. చల్లని నీళ్లు, నిమ్మ రసం, మజ్జిగ తాగడం శరీరాన్ని చల్లగా ఉంచుతుంది.

తేలికపాటి బట్టలు వేసుకోండి

కాటన్ లూజ్ బట్టలు ధరించడం వల్ల గాలి ప్రసరణ బాగా ఉంటుంది. బరువైన బట్టలు చెమటను పెంచి అసౌకర్యం కలిగిస్తాయి.

భారీ వంటలు ఉదయాన్నే చేయండి

ఉదయాన్నే ఉష్ణోగ్రత తక్కువగా ఉంటుంది. ఎక్కువ సమయం వంటలు ఉదయం పూర్తి చేస్తే మధ్యాహ్నం వేడి నుంచి తగ్గుతుంది.

తక్కువ వేడి ఉత్పత్తి చేసే సాధనాలు వాడండి

మైక్రోవేవ్, ప్రెజర్ కుక్కర్లలో వంట చేస్తే వంట త్వరగా పూర్తవతుంది, వేడి కూడా తక్కువ వెలువడుతుంది.

తేలికపాటి ఆహారాలు తయారు చేయండి

ఫ్రై చేసిన ఆహారాలు ఎక్కువ వేడి ఇస్తాయి. సలాడ్, పెరుగు, పండ్లు వంటి తేలికపాటి ఆహారాలు వేసవికి మంచివి.

Also Read: డబ్బు సంపాదించడానికి చాణక్యుడు చెప్పిన 7 నియమాలు.. ధనవంతులు కావడానికి చాణక్య నీతి సూత్రాలు

శరీరాన్ని కూల్ చేసే డ్రింక్స్ తాగండి

నిమ్మ రసం, మజ్జిగ, కొబ్బరి నీళ్లు వంటి డ్రిక్స్ శరీరాన్ని చల్లగా ఉంచుతాయి.

ఈ జాగ్రత్తలు పాటిస్తే వేసవిలో కిచెన్‌లో పనిచేయడం సౌకర్యం అవుతుంది.

Share

• 
• 
• 
• 
• 
•