చద్దన్నం మహిమ తెలిస్తే అస్సలు వదలరు.. ఎండదెబ్బకి చెక్ పెట్టే బెస్ట్ సూపర్ ఫుడ్!

Benefits of fermented rice in summer: వేసవి కాలం రాగానే బాడీని కూల్ చేయడానికి మార్కెట్లో దొరికే కాస్ట్‌లీ ప్రోబయోటిక్ డ్రింక్స్, ఫ్యాన్సీ హెల్త్ షేక్స్ వైపు పరిగెడుతుంటాం. కానీ.. మన వంటిట్లోనే, అదీ రూపాయి ఖర్చు లేకుండా దొరికే ఒక అద్భుతమైన సమ్మర్ సూపర్ ఫుడ్ ఉందన్న విషయం మీకు తెలుసా? అదేనండీ.. మన ముత్తాతల కాలం నాటి రాత్రి మిగిలిన అన్నం.. అదే మన ‘చద్దన్నం’. ప్రాంతాన్ని బట్టి దీన్ని పాంతా భాత్, పఖాలా, పజయా సాదం అని పిలుస్తారు. ప్రస్తుతం గట్ హెల్త్ (జీర్ణశక్తి) పెంచుకోవాలనుకునే హెల్త్ ఫ్రీక్స్ అందరూ ఈ ట్రెడిషనల్ ఫుడ్‌ గురించి తెలుసుకుంటున్నారు.

చద్దన్నం ఎందుకు ఈ సమ్మర్ బెస్ట్ సూపర్ ఫుడ్?
రాత్రి మిగిలిన అన్నంలో కొద్దిగా నీళ్లు పోసి మూత పెడితే, రాత్రంతా అది సహజంగా పులిసి మంచి బ్యాక్టీరియాను తయారు చేస్తుంది. దీనివల్ల కలిగే క్రేజీ హెల్త్ బెనిఫిట్స్ ఏంటో ఇప్పుడు చూద్దాం.

1. బాడీని ఐస్ లాగా చల్లబరుస్తుంది :
ఎండలు మండిపోయేటప్పుడు ఉదయాన్నే ఆయిల్‌తో కూడిన టిఫిన్లు తింటే కడుపులో మంట, నీరసం వస్తాయి. అదే ఒక కప్పు చద్దన్నం తింటే లోపల నుంచి శరీరం చల్ల బడుతుంది. ఎండ వేడి వల్ల వచ్చే అలసట, ఎసిడిటీ, కడుపులో మంటను ఇది మ్యాజిక్‌లా తగ్గిస్తుంది. బజార్లో దొరికే కెమికల్ కూల్ డ్రింక్స్ కంటే ఇది వంద రెట్లు బెటర్.

2. మీ పొట్టకి పండగే :
ప్రస్తుతం ఇన్‌స్టాగ్రామ్‌లో కొంబుచా, కింఛీ అంటూ ట్రెండ్ అవుతున్న ఫెర్మెంటెడ్ ఫుడ్స్ కంటే మన చద్దన్నం చాలా పవర్‌ఫుల్. రాత్రంతా నానడం వల్ల ఇందులో పొట్టకు మేలు చేసే ప్రోబయోటిక్స్ (మంచి బ్యాక్టీరియా) పెరుగుతాయి. ఇది తింటే గ్యాస్, కడుపు ఉబ్బరం తగ్గుతాయి. మలబద్ధకం సమస్య ఉన్నవారికి ఇది బెస్ట్ మెడిసిన్. జీర్ణవ్యవస్థను క్లీన్ చేసి, పొట్టను ఎల్లప్పుడూ లైట్‌గా ఉంచుతుంది.

3. లాంగ్ లాస్టింగ్ హైడ్రేషన్ :
వేసవిలో చెమట రూపంలో ఒంట్లోని నీరంతా ఆవిరైపోయి త్వరగా అలసిపోతాం. చద్దన్నంలో వాటర్ కంటెంట్ ఎక్కువగా ఉండటం వల్ల ఇది శరీరంలో నీటి శాతాన్ని ఎక్కువసేపు కాపాడుతుంది. అందుకే పూర్వకాలంలో రైతులు, కూలీలు ఎండల్లోకి వెళ్లే ముందు చద్దన్నం తిని వెళ్లేవారు.

4. పోషకాల గని :
అన్నం పులియడం వల్ల అందులోని విటమిన్ బి, ఐరన్, మెగ్నీషియం, పొటాషియం, క్యాల్షియం వంటి పోషకాల శక్తి మరింత పెరుగుతుంది. సైన్స్ ప్రకారం.. ఫెర్మెంటేషన్ వల్ల శరీరానికి పోషకాలను వేగంగా గ్రహించే శక్తి వస్తుంది.

5. జీరో బడ్జెట్ ఫ్రెండ్లీ:
దీని కోసం మీరు వందలు, వేలు ఖర్చు పెట్టక్కర్లేదు. ఇంట్లో మిగిలిపోయిన అన్నం ఉంటే చాలు. ఇది వేస్ట్ కాకుండా ఉండటంతో పాటు సస్టైనబుల్ లైఫ్‌స్టైల్‌కు హెల్ప్ అవుతుంది.

చద్దన్నాన్ని టేస్టీగా ఎలా ప్రిపేర్ చేసుకోవాలి ?
చద్దన్నం అనగానే బోర్ ఫీల్ అవ్వాల్సిన అవసరం లేదు. దీన్ని చాలా ట్రెండీగా, టేస్టీగా మార్చేయొచ్చు.

రాత్రి మిగిలిన అన్నంలో అది మునిగే వరకు నీళ్లు పోసి రూమ్ టెంపరేచర్‌లో రాత్రంతా నానబెట్టండి. మరుసటి రోజు ఉదయం అందులో కొద్దిగా పెరుగు, సన్నగా తరిగిన ఉల్లిపాయలు, పచ్చిమిర్చి, కొద్దిగా ఉప్పు వేసి కలపండి. కొందరు ఇందులో ఆవనూనె లేదా కరివేపాకు తాలింపు కూడా వేసుకుంటారు. దీనికి మామిడికాయ ఊరగాయ నంజుకుని తింటే ఆ కిక్కే వేరు.

చద్దన్నం ఆరోగ్యానికి చాలా మంచిదే అయినప్పటికీ.. డయాబెటిస్ (షుగర్) ఉన్నవారు అన్నం క్వాంటిటీ విషయంలో జాగ్రత్తగా ఉండాలి. ఎందుకంటే.. ఇది బ్లడ్ షుగర్ లెవెల్స్‌పై ప్రభావం చూపుతుంది. అలాగే తీవ్రమైన జీర్ణ సమస్యలు లేదా మెడికల్ కండిషన్స్ ఉన్నవారు డైట్‌లో చేర్చుకునే ముందు డాక్టర్ సలహా తీసుకోవడం మంచిది.

గొప్ప గొప్ప హెల్త్ సీక్రెట్స్ ఎప్పుడూ ఇన్‌స్టాగ్రామ్ రీల్స్ లోనో, ఫ్యాన్సీ ప్యాకెట్లలోనో ఉండవు.. మన అమ్మమ్మల కాలం నాటి ట్రెడిషన్స్‌లోనే ఉంటాయి. ఈ సమ్మర్‌లో బాడీని కూల్‌గా, హెల్తీగా ఉంచుకోవడానికి చద్దన్నం కంటే బెస్ట్ ఆప్షన్ లేదు. సో, ఇవాళ్టి నుంచి అన్నం మిగిలిపోతే పారేయకండి.. రేపటి బ్రేక్‌ఫాస్ట్‌గా మార్చేసి సమ్మర్ ఎండలకి టాటా చెప్పేయండి.