Hair Loss| ఈ రోజుల్లో కాలుష్యం, పోషకాహారలోపం, తప్పుడు జీవనశైలి కారణంగా చాలా మంది జుట్టు రాలే సమస్యకు గురవుతున్నారు. అందుకే ఈ సమస్యకు పరిష్కారం పరిశుభ్రత, సరైన పోషకాహారం తీసుకోవడంతో పాటు క్రమశిక్షణ గల జీవనశైలి అలవర్చుకోవడం. ముఖ్యంగా జుట్టు రాలే సమస్య నగరాల్లో జీవిస్తున్న వారు ఎక్కువగా ఎదుర్కొంటున్నారు.
ఉరుకుపరుగుల నగర జీవనశైలిలో చాలా మంది బైక్ రైడింగ్ చేస్తుంటారు. నగరంలో రవాణా కోసం మధ్యతరగతి ప్రజలు ఎక్కువగా ద్విచక్ర వాహనాలనే ఉపయోగిస్తుంటారు. బైక్ రైడింగ్ చేసేటప్పుడు హెల్మెట్ ధరించడం తప్పనిసరి. ఈ నియమాన్ని నగరంలో ట్రాఫిక్ పోలీసులు కఠినంగా అమలు చేస్తుంటారు. అందుకే బైక్ రైడర్లు హెల్మెట్ ప్రతిరోజు ధరిస్తుంటారు. అయితే హెల్మెట్ తరుచూ శుభ్రం చేస్తూ ఉండాలి. లేకపోతే హెల్మెట్ లోని మురికి తలపై చర్మాన్ని హాని చేసే ప్రమాదం ఉంది.
హెల్మెట్ తలను రక్షిస్తుంది కానీ జుట్టుకు హాని కలిగించవచ్చు. ఇందులో తల నుంచి వెలువడే చెమట, నూనె, దుమ్ము పేరుకుపోతాయి. ఈ కారణంగా బ్యాక్టీరియా పెరిగి చెడు వాసన వస్తుంది. జుట్టు రాలడం, గజ్జి, తల చర్మం వాపు వంటి సమస్యలు వచ్చే అవకాశం ఉంది. మురికి హెల్మెట్ లైనింగ్.. జుట్టు కుదుళ్లను నెమ్మదిగా దెబ్బతీస్తుంది. కాబట్టి హెల్మెట్ను క్రమం తప్పకుండా శుభ్రం చేయడం చాలా ముఖ్యం. క్రమం తప్పకుండా శుభ్రం చేస్తే హెల్మెట్ తాజాగా, సురక్షితంగా ఉంటుంది.
చాలా హెల్మెట్లలో లోపలి ప్యాడింగ్ తొలగించే అవకాశం ఉంటుంది. శుభ్రం చేసేముందు ఎప్పుడూ దాన్ని తీసివేయండి. జాగ్రత్తగా తీయండి, పాడవకుండా చూసుకోండి. ఎలా అమర్చబడి ఉందో గమనించండి. ఇలా చేస్తే శుభ్రం చేయడం సులభం, పూర్తిగా జరుగుతుంది.
హెల్మెట్ లోపలి భాగాంలో కాస్త ఉప్పు, వేడినీరు, తేలికపాటి షాంపూతో కడగండి. బలమైన డిటర్జెంట్లు లేదా కెమికల్స్ వాడకండి. ప్యాడింగ్ను కొంతసేపు నానబెట్టండి. చేతులతో సున్నితంగా ప్రెస్ చేసి శుభ్రం చేయండి. గట్టిగా రుద్దకండి. ఇలా చేస్తే ఫోమ్, గుడ్డ చిరిగి పోకుండా ఉంటాయి.
మెత్తని గుడ్డతో లోపలి ఉపరితలాలను శుభ్రం చేయండి. చెమట, నూనె, ధూళిని జాగ్రత్తగా తొలగించండి. ఎక్కువ నీరు పోయకండి. ఇది హెల్మెట్ లోపలి పదార్థాలకు నష్టం కలిగిస్తుంది. ఎప్పుడూ సున్నితంగా శుభ్రం చేయండి.
మైక్రోఫైబర్ గుడ్డ, తేలికపాటి సబ్బు నీటితో బయటి ఉపరితలాన్ని వృత్తాకారంలో తుడవండి. గట్టి బ్రష్లు లేదా రఫ్ వస్తువులు వాడకండి. అవి హెల్మెట్పై గీతలు పడేలా చేస్తాయి. వెంట్స్, అంచులను కాటన్ స్వాబ్తో శుభ్రం చేయండి.
Also Read: బాబోయ్ దువ్వెన నిండా జుట్టు రాలుతోందా.. ఈ రోజు నుంచే ఇవి తినండి.. సమస్యకు చెక్
అన్ని భాగాలను గాలిలో పూర్తిగా ఆరబెట్టండి. డ్రైయర్ లేదా నేరుగా ఎండలో పెట్టకూడదు. వేడి వల్ల హెల్మెట్ పదార్థాలు, గ్లూ దెబ్బతింటాయి. తేమ మిగిలితే చెడు వాసన, ఫంగస్ వస్తాయి. పూర్తిగా ఆరిన తర్వాతే మళ్లీ అమర్చండి.
హెల్మెట్ శుభ్రత జుట్టు ఆరోగ్యకరంగా ఉంచడంలో ముఖ్య పాత్ర పోషిస్తుంది. మురికి హెల్మెట్ తల చర్మాన్ని దెబ్బతీసి జుట్టు విరిగేందుకు కారణమవుతుంది. క్రమం తప్పకుండా శుభ్రం చేయడం ద్వారా హెల్మెట్, జుట్టు రెండూ సురక్షితంగా ఉంటాయి. సాధారణ చిట్కాలు అనుసరించి మంచి శుభ్రత, సౌకర్యాన్ని పొందండి.
Share
స్టాక్ అయిపోయే లోపే ఓ లుక్కేయండి.. సోనీ, శాంసంగ్ స్మార్ట్ టీవీలపై కళ్లు చెదిరే డిస్కౌంట్లు!
రేవంత్ రెడ్డి పార్టీలోకి ఉడుంలా చొచ్చారు.. మాజీ మంత్రి జీవన్ రెడ్డి సంచలన వ్యాఖ్యలు.
