ఆధునిక కాలంలో జీవనశైలి మార్పులు, ఒత్తిడి, నిద్రలేమి, అనారోగ్య ఆహార అలవాట్ల కారణంగా చాలా మందిలో లైంగిక కోరికలు తగ్గిపోతున్నట్టు అధ్యయనాలు చెబుతున్నాయి. ఇది పురుషులు, మహిళలు ఇద్దరిలోనూ కనిపించే సమస్య. అయితే దీనికి వెంటనే మందులవైపు వెళ్లాల్సిన అవసరం లేదు. ముందుగా మన రోజువారీ ఆహారంలో కొన్ని మార్పులు చేసుకుంటే మంచి ఫలితాలు కనిపించవచ్చని ఆరోగ్య నిపుణులు సూచిస్తున్నారు. ముఖ్యంగా ఇంట్లోనే సులభంగా దొరికే కొన్ని ఆహార పదార్థాలు శరీర శక్తిని పెంచి, రక్తప్రసరణను మెరుగుపరచి, మానసిక ఉత్సాహాన్ని కలిగిస్తాయని చెబుతున్నారు.
దానిమ్మతో ఉపయోగం
శృంగార ఆసక్తి పెరగడానికి రక్తప్రసరణ చాలా కీలకం. శరీరంలో రక్తప్రవాహం సక్రమంగా ఉంటేనే హార్మోన్లు సరిగా పనిచేస్తాయి. ఈ విషయంలో పుచ్చకాయ అద్బుతంగా పనిచేస్తుంది. ఇందులో ఉండే సిట్రులిన్ అనే పదార్థం రక్తనాళాలను విస్తరించి, రక్తప్రవాహాన్ని మెరుగుపరుస్తుంది. అలాగే దానిమ్మ కూడా మంచి ఫలితాలు ఇస్తుంది. దానిమ్మలోని యాంటీఆక్సిడెంట్లు రక్తనాళాలను శుభ్రంగా ఉంచి, శరీరానికి తగినంత ఆక్సిజన్ అందేలా చేస్తాయి. క్రమం తప్పకుండా ఈ పండ్లు తీసుకోవడం వల్ల శారీరక శక్తి పెరిగి, శృంగార ఆసక్తి మెరుగవుతుందని నిపుణులు చెబుతున్నారు.
నట్స్ తినడం వల్ల ఫలితం
ఇక నట్స్, గింజలు కూడా ఈ విషయంలో కీలక పాత్ర పోషిస్తాయి. ముఖ్యంగా వాల్నట్స్, బాదం, జీడిపప్పు వంటి నట్స్లో ఉండే ఒమెగా-3 ఫ్యాటీ యాసిడ్స్ మెదడు పనితీరును మెరుగుపరుస్తాయి. ఇవి ఫీల్ గుడ్ హార్మోన్ల విడుదలకు సహాయపడతాయి. మానసిక ఉల్లాసం పెరిగితే సహజంగానే శృంగార ఆసక్తి కూడా పెరుగుతుంది. అలాగే గుమ్మడికాయ గింజలు, నువ్వులు వంటి గింజల్లో జింక్ ఎక్కువగా ఉంటుంది. జింక్ హార్మోన్ సమతుల్యతకు చాలా అవసరం. ఈ గింజలను రోజూ కొద్దిగా ఆహారంలో చేర్చుకోవడం వల్ల శరీర శక్తి, స్టామినా మెరుగవుతుంది.
డార్క్ చాక్లెట్
కొన్ని స్వీట్ ఫుడ్స్ కూడా శృంగార ఆరోగ్యానికి సహాయపడతాయని చెబుతున్నారు. ముఖ్యంగా డార్క్ చాక్లెట్. ఇందులో ఉండే పదార్థాలు మెదడులో ఆనందాన్ని కలిగించే రసాయనాలను విడుదల చేస్తాయి. దీంతో మూడ్ మెరుగుపడి, ఒత్తిడి తగ్గుతుంది. అలాగే ఖర్జూరాలు, ఎండు ద్రాక్ష వంటి డ్రై ఫ్రూట్స్ తక్షణ శక్తిని అందిస్తాయి. వీటిలో ఐరన్, పొటాషియం వంటి ఖనిజాలు ఉండటంతో అలసట తగ్గి శరీరం చురుకుగా మారుతుంది. మానసికంగా ప్రశాంతంగా ఉన్నప్పుడు శృంగార భావనలు సహజంగా మెరుగుపడతాయి.
లైంగిక ఆరోగ్యం అనేది ఆహారం, వ్యాయామం, నిద్ర, మానసిక ప్రశాంతత అన్నీ కలిసినప్పుడు మాత్రమే మెరుగవుతుంది. రోజూ సరైన నిద్ర, క్రమం తప్పకుండా వ్యాయామం, ఒత్తిడిని దూరంగా ఉంచడం కూడా చాలా అవసరం. అలాగే పొగతాగడం, మద్యం ఎక్కువగా తీసుకోవడం వంటి అలవాట్లు తగ్గించుకోవాలి. అవసరమైతే వైద్యులను సంప్రదించడం కూడా మంచిదే. మొత్తంగా చూస్తే, సరైన ఆహార అలవాట్లు, ఆరోగ్యకర జీవనశైలి పాటిస్తే లైంగిక ఆరోగ్యం సహజంగానే మెరుగవుతుందని నిపుణులు సూచిస్తున్నారు.
Share
David Reddy : డేవిడ్ రెడ్డి సినిమాలో రామ్ చరణ్ తో మరో కోలీవుడ్ స్టార్
The RajaSaab Song : ప్రభాస్ రాజాసాబ్ సెకండ్ సింగిల్ వచ్చేసింది, డార్లింగ్ డీసెంట్ లుక్స్
