Herbal Hair Oil: ప్రస్తుతం జుట్టు సంబంధిత సమస్యలు చాలా మందికి సర్వ సాధారణంగా మారాయి. చిన్నా పెద్దా తేడా లేకుండా జుట్టు రాలే సమస్యలను ఎదుర్కుంటున్నారు. జుట్టు రాలడానికి మారుతున్న జీవనశైలితో పాటు అనేక అనారోగ్య సమస్యలు కూడా కారణం కావచ్చు. రాలే జుట్టుతో ఇబ్బంది పడుతున్న వారు బయట దొరికే హెయిర్ ఆయిల్స్ వాడుతుంటారు.
అయినప్పటికీ ఫలితం అంతంత మాత్రంగానే ఉంటుంది. ఇలాంటి సమయంలోనే హెర్బల్ హెయిర్ ఆయిల్స్ తయారు చేసుకుని వాడటం వల్ల మంచి ఫలితం ఉంటుంది. అంతే కాకుండా జుట్టు రాలకుండా కూడా ఉంటుంది. మందార, కొన్ని సహజమైన వస్తువులను మిక్స్ చేసి తయారు చేసిన నూనె జుట్టును బలంగా , ఒత్తుగా మార్చుతుంది. దీని ప్రయోజనాలు, తయారుచేసే విధానాన్ని గురించి ఇప్పుడు తెలుసుకుందాం.
హెర్బల్ హెయిర్ ఆయిల్ ఎలా తయారు చేసుకోవాలి ?
కావలసినవి:
మందారపూలు- 4-5
కొబ్బరి నూనె- 250 గ్రాములు
మెంతులు- 4-5 టీ స్పూన్లు
ఉసిరికాయలు- 3
ఈ నూనెను ఎలా తయారు చేయాలి ?
బాణలిలో కొబ్బరి నూనె మెంతి గింజలు, మందార పువ్వులు, ఉసిరికాయలను చిన్న ముక్కలుగా కట్ చేసి వేడి చేయాలి. ఈ ఆయిల్‌ను 15 నిమిషాల పాటు చిక్కగా అయ్యే వరకూ వేడి చేయాలి. తర్వాత దీనిని చల్లార్చి వడకట్టి సీసాలో నింపాలి.
ఈ నూనెను ఎలా అప్లై చేయాలి ?
ఈ నూనెను మీ జుట్టుకు వారానికి రెండుసార్లు రాయండి. రాత్రంతా అలాగే ఉంచి మరుసటి రోజు ఉదయం షాంపూతో వాస్ చేయండి.
మెంతులు, మందార, ఉసిరి, కొబ్బరి నూనె యొక్క ప్రయోజనాలు:
జుట్టు పెరుగుదల: మెంతిగింజల్లో ప్రోటీన్ , నికోటినిక్ యాసిడ్ ఉంటుంది. ఇది జుట్టు పెరుగుదలను ప్రోత్సహిస్తుంది. మందారలో విటమిన్ సి ఉంటుంది. ఇది జుట్టును బలపరుస్తుంది. ఉసిరిలో యాంటీ ఆక్సిడెంట్లు ఉంటాయి. ఇవి ఫ్రీ రాడికల్స్ నుంచి జుట్టును రక్షిస్తాయి. కొబ్బరి నూనె జుట్టుకు పోషణనిచ్చి తేమను అందిస్తుంది.
చుండ్రును వదిలించుకోండి: మెంతులు , ఉసిరిలో యాంటీ ఫంగల్ లక్షణాలు ఉన్నాయి. ఇవి చుండ్రును తగ్గించడంలో సహాయపడతాయి.
జుట్టు రాలడం: మెంతులు, మందారం జుట్టు మూలాలను బలోపేతం చేస్తాయి. అంతే కాకుండా జుట్టు రాలడాన్ని నివారిస్తాయి.
జుట్టు మెరుస్తుంది: కొబ్బరినూనె, మందారం జుట్టును మెరిసేలా చేస్తాయి .
స్కాల్ప్ సమస్యలు : ఉసిరికాయ, కొబ్బరి నూనె స్కాల్ప్ ను ఆరోగ్యంగా ఉంచుతాయి. అంతే కాకుండా దురద, మంట వంటి సమస్యలను తగ్గిస్తాయి.
Also Read; కరివేపాకుతో హెయిర్ మాస్క్.. ఇది వాడితే జుట్టు రాలే సమస్యే ఉండదు
ఈ నూనె యొక్క ఇతర ప్రయోజనాలు:
ఈ నూనె జుట్టుకు సహజ రంగును ఇస్తుంది.
ఇది జుట్టును సిల్కీగా, మృదువుగా చేస్తుంది.
ఇది UV కిరణాల నుండి జుట్టును రక్షిస్తుంది .
ఇది చుండ్రుపు పూర్తిగా తగ్గిస్తుంది.
గమనిక: వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘బిగ్ టీవీ’ బాధ్యత వహించదని గమనించగలరు.
Share
Deputy CM Bhatti: ఢిల్లీలో డిప్యూటీ సీఎం భట్టి.. కేసీ వేణుగోపాల్‌తో భేటీ, కుల గణన సర్వేపై
Viral Video: పిల్లో కవర్ లో వింత కదలికలు, ఓపెన్ చేస్తే.. వామ్మో వెన్నులో వణుకు పుట్టాల్సిందే!
