Natural Scrub: నేచురల్ స్క్రబ్స్‌తో గ్లోయింగ్ స్కిన్

Natural Scrub: ముఖాన్ని అందంగా మార్చడంలో స్క్రబ్ ఎంతగానో ఉపయోగపడుతుంది. స్క్రబ్ ఫేషియల్ గ్లో పెంచడంలో, చర్మాన్ని మృదువుగా మార్చడంలో చాలా సహాయపడుతుంది. స్క్రబ్ చర్మంలో ఉన్న మృతకణాలను తొలగిస్తుంది. అంతే కాకుండా ముఖం మెరిసిపోతుంది. సాధారణంగా మార్కెట్ నుండి స్క్రబ్‌లను కొనుగోలు చేస్తారు. కానీ ఇంట్లో కూడా సహజమైన స్క్రబ్‌లను సిద్ధం చేసుకోవచ్చు.

ఈ నేచురల్ స్క్రబ్ వల్ల ముఖానికి కొత్త మెరుపు రావడమే కాకుండా చర్మానికి ఎలాంటి హాని కలగదు. మీ వద్ద ఉన్న కొన్ని పదార్థాలతో కేవలం 2 నిమిషాల్లోనే నేచురల్ స్క్రబ్‌ను సిద్ధం చేసుకోవచ్చు. వీటిని ఎలా తయారు చేసుకోవాలో ఇప్పుడు తెలుసుకుందాం.

ఇంట్లోనే 4 సహజసిద్ధమైన స్క్రబ్‌లను తయారు చేసుకోండి..

1. ఓట్స్ , హనీ స్క్రబ్

కావలసినవి:
ఓట్స్ -2 టీస్పూన్లు
తేనె -1 టీస్పూన్
పాలు- కొద్దిగా

తయారుచేసే విధానం: ఓట్స్‌ను మిక్సీలో గ్రైండ్ చేసి పొడి చేసుకోవాలి. ఈ పౌడర్‌లో తేనె, కొద్దిగా పాలు కలిపి పేస్ట్‌లా చేసుకోవాలి. ఈ పేస్ట్‌ను ముఖానికి అప్లై చేసి సున్నితంగా మసాజ్ చేయాలి. 10-15 నిమిషాల తర్వాత గోరువెచ్చని నీటితో కడగాలి.

ప్రయోజనాలు: ఓట్స్ చర్మాన్ని ఎక్స్‌ఫోలియేట్ చేస్తుంది. తేనె చర్మాన్ని తేమ చేస్తుంది, పాలు చర్మాన్ని మృదువుగా చేస్తాయి.

2. కాఫీ, కొబ్బరి నూనె స్క్రబ్..

కావలసినవి:
కాఫీ పొడి -2 టీస్పూన్లు
కొబ్బరి నూనె -1 టీ స్పూన్లు

తయారుచేసే విధానం: కొబ్బరినూనెను కాఫీ పొడితో కలిపి పేస్ట్‌లా చేయాలి. ఈ పేస్ట్‌ను ముఖానికి అప్లై చేసి సున్నితంగా మసాజ్ చేయాలి. 10-15 నిమిషాల తర్వాత గోరువెచ్చని నీటితో కడగాలి.

ప్రయోజనాలు: కాఫీ చర్మాన్ని టోన్ చేస్తుంది. నల్లటి వలయాలను తగ్గిస్తుంది. అయితే కొబ్బరి నూనె చర్మానికి పోషణనిస్తుంది.

3. బియ్యం పిండి, పెరుగు స్క్రబ్..

కావలసినవి:
బియ్యప్పిండి- 2 టీస్పూన్లు
పెరుగు -1 టీస్పూన్
నిమ్మరసం -కొద్దిగా

తయారుచేసే విధానం: బియ్యప్పిండిలో పెరుగు, నిమ్మరసం కలిపి పేస్టులా చేసుకోవాలి. ఈ పేస్ట్‌ను ముఖానికి అప్లై చేసి సున్నితంగా మసాజ్ చేయాలి. 10-15 నిమిషాల తర్వాత గోరువెచ్చని నీటితో కడగాలి.

ప్రయోజనాలు: బియ్యపు పిండి చర్మాన్ని మృదువుగా చేస్తుంది. పెరుగు చర్మానికి పోషణనిస్తుంది. నిమ్మరసం చర్మాన్ని కాంతివంతం చేస్తుంది.

4. షుగర్, ఆలివ్ ఆయిల్ స్క్రబ్..

కావలసినవి:
బ్రౌన్ షుగర్ – 2 టీస్పూన్లు
ఆలివ్ నూనె -1 టీస్పూన్లు

Also Read: గ్లోయింగ్ స్కిన్ కోసం ఇవి తప్పక ట్రై చేయండి

తయారుచేసే విధానం: ఆలివ్ ఆయిల్‌లో బ్రౌన్ షుగర్ మిక్స్ చేసి పేస్ట్‌లా చేయాలి. ఈ పేస్ట్‌ను ముఖానికి అప్లై చేసి సున్నితంగా మసాజ్ చేయాలి. 10-15 నిమిషాల తర్వాత గోరువెచ్చని నీటితో కడగాలి.

ప్రయోజనాలు: చక్కెర చర్మాన్ని ఎక్స్‌ఫోలియేట్ చేస్తుంది. ఆలివ్ ఆయిల్ చర్మాన్ని తేమ చేస్తుంది.

శ్రద్ధ వహించండి..

ఏదైనా కొత్త స్క్రబ్‌ని ఉపయోగించే ముందు, మీ చర్మంపై ప్యాచ్ టెస్ట్ చేయండి.

మీకు ఏదైనా అలెర్జీ ఉంటే, ఈ స్క్రబ్‌లను ఉపయోగించవద్దు.

వారానికి 2-3 సార్లు ఫేస్ ప్యాక్ వేసుకోవచ్చు.

గమనిక: వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘బిగ్ టీవీ’ బాధ్యత వహించదని గమనించగలరు.

Share

• 
• 
• 
• 
• 
•