Multani mitti: ముఖానికే కాదు జుట్టుకు కూడా ముల్తాని మిట్టి ఎంత అద్భుతంగా పనిచేస్తుందో తెలుసా?

ఈ రోజుల్లో జుట్టు సమస్యలు చాలా మందిని వేధిస్తున్నాయి. జుట్టు రాలడం, డాండ్రఫ్, ఆయిలీ స్కాల్ప్, జుట్టు పెరగకపోవడం వంటి సమస్యలు సాధారణంగా మారాయి. ఈ సమస్యలకు చాలామంది ఖరీదైన షాంపూలు, క్రీములు వాడుతున్నారు. కానీ ఇప్పుడు మళ్లీ ఒక పాత సహజ పరిష్కారం ప్రాచుర్యం పొందుతోంది. అదే ముల్తాని మిట్టి. ముల్తాని మిట్టి అనేది సహజంగా లభించే మట్టి. ఇది చాలా కాలంగా చర్మం, జుట్టు సంరక్షణలో ఉపయోగిస్తున్నారు. ముఖ్యంగా స్కాల్ప్‌ను శుభ్రం చేయడంలో ఇది చాలా బాగా పనిచేస్తుంది. సాధారణంగా మనం వాడే షాంపూలు పైపైన మురికిని మాత్రమే తీసేస్తాయి. కానీ మల్తాని మిట్టి మాత్రం లోపలికి వెళ్లి, స్కాల్ప్‌లో ఉండే మలినాలను కూడా బయటకు తీసేస్తుంది.

ముల్తాని మిట్టితో లాభాలు
మన తలపై రోజంతా ధూళి, చెమట, ఆయిల్ పేరుకుపోతాయి. ఇవి జుట్టు వేర్లను బలహీనంగా చేస్తాయి. దీని వల్ల జుట్టు రాలడం పెరుగుతుంది. ఇలాంటి సమయంలో మల్తాని మిట్టి ఒక సహజ క్లీనర్‌లా పనిచేస్తుంది. ఇది స్కాల్ప్‌లోని అదనపు ఆయిల్‌ను తీసేసి, తలను శుభ్రంగా ఉంచుతుంది. దీంతో జుట్టు వేర్లు బలంగా మారతాయి. ఇంకా ముల్తాని మిట్టిలో కొన్ని ముఖ్యమైన ఖనిజాలు ఉంటాయి. ఇవి జుట్టుకు పోషణ ఇస్తాయి. జుట్టు దృఢంగా, ఆరోగ్యంగా ఉండటానికి సహాయపడతాయి. జుట్టు త్వరగా విరిగిపోకుండా కాపాడుతాయి. అలాగే జుట్టు మెత్తగా, మెరిసేలా కూడా మారుతుంది.

Also read: Fatty liver: మద్యం తాగకపోయినా ఫ్యాటీ లివర్ వ్యాధి.. ప్రతి ఒక్కరూ జాగ్రత్తగా ఉండాల్సిందే

ముల్తాని మిట్టి మరో ముఖ్యమైన ప్రయోజనం ఏమిటంటే, ఇది స్కాల్ప్‌లో రక్తప్రసరణను మెరుగుపరుస్తుంది. మనం దీన్ని తలకు రాసి కొద్దిగా మసాజ్ చేస్తే, రక్తం సరిగ్గా సర్క్యులేట్ అవుతుంది. దీంతో జుట్టు వేర్లకు పోషకాలు బాగా అందుతాయి. ఫలితంగా జుట్టు పెరుగుదల మెరుగవుతుంది. ముల్తాని మిట్టిని వాడటం కూడా చాలా సులభం. దీనిని నీటితో కలిపి పేస్ట్‌లా చేసుకుని తలకు రాసుకోవచ్చు. అయితే నీటితో మాత్రమే కలిపి వాడితే కొంతమందికి జుట్టు ఎండిపోవచ్చు. అందుకే అలొవెరా జెల్, పెరుగు, కొబ్బరి నూనె వంటి వాటితో కలిపి వాడితే ఇంకా మంచి ఫలితం ఉంటుంది. ఇలా వాడితే జుట్టు మృదువుగా కూడా ఉంటుంది.

ఎలా వాడాలి?
ముల్తాని మిట్టి వాడేటప్పుడు ఒక చిన్న జాగ్రత్త తీసుకోవాలి. దీన్ని తలకు రాసిన తర్వాత పూర్తిగా ఎండిపోనివ్వకూడదు. అది పూర్తిగా ఎండిపోతే జుట్టు గట్టిగా మారి, కడిగేటప్పుడు విరిగే ప్రమాదం ఉంటుంది. కాబట్టి 15 నుంచి 20 నిమిషాల తర్వాత, కొంచెం తడి ఉన్నప్పుడే కడగడం మంచిది. ఇది ముఖ్యంగా ఆయిలీ స్కాల్ప్ ఉన్నవారికి చాలా ఉపయోగపడుతుంది. తలలో ఎక్కువగా ఆయిల్ ఉండే వారికి ఇది మంచి పరిష్కారం. కానీ డ్రై హెయిర్ ఉన్నవారు జాగ్రత్తగా వాడాలి. ఎక్కువగా వాడితే సహజ ఆయిల్ కూడా తగ్గిపోతుంది. అందుకే వారానికి ఒకసారి మాత్రమే వాడటం సరైన పద్ధతి.

ముల్తాని మిట్టి వాడడం వల్ల డాండ్రఫ్ కూడా తగ్గుతుంది. స్కాల్ప్‌లో ఉండే ఇర్రిటేషన్ తగ్గి, చర్మం చల్లగా ఉంటుంది. అలాగే జుట్టు సహజంగా మెరుస్తుంది. దీని వల్ల జుట్టు ఆరోగ్యంగా కనిపిస్తుంది. ముల్తాని మిట్టి ఒక సింపుల్, నేచురల్ పరిష్కారం. ఖరీదైన ప్రోడక్ట్స్ అవసరం లేకుండా, ఇంట్లోనే సులభంగా వాడుకోవచ్చు. సరైన విధంగా వాడితే, ఇది జుట్టు సమస్యలను తగ్గించి, జుట్టును బలంగా, అందంగా మార్చడంలో సహాయపడుతుంది.