లిప్‌స్టిక్ వల్ల పెదవులు నల్లగా మారాయా? ఈ 3 వంటింటి చిట్కాలతో మళ్ళీ గులాబీ రంగులోకి!

Natural lip Scrubs: లిప్‌ స్టిక్ లేనిదే బయట అడుగు పెట్టని వారు చాలా మంది ఉంటారు. అయితే రోజూ లిప్‌స్టిక్ వాడటం, ముఖ్యంగా నాణ్యత లేని బ్రాండ్స్ లేదా మ్యాట్ ఫినిష్ లిప్‌స్టిక్స్ వల్ల పెదవులు క్రమంగా నల్లగా మారుతుంటాయి. దీనినే ‘లిప్ పిగ్మెంటేషన్’ అంటారు. లిప్‌స్టిక్‌లోని కెమికల్స్ పెదవుల సహజ రంగును దెబ్బతీస్తాయి. మరి పోయిన గులాబీ రంగును తిరిగి తేవడం ఎలా? డార్క్ లిప్స్ సమస్యను దూరం చేసి, మీ పెదవులను మళ్ళీ సాఫ్ట్‌గా, పింక్ కలర్‌లోకి మార్చే అద్భుతమైన హోంమేడ్ స్క్రబ్స్ గురించి ఇప్పుడు తెలుసుకుందాం.

లిప్‌స్టిక్ వల్ల పెదవులు నల్లగా మారుతున్నాయా? గులాబీ రంగు కోసం బెస్ట్ స్క్రబ్స్ ఇవే..
పెదవుల మీద ఉండే చర్మం చాలా సున్నితంగా ఉంటుంది. నిరంతరం లిప్‌స్టిక్ లేయర్స్ ఉండటం వల్ల చర్మం గాలి పీల్చుకోలేక, డెడ్ స్కిన్ సెల్స్ పేరుకుపోయి నల్లగా మారుతుంది. ఈ నలుపును వదిలించుకోవడానికి వారానికి రెండు సార్లు ఈ స్క్రబ్స్ ట్రై చేయండి.

1. పంచదార – తేనె స్క్రబ్ :
ఇది అన్నిటికంటే ఫేమస్, ఎఫెక్టివ్ స్క్రబ్. పంచదార సహజంగా ఎక్స్‌ఫోలియేట్ చేస్తే, తేనె పెదవులకు తేమను అందిస్తుంది.

ఎలా వాడాలి?: ఒక స్పూన్ పంచదారలో అర స్పూన్ తేనె కలపండి. ఈ మిశ్రమంతో పెదవులపై రెండు నిమిషాల పాటు సున్నితంగా మసాజ్ చేయండి. తర్వాత చల్లటి నీటితో శుభ్రం చేయండి. పంచదార.. మృత కణాలను చర్మాన్ని తీసేస్తే, తేనె పెదవులను మృదువుగా మారుస్తుంది.

2. బీట్‌రూట్ – పంచదార స్క్రబ్ :
పెదవులు సహజంగా పింక్ కలర్‌లోకి రావాలంటే.. బీట్‌రూట్ మించింది లేదు.

ఎలా వాడాలి?: బీట్‌రూట్ ముక్కను తురిమి జ్యూస్ తీయండి. అందులో కొంచెం పంచదార కలిపి స్క్రబ్ లాగా వాడండి. బీట్‌రూట్‌లోని సహజ రంగు పెదవులకు మంచి గ్లో ఇస్తుంది. ఇది పెదవుల మీద ఉన్న పిగ్మెంటేషన్‌ను క్రమంగా తగ్గిస్తుంది.

3. నిమ్మరసం – పంచదార స్క్రబ్ :
నిమ్మకాయలో సహజమైన బ్లీచింగ్ గుణాలు ఉంటాయి. ఇది పెదవులపై ఉన్న నలుపును త్వరగా తొలగించడానికి సహాయ పడుతుంది.

ఎలా వాడాలి?: ఒక చిన్న నిమ్మకాయ చెక్క మీద కొంచెం పంచదార చల్లి, దానితో పెదవులపై మసాజ్ చేయండి. అయితే పెదవులు పగిలి ఉంటే ఇది వాడకండి, మంట పుట్టే అవకాశం ఉంటుంది.

4. కాఫీ – కొబ్బరి నూనె స్క్రబ్ :
కాఫీ పొడి పెదవులపై రక్త ప్రసరణను పెంచుతుంది. కొబ్బరి నూనె పోషణను ఇస్తుంది.

ఎలా వాడాలి?: అర స్పూన్ కాఫీ పొడిలో కొంచెం కొబ్బరి నూనె కలిపి స్క్రబ్ చేయండి. ఇది పెదవులను ఇన్‌స్టంట్‌గా సాఫ్ట్‌గా మారుస్తుంది.

పెదవులు నల్లబడకుండా ఉండాలంటే కొన్ని జాగ్రత్తలు:
మేకప్ తీసేయడం: రాత్రి పడుకునే ముందు పెదవులపై ఉన్న లిప్‌స్టిక్‌ను క్లెన్సర్ లేదా కొబ్బరి నూనెతో పూర్తిగా క్లీన్ చేయాలి.

లిప్ బామ్: ఎప్పుడూ నాణ్యమైన లేదా SPF ఉన్న లిప్ బామ్ వాడండి.

నీళ్లు ఎక్కువగా తాగాలి: శరీరం డీహైడ్రేట్ అయితే కూడా పెదవులు నల్లగా మారుతాయి.