Natural Makeup Remover At Home: ఫంక్షన్లకు లేదా పార్టీలకు వెళ్ళినప్పుడు మేకప్ వేసుకోవడం ఎంత సరదాగా ఉంటుందో, తిరిగి వచ్చాక దానిని తీసేయడం అంతకంటే పెద్ద టాస్క్. చాలా మంది మార్కెట్లో దొరికే ఖరీదైన మేకప్ రిమూవర్లను వాడుతుంటారు. కానీ వాటిలో ఉండే ఆల్కహాల్, కెమికల్స్ వల్ల చర్మం పొడిబారిపోవడం, మొటిమలు రావడం వంటి సమస్యలు తలెత్తుతాయి. నిజానికి.. మీ మేకప్ను ఎంతో సులభంగా.. చర్మానికి హాని కలగకుండా తొలగించే అద్భుతమైన పదార్థాలు మీ వంటింట్లోనే.. ఉన్నాయి. అవేంటో తెలిస్తే మీరు ఇకపై బయట మేకప్ రిమూవర్లు కొనడం మానేస్తారు.
మేకప్ తీసేయడానికి కెమికల్స్ ఎందుకు?
రోజంతా మేకప్తో ఉన్నప్పుడు చర్మంపై రంధ్రాలు మూసుకుపోతాయి. అందుకే రాత్రి పడుకునే ముందు మేకప్ను పూర్తిగా తొలగించడం చాలా ముఖ్యం. రసాయనాలు లేని పద్ధతిలో.. మేకప్ తీసేయడానికి ఈ మూడు పదార్థాలు అద్భుతంగా పని చేస్తాయి.
1. కొబ్బరి నూనె :
మేకప్ రిమూవింగ్లో ‘కింగ్’ అని కొబ్బరి నూనెను చెప్పవచ్చు. ఇది ఎంతటి మొండి మేకప్నైనా ఇట్టే కరిగించేస్తుంది.
ఎలా వాడాలి?: కొద్దిగా కొబ్బరి నూనెను చేతుల్లోకి తీసుకుని ముఖంపై సున్నితంగా మసాజ్ చేయండి. మేకప్ కరిగిపోయాక, కాటన్ ప్యాడ్తో తుడుచుకోండి. ఇది చర్మాన్ని శుభ్రం చేయడమే కాకుండా, సహజమైన మాయిశ్చరైజర్గా పనిచేసి ముఖాన్ని మృదువుగా ఉంచుతుంది.
2. పచ్చి పాలు :
మీది సెన్సిటివ్ స్కిన్ అయితే.. పాలు మీకు బెస్ట్ ఆప్షన్. పాలలో ఉండే లాక్టిక్ యాసిడ్ చర్మాన్ని సున్నితంగా ఎక్స్ఫోలియేట్ చేస్తుంది.
ఎలా వాడాలి?: చల్లటి పచ్చి పాలలో ఒక దూది ఉండను ముంచి, దాంతో ముఖంపై ఉన్న మేకప్ను తుడవండి. ఇది కేవలం మేకప్ను మాత్రమే కాకుండా.. రోజంతా చర్మంపై చేరిన ధూళిని కూడా తొలగిస్తుంది. పాలు వాడటం వల్ల చర్మం ఎర్రగా మారడం వంటి సమస్యలు రావు.
3. దోసకాయ రసం :
మేకప్ తీసేటప్పుడు చర్మానికి చల్లదనం కావాలంటే.. దోసకాయ రసాన్ని వాడండి. ఇందులో ఉండే యాంటీ ఇన్ఫ్లమేటరీ గుణాలు చర్మాన్ని ప్రశాంతపరుస్తాయి.
ఎలా వాడాలి?: దోసకాయను తురిమి రసం తీయండి. ఆ రసాన్ని ముఖానికి పట్టించి కాసేపటి తర్వాత తుడి చేయండి. ముఖ్యంగా జిడ్డు చర్మం ఉన్నవారికి ఇది చాలా మేలు చేస్తుంది. ఇది ముఖంపై ఉన్న జిడ్డును తొలగించి, తాజాగా ఉంచుతుంది.
ముఖ్యమైన జాగ్రత్త:
మేకప్ తీసేసిన తర్వాత కేవలం తుడిచేసి వదిలేయకండి. తప్పని సరిగా గోరు వెచ్చని నీటితో ,. మైల్డ్ ఫేస్ వాష్తో ముఖం కడుక్కోండి. దీని వల్ల నూనె అవశేషాలు చర్మంపై మిగిలిపోకుండా ఉంటాయి.
Share
ఐదు ఎపిసోడ్లతో హడలెత్తిస్తున్న అతిపెద్ద కుంభకోణం... ఐయండిబిలో 9.2 అద్భుతమైన రేటింగ్... ఎక్కడ చూడచ్చో తెలుసా ?
Gundeninda Gudigantalu Nithu : ' గుండెనిండా గుడిగంటలు ' నీతు రియల్ లైఫ్.. ఒక్కరోజు రెమ్యూనరేషన్ ఎంతంటే..?
