వడదెబ్బ తగలకుండా ఉండాలా? అయితే మీ మధ్యాహ్న భోజనంలో ఇది ఉండాల్సిందే!

Raw onion curd benefits: ఎండలు మండిపోతున్నప్పుడు మనం ఎన్ని కూల్ డ్రింక్ తాగినా.. ఎంత ఏసీలో ఉన్నా శరీరంలో ఉక్కపోత తగ్గదు. అయితే.. మన తాతలు ఎండలో కష్టపడి పని చేస్తున్నా అంత ఆరోగ్యంగా ఎలా ఉండేవారో ఎప్పుడైనా ఆలోచించారా? దానికి ప్రధాన కారణం వారి ఆహారపు అలవాట్లు. ముఖ్యంగా మధ్యాహ్న భోజనంలో వారు పచ్చి ఉల్లిపాయను నంచుకుని తినేవారు. అది కేవలం రుచి కోసం కాదు.. వడదెబ్బ నుంచి శరీరాన్ని రక్షించే ఒక పక్కా సైన్స్. దీని గురించి ఇప్పుడు వివరంగా తెలుసుకుందాం.

పచ్చి ఉల్లిపాయ పెరుగు: వేసవిలో ఎందుకు తీసుకోవాలి?

“ఉల్లి చేసే మేలు తల్లి కూడా చేయదు” అన్న సామెత వేసవిలో అక్షరాలా నిజం. ఉల్లిపాయ కేవలం వంటలకు రుచిని ఇవ్వడమే కాదు.. అది ఒక శక్తివంతమైన రక్షణ కవచంలా పనిచేస్తుంది.

1. క్వెర్సెటిన్ :
పచ్చి ఉల్లిపాయలో ‘క్వెర్సెటిన్’ అనే అద్భుతమైన ఫ్లేవనాయిడ్ ఉంటుంది. ఇది శరీరంలో హిస్టమైన్ విడుదలను అరికడుతుంది. ఎండ తీవ్రత వల్ల శరీరంలో కలిగే ఇన్ఫ్లమేషన్ (మంట)ను తగ్గించడంలో ఇది కీలకంగా పని చేస్తుంది. ముఖ్యంగా వడదెబ్బ తగలకుండా చేసే సహజ నిరోధకంగా క్వెర్సెటిన్ పనిచేస్తుంది. శాస్త్రీయంగా చెప్పాలంటే.. ఇది శరీరానికి ఒక యాంటీ-హీట్ ఏజెంట్‌లా తోడ్పడుతుంది.

2. బాడీ ఇన్సులేషన్:
మధ్యాహ్నం ఎండలో ఉన్నప్పుడు మన అంతర్గత శరీర ఉష్ణోగ్రత వేగంగా పెరుగుతుంది. పచ్చి ఉల్లిపాయలోని సల్ఫర్ సమ్మేళనాలు శరీర ఉష్ణోగ్రతను సమతుల్యం చేస్తాయి. భోజనంలో పెరుగుతో.. పాటు ఉల్లిపాయను తీసుకోవడం వల్ల శరీరానికి ఒక రకమైన ‘థర్మల్ ఇన్సులేషన్’ లభిస్తుంది. అంటే.. బయట ఎండ ఎంత ఉన్నా.. మీ శరీరం లోపల చల్లగా ఉండేలా ఇది జాగ్రత్త పడుతుంది.

3. పెరుగుతో తోడైతే రెట్టింపు ప్రయోజనం:
పెరుగు అనేది సహజసిద్ధమైన ప్రోబయోటిక్. ఇది జీర్ణక్రియను మెరుగు పరచడమే కాకుండా శరీరానికి చలవ చేస్తుంది. ఉల్లిపాయ , పెరుగు కలిసినప్పుడు, అది ఒక పర్ఫెక్ట్ హైడ్రేటింగ్ ఏజెంట్‌గా మారుతుంది. ఇది ఎండ వల్ల వచ్చే నీరసాన్ని తగ్గించి, శరీరానికి తక్షణ శక్తిని ఇస్తుంది. మన పూర్వీకులు అన్నంలో మజ్జిగ పోసుకుని పచ్చి ఉల్లిపాయను కొరుక్కుని తినడం వెనక ఉన్న ఆరోగ్య సూత్రం ఇదే.

4. జీర్ణక్రియ, రోగనిరోధక శక్తి:
వేసవిలో ఆహారం త్వరగా అరగదు. ఉల్లిపాయలోని పీచు పదార్థం, పెరుగులోని ఎంజైమ్‌లు కలిసి జీర్ణ వ్యవస్థను చురుగ్గా ఉంచుతాయి. అలాగే వేసవిలో వచ్చే ఇన్ఫెక్షన్ల నుంచి కాపాడటానికి మన రోగ నిరోధక శక్తిని ఇవి పెంచుతాయి.

దీన్ని ఎలా తీసుకోవాలి?
ఉల్లిపాయ పచ్చడి: పెరుగులో సన్నగా తరిగిన పచ్చి ఉల్లిపాయ ముక్కలు, కొద్దిగా పచ్చిమిర్చి, ఉప్పు కలిపి తింటే రుచికి రుచి, ఆరోగ్యానికి ఆరోగ్యం.

పచ్చి ముక్కలుగా: నేరుగా అన్నంలో పచ్చి ఉల్లిపాయ ముక్కలను నంచుకోవడం వల్ల అందులోని ఎంజైమ్‌లు నేరుగా శరీరానికి అందుతాయి.

మజ్జిగలో: పల్చటి మజ్జిగలో ఉల్లిపాయ ముక్కలు వేసుకుని తాగడం వల్ల డీహైడ్రేషన్ సమస్య తలెత్తదు.

తీసుకోవాల్సిన జాగ్రత్తలు:

ఉల్లిపాయను కోసిన వెంటనే వాడాలి. చాలా సేపు కోసి పెట్టిన ఉల్లిపాయపై బ్యాక్టీరియా త్వరగా చేరుతుంది.

పచ్చి ఉల్లిపాయ తిన్న తర్వాత నోటి దుర్వాసన రాకుండా ఉండటానికి కొద్దిగా సోంపు లేదా పుదీనా ఆకులను నమలవచ్చు.

ఫ్యాన్సీ కూల్ డ్రింక్స్ , ఐస్ క్రీముల కంటే మన సాంప్రదాయ ఆహారంలోనే వేసవిని తట్టుకునే శక్తి ఉంది. మధ్యాహ్నం పూట ఎండలో బయటకు వెళ్లేవారు లేదా ఆఫీసులో పని చేసేవారు తమ లంచ్ బాక్స్‌లో ఒక పచ్చి ఉల్లిపాయను తప్పని సరిగా చేర్చుకోవాలి. ఇది మీ శరీరానికి ‘దేశీ హీట్-షీల్డ్’లా పనిచేసి, మిమ్మల్ని ఆరోగ్యంగా ఉంచుతుంది. మన పూర్వీకుల జ్ఞానాన్ని తక్కువ అంచనా వేయకుండా.. ఈ వేసవిలో ఈ చిన్న మార్పు చేసి చూడండి!