రూపాయి ఖర్చు లేకుండా.. క్షణాల్లోనే చెదలను వదిలించే అద్భుతమైన మార్గాలు ఇవే!

Home Remedies for Termites: ఇంట్లోని చెక్క ఫర్నిచర్ లేదా కిటికీ తలుపులకు చెదలు పట్టడం అనేది సాధారణ సమస్య. ఇవి నిశ్శబ్దంగా లోలోపలే చెక్కను తినేస్తూ.. పూర్తిగా పాటు చేస్తాయి. ఇలాంటి సమయంలో ఖరీదైన కెమికల్స్ వాడకుండా, ఇంట్లో అందుబాటులో ఉండే సహజమైన వస్తువులతోనే ఈ చెదలను సమర్థవంతంగా తరిమికొట్టవచ్చు. పర్యావరణానికి హాని చేయని చిట్కాలు పాటించడం ద్వారా మీ ఇంటిని , ఆరోగ్యాన్ని కాపాడుకోవచ్చు. చెదలను వదిలించుకోవడానికి పనికొచ్చే అత్యంత ప్రభావవంతమైన 6 ఇంటి చిట్కాలు , నివారణా మార్గాలను గురించి ఇప్పుడు వివరంగా తెలుసుకుందాం.

ఇంట్లోని చెదలను వదిలించుకోవడానికి 6 అద్భుతమైన చిట్కాలు :

1. బోరిక్ యాసిడ్ పౌడర్ :
చెదలను చంపడంలో బోరిక్ యాసిడ్ అత్యంత శక్తివంతమైంది. ఇది ఒక సహజ కీటక నాశనిలా పని చేస్తుంది. ఇది చెదల శరీరంలోని నాడీ వ్యవస్థను దెబ్బతీసి.. వాటిని డీహైడ్రేషన్ (నీరు లేకపోవడం)కు గురిచేసి చంపేస్తుంది.

ఎలా వాడాలి: బోరిక్ యాసిడ్ పౌడర్‌ను నీటిలో కలిపి స్ప్రే బాటిల్ ద్వారా ప్రభావిత ప్రాంతాల్లో చల్లాలి. లేదా పెయింట్ బ్రష్‌తో చెక్కపై పూతలా పూయవచ్చు.

2. ఆరెంజ్ ఆయిల్ :
ఆరెంజ్ ఆయిల్‌లో ‘డి-లిమోనేన్’ అనే పదార్ధం ఉంటుంది. ఇది మనుషులకు, పెంపుడు జంతువులకు సురక్షితం కానీ చెదలకు మాత్రం ప్రాణాంతకం. ఇది చెదల పైపొరను కరిగించి వాటిని చంపేస్తుంది.

ఎలా వాడాలి: మార్కెట్లో దొరికే ప్యూర్ ఆరెంజ్ ఆయిల్‌ను తీసుకుని, చెదలు ఉన్న రంధ్రాలలో కొన్ని చుక్కలు వేయండి. ఇది తక్కువ విస్తీర్ణంలో ఉన్న చెదలకు బాగా పనిచేస్తుంది.

3. వేప నూనె :
పురాతన కాలం నుంచి వేపను కీటక నాశనిగా వాడుతున్నారు. వేప నూనె చెదల పెరుగుదలను ఆపడమే కాకుండా.. అవి గుడ్లు పెట్టకుండా, చర్మాన్ని మార్చుకోకుండా నిరోధిస్తుంది.

ఎలా వాడాలి: ఒక దూది ఉండను వేప నూనెలో ముంచి.. చెదలు పట్టిన ఫర్నిచర్ లేదా గోడల పగుళ్లపై రుద్దాలి. ఫలితం కనిపించే వరకు దీనిని తరచుగా చేస్తూ ఉండాలి.

4. వెనిగర్, నిమ్మరసం:
వెనిగర్‌లోని అసిడిక్ గుణాలు చెదలను తరిమికొట్టడంలో గ్రేట్‌గా పనిచేస్తాయి. దీనికి నిమ్మరసం తోడైతే దాని పవర్ మరింత పెరుగుతుంది.

ఎలా వాడాలి: సగం కప్పు వైట్ వెనిగర్‌లో రెండు నిమ్మకాయల జ్యూస్ కలపండి. ఈ మిశ్రమాన్ని స్ప్రే బాటిల్‌లో పోసి, చెదలు ఉన్న రంధ్రాలలో , సందుల్లో బాగా స్ప్రే చేయండి.

5. ఉప్పు :
ఉప్పు అత్యంత సరళమైన, చవకైన మార్గం. ఉప్పు చెదల శరీరంలోని తేమను పూర్తిగా లాగేసుకుంటుంది.దీని వల్ల అవి త్వరగా చనిపోతాయి.

ఎలా వాడాలి: సమాన మోతాదులో ఉప్పు , గోరువెచ్చని నీటిని కలిపి చిక్కని ద్రావణం తయారు చేయండి. ఒక సిరంజి సహాయంతో ఈ నీటిని నేరుగా చెదలు ఉన్న రంధ్రాలలోకి ఎక్కించండి.

6. సూర్యరశ్మి :
చెదలు చీకటి , తేమ ఉన్న చోట మాత్రమే జీవించగలవు. వాటికి సూర్యరశ్మి , వేడి తగిలితే అస్సలు తట్టుకోలేవు.

ఎలా వాడాలి: చెదలు పట్టిన కుర్చీలు, టేబుల్స్ వంటి చిన్న వస్తువులను 2 నుండి 3 రోజుల పాటు నేరుగా ఎండలో ఉంచండి. సూర్యుడి వేడికి లోపల ఉన్న తేమ ఆవిరైపోయి చెదలు చనిపోతాయి.

Also Read: మొండి మరకలైనా మాయం! ఫ్రిజ్‌ను కొత్తదానిలా మెరిపించే 5 సింపుల్ టిప్స్!

ముందస్తు జాగ్రత్తలు:
లీకేజీలు అరికట్టండి: ఇంట్లో నీటి పైపులు లీక్ అవుతుంటే వెంటనే రిపేర్ చేయించండి. తేమ ఉన్నచోట చెదలు వేగంగా వస్తాయి.

చెక్క సామాగ్రి దూరం: గోడలకు ఆనించి పాత పేపర్లు లేదా కట్టెలు పెట్టకండి.

రెగ్యులర్ చెకప్: అప్పుడప్పుడు బీరువాల వెనక, తలుపు మూలల్లో ‘మట్టి గొట్టాలు’ ఉన్నాయేమో పరిశీలిస్తూ ఉండండి.

ముఖ్య గమనిక: ఈ చిట్కాలు చిన్నపాటి సమస్యలకు బాగా పనిచేస్తాయి. ఒకవేళ చెదలు ఇంటి పునాదుల వరకు వెళ్లినట్లయితే.. వెంటనే ప్రొఫెషనల్ పెస్ట్ కంట్రోల్ వారిని సంప్రదించడం బెస్ట్.