Neem Leaves for Hair: వేపాకులను ఇలా వాడారంటే జుట్టు మెరిసిపోతూ పొడవుగా పెరిగేస్తుంది

ఇప్పుడు జుట్టు సమస్యలు విపరీతంగా పెరిగిపోయాయి. జుట్టు రాలడం, చుండ్రు, జుట్టు పలచబడటం, తల చర్మం దురద ఇలాంటి సమస్యలు ఇప్పుడు ఎక్కువగా కనిపిస్తున్నాయి. ఈ సమస్యలకు చాలామంది రసాయనాలతో ఉన్న షాంపూలు, ఆయిల్స్ వంటివి ఉపయోగిస్తారు. కానీ ప్రకృతి ఇచ్చిన కొన్ని ఔషధ మొక్కలు జుట్టుకు చాలా మేలు చేస్తాయి. వాటిలో వేపాకులు ప్రధానమైనవి.

వేప చెట్టును ప్రకృతి ఇచ్చిన డాక్టర్ అని కూడా పిలుస్తారు. దాని ఆకులు, కాయలు, తొక్క అన్నింటికీ ఔషధ గుణాలు ఉన్నాయి. ముఖ్యంగా జుట్టు సంరక్షణలో వేప ఒక అద్భుతమైన సహజ నివారిణిగా పరిగణిస్తారు. వేపాకులు జుట్టుకు ఎలా ఉపయోగపడతాయో ఇప్పుడు సింపుల్‌గా చూద్దాం.

చుండ్రును తగ్గించే సహజ మందు
చుండ్రు సమస్య చాలా మందికి ఉంటుంది. దీనివల్ల జుట్టు రాలడమే కాకుండా తలలో దురద, తెల్లటి పొరలు కూడా రావచ్చు. వేపాకులు యాంటీ-ఫంగల్ గుణాలు కలిగి ఉంటాయి. అంటే తలలోని శిలీంధ్రాలను తగ్గిస్తాయి.ఒక గిన్నెలో నీరు మరిగించి అందులో 10–15 వేపాకులు వేయాలి.నీరు పచ్చగా మారిన తర్వాత చల్లబరచాలి. ఆ నీటిని హెయిర్ శుభ్రం చేసేందుకు ఉపయోగించాలి. ఇలా వారానికి 2–3 సార్లు చేస్తే చుండ్రు సమస్య చాలా వరకు తగ్గుతుంది.

జుట్టు రాలడాన్ని ఆపుతుంది
వేపాకులు తల చర్మంలోని ఇన్‌ఫెక్షన్లను తగ్గిస్తుంది. తల మీద చర్మం ఆరోగ్యంగా ఉంటే జుట్టు రాలడం చాలా వరకు తగ్గుతుంది. వేపాకుల్లో ఉన్న యాంటీ ఆక్సిడెంట్స్ జుట్టు రూట్స్‌ను బలపరుస్తాయి. వేపాకులను మెత్తగా పొడి చేసుకోవాలి. దానికి కొద్దిగా నెయ్యి లేదా కొబ్బరి నూనె కలపాలి. ఈ పేస్ట్‌ను తలకు రాసి 30 నిమిషాలు ఉంచాలి. తర్వాత షాంపూతో తలస్నానం చేయాలి. ఇది జుట్టు రాలడం తగ్గించడంలో చాలా సహాయపడుతుంది.

తల చర్మాన్ని శుభ్రపరుస్తుంది
పొడి వాతావరణం, దుమ్ము, కాలుష్యం కారణంగా తల చర్మం త్వరగా మురికిగా మారుతుంది. ఇది ఇన్‌ఫెక్షన్లకు దారితీస్తుంది. వేపాకుల్లో ఉన్న గుణాలు తల చర్మాన్ని డిటాక్స్ చేస్తాయి. అంటే మురికిని, దోషాలను తొలగిస్తాయి. వేపాకుల నీటితో తల స్నానం చేయడం వల్ల తల చర్మం సహజంగా శుభ్రపడుతుంది.

జుట్టు పొడిబారడాన్ని తగ్గిస్తుంది
జుట్టు పొడి బారడం వల్ల విరిగిపోవడం, చిట్లడం జరుగుతుంది. వేపాకులు సహజంగా ఆయిల్ బ్యాలెన్స్‌ను కాపాడుతాయి. ముఖ్యంగా కొబ్బరి నూనెతో వేపాకులను ఉడికించి ఆ నూనెను జుట్టుకు రాస్తే జుట్టు మృదువుగా మారుతుంది.

కొబ్బరి నూనె ఒక గిన్నెలో వేసి వేడి చేయాలి. అందులో ఒక ముష్టి వేపాకులు వేయాలి. ఆకులు నల్లగా మారే వరకు ఉంచాలి. చల్లారిన తర్వాత బాటిల్‌లో నింపాలి. వారానికి 2 సార్లు ఈ నూనెతో మసాజ్ చేస్తే జుట్టు పొడితనం తగ్గుతుంది.

జుట్టును నల్లగా చేస్తుంది
వేపాకులు జుట్టు పెరుగుదలను ప్రోత్సహించే సహజ గుణాలు కలిగి ఉన్నాయి. రక్తప్రసరణను మెరుగుపరుస్తాయి. తల రూట్స్‌కు పోషణ అందిస్తుంది. జుట్టు దట్టంగా పెరుగుతుంది.ముందుగా తెల్లగా మారే సమస్య తగ్గుతుంది. జుట్టుకు సహజ కాంతి వస్తుంది. వేపాకుల పేస్ట్ లేదా వేపాకుల నీరు దీని కోసం అద్భుతంగా పనిచేస్తాయి.

తల దురదకు చికిత్స
తలనొప్పి దురద రావడానికి ఫంగస్, బ్యాక్టీరియా లేదా డ్రై స్కిన్ కారణం కావచ్చు. వేపాకులు యాంటీ సెప్టిక్ గుణాలు కలిగి ఉండటం వల్ల దురద తగ్గుతుంది. ఒక్కసారి వేపాకులతో తలస్నానం చేస్తేనే రిలీఫ్ ఇస్తుంది.

వేపాకుల పేస్ట్‌ను కళ్లకు తగలకుండా చూసుకోవాలి. తీవ్ర చర్మసున్నితత్వం ఉన్నవారు ముందుగా చిన్న టెస్ట్ చేసుకోవాలి. ఏదైనా ఇన్‌ఫెక్షన్ ఉంటే వైద్యుడిని సంప్రదించాలి.