Actor Sivaji: స్త్రీల బట్టలపై శివాజీ కామెంట్స్.. రెండు రోజులు నిద్ర పట్టలేదంటూ!

Actor Sivaji:తాజాగా నటుడు శివాజీ మహిళల వస్త్రధారణపై చేసిన కొన్ని వివాదాస్పద వ్యాఖ్యలు సోషల్ మీడియాలో పెద్ద దుమారాన్నే రేపాయి. సెలబ్రెటీలు ఏం మాట్లాడినా అది సెన్సేషనే అవుతుంది. అనసూయ, చిన్మయి వంటి వారు గట్టిగా రియాక్ట్ అవ్వడంతో శివాజీ వెనక్కి తగ్గక తప్పలేదు. అయితే, ఈ ఇష్యూ తనను ఎంతలా కలిచివేసిందో చెబుతూ తాజాగా ఆయన చేసిన ఎమోషనల్ కామెంట్స్ ఇప్పుడు నెట్టింట వైరల్ అవుతున్నాయి. అసలు ఆయన ఏమన్నారో చూద్దాం.

వివాదానికి కారణమైన ఆ మాటలు:

సాధారణంగా శివాజీ అంటే ముక్కుసూటిగా మాట్లాడే వ్యక్తి అనే పేరుంది. అయితే, ఒక ఇంటర్వ్యూలో సెలబ్రెటీల డ్రెసింగ్ స్టైల్ గురించి ఆయన చేసిన వ్యాఖ్యలు లక్ష్మణ రేఖ దాటేశాయి. “బట్టలు ఎలా పడితే అలా వేసుకుంటే సమాజంపై ప్రభావం పడుతుంది” అనే అర్థం వచ్చేలా.. ఆయన మాట్లాడటం సామాన్యులతో పాటు తోటి సెలబ్రెటీలకు కూడా ఆగ్రహం తెప్పించింది. మంచు మనోజ్, సింగర్ చిన్మయి వంటి వారు ‘ఎవరి డ్రెస్ వారి ఇష్టం’ అంటూ కౌంటర్లు వేయడంతో వ్యవహారం ముదిరింది. శివాజీ లాంటి మెచ్యూర్డ్ యాక్టర్ ఇలా మాట్లాడటం ఏంటని నెటిజన్లు కూడా ట్రోలింగ్ మొదలుపెట్టారు.

పశ్చాత్తాపంలో శివాజీ.. రెండు రోజులు నిద్రలేదు:

ఈ వివాదం ముదిరిన తర్వాత శివాజీ వెంటనే క్షమాపణలు చెప్పారు. అయితే తాజాగా మరోసారి ఈ విషయంపై స్పందిస్తూ తన మనసులోని బాధను బయటపెట్టారు. “నేను అలా మాట్లాడకుండా ఉండాల్సింది. ఆ మాటలు అన్న తర్వాత నేను కూడా రెండు రోజులు సరిగ్గా నిద్రపోలేదు. అది నన్ను వ్యక్తిగతంగా చాలా ఇబ్బంది పెట్టింది” అంటూ ఎమోషనల్ అయ్యారు. ఏదో సందర్భంలో, పరిస్థితుల ప్రభావం వల్ల అలా అనాల్సి వచ్చిందే తప్ప, ఎవరినీ తక్కువ చేయాలనే ఉద్దేశం తనకు లేదని ఆయన స్పష్టం చేశారు. ఒక సెలబ్రెటీ తన తప్పును తెలుసుకొని అంతలా బాధపడటం ఇప్పుడు చర్చనీయాంశంగా మారింది.

సెలబ్రెటీ హోదా.. ఆచి తూచి అడుగులేయాలి:

ఈ మొత్తం ఎపిసోడ్ ను చూస్తే ,మనకి అర్ధం అవుతుంది. ఇక పాపులారిటీ ఎంత ఎక్కువగా ఉంటే బాధ్యత కూడా అంతే ఉంటుంది. బాలయ్య బాబు లాంటి వాళ్లు ఏదైనా అంటే ఆయన తీరు అంతే అని వదిలేస్తారు కానీ, పద్ధతిగా ఉంటారని పేరున్న వాళ్లు నోరు జారితే బూతద్దంలో పెట్టి చూడటం సహజం. ఇక శివాజీకి ఎదురైన ఈ అనుభవం తోటి నటులకు కూడా ఒక గుణపాఠం లాంటిది. ఏది ఏమైనా, తప్పును ఒప్పుకొని పశ్చాత్తాపం చెందడం శివాజీలోని మంచి మనిషిని చూపిస్తోందని ఆయన అభిమానులు అభిప్రాయపడుతున్నారు. ఇక వివాదానికి చెక్ పెట్టి మళ్ళీ తన పనిలో బిజీ అయిపోవాలని ఆయన భావిస్తున్నారు.

ALSO READ: UBS Movie: పవన్ మ్యానరిజాన్ని డీకోడ్ చేయబోతున్నాం – హరీష్ శంకర్